എന്റെ ചിന്താ ധാരകള്‍!

അളിയാ ഔട്പുട്ട് കിട്ടി

2011-10-20T05:25:00.001-07:00

സാധാരണക്കാരുടെ ലാബ്‌ എക്സാംസ് തട്ടിക്കൂട്ടലുകളിലും .. ഒരു പാര്‍ഷ്യല്‍ ഔട്പുട്ടിലും ഒതുങ്ങി കൊണ്ടിരുന്ന തൊടുപുഴ എഞ്ചിനീയറിംഗ് കോളേജിലെ രണ്ടായിരം മുതല്‍ രണ്ടായിരത്തി നാല് വരെയുള്ള കാലങ്ങള്‍.

ഭാഗം ഒന്ന് :- മത്തായി എന്ന ജീനിയസ്
ഏഴാമത്തെ സെമെസ്റ്ററില്‍ ആണെന്ന് തോന്നുന്നു.. നമുക്ക് ജാവയുടെ ലാബ്‌ എക്സാം ഉണ്ടാരുന്നത്. നമ്മുടെ ക്ലാസ്സില്‍ ഒരു മച്ചാന്‍ ഉണ്ടാരുന്നു.. പുള്ളി ക്ലാസ്സിലെ ബുജികളുടെ അടുത്ത് പോയി.. ഒരു മാതിരി ചോദിക്കാന്‍ സാധ്യത ഉള്ള എല്ലാ പ്രോഗ്രാമും അവരെ കൊണ്ട് തന്നെ എഴുതിച്ചു അതെല്ലാം കൂടി ഒരു ഫ്ലോപ്പി ഡിസ്കില്‍ ഇട്ടു കൊണ്ട് വന്നു എക്സാമിന്റെ തലേ ദിവസം എല്ലാ കംപ്യുട്ടെറിലും വിന്‍ഡോസ്‌ ഡയറക്ടറിക്ക് അകത്തു ബൂട്ട് അതിനകത്ത് ബി ബൂട്ട് എന്നൊരു ഫോള്‍ഡറില്‍ കൊണ്ട് വന്നു ഇടുക എന്നൊരു കര്‍മം മൂന്നാമത്തെ സെമസ്ടര്‍ മുതല്‍ മുടക്കില്ലാതെ ചെയ്തു പോന്നിരുന്നു.. അതെ വിവരം ക്ലാസ്സില്‍ ഉള്ള ബാക്കി ആളുകളെ അദ്ദേഹം അറിയിക്കുക കൂടി ചെയ്തത് കാരണം ഒരു പാര്‍ഷ്യല്‍ ഔട്പുട്ട് എങ്കിലും എല്ലാവര്‍ക്കും ഉറപ്പാരുന്നു.. അത് കൊണ്ട് തന്നെ മത്തായി എന്ന ജീനിയസ് ലാബ്‌ എക്സാമിന്റെ തലേ ദിവസം പോലും കാര്യമായിട്ട് ഒന്നും പഠിച്ചില്ല.. ആകെ അറിയാവുന്ന കാര്യം കമ്പ്യല്‍ ചെയ്ത് ഔട്പുട്ട് കാണിക്കും.. പക്ഷെ പ്രോഗ്രാം ബി ബൂട്ടില്‍ ഉണ്ടാവണം..ഈ ബൂട്ട് എന്നൊക്കെ ഫോള്ടെറിന്റെ പേര് ഇടുന്നത് കാരണം ലാബിലെ ചേട്ടന്മാരും ഇത് ഡിലീറ്റ് ചെയ്ത് കളയില്ല..

അങ്ങനെ മത്തായി ലാബില്‍ കേറി..ഒരു ചെറിയ ചാറ്റ് അപ്ലിക്കേഷന്‍ ചെയ്യാന്‍ ഉള്ള ചോദ്യം കിട്ടി.. ചെറിയ ചാറ്റ് അപ്ലിക്കേഷന്‍ എന്ന് വെച്ചാല്‍ ആകെ ഒരു ക്ലയന്റ് വിന്‍ഡോ വേണം..ഒരു സെര്‍വര്‍ വിന്‍ഡോ വേണം..രണ്ടും ചുമ്മാതെ ഡോസ് പ്രോമ്പ്റ്റ് മതി.. ഒന്നില്‍ ടൈപ്പ് ചെയ്തിട്ട് എന്റര്‍ അടിക്കുമ്പം മറ്റേതില്‍ കാണണം..അത്ര മാത്രം..

മത്തായിക്ക് സീറ്റ്‌ കിട്ടിയത് സാറിന്റെ തൊട്ടു അടുത്ത് തന്നെ.. സാര്‍ നോക്കി ഇരിക്കുന്നത് കാരണം എന്ത് ചെയ്തിട്ടും ബി ബൂട്ട് വരെ എത്തിപ്പെടാന്‍ പറ്റുന്നില്ല.. അത് കൊണ്ട് അറിയാവുന്ന ജാവ സാധനങ്ങള്‍ എല്ലാം തിരിച്ചും മറിച്ചും ഒരു നോട്ട്പാഡ് എടുത്തു വെച്ച് എഴുതുന്നതായിട്ടു അഭിനയിച്ചു.. സാര്‍ എപ്പം നോക്കിയാലും മത്തായി മരണ ടൈപ്പിംഗ്‌ ..എല്ലാം കൂടി അമ്പതു ലൈന്‍ കോഡ് എഴുതണ്ട പ്രോഗ്രാം മത്തായി എഴുതി എഴുതി ഒരു അഞ്ഞൂറ് ലൈന്‍ ആയി.. അങ്ങനെ ഒരു രണ്ടു മണിക്കൂര്‍ കഴിഞ്ഞു.. വേറെ ആരോ ഔട്പുട്ട് കാണിക്കാന്‍ സാറിനെ വിളിച്ചു കൊണ്ട് പോയ സമയം നോക്കി.. മത്തായി ബി ബൂട്ടില്‍ കേറി ചാറ്റ് എന്ന് കണ്ട ഒരു പ്രോഗ്രാം എടുത്തു കൊണ്ട് വന്നു പഴയ നോട്ട്പാടിലേക്ക് ഇട്ടു..ഒന്ന് കമ്പയില്‍ ചെയ്ത് ഔട്പുട്ട് നോക്കിയ മത്തായി ഞെട്ടി..
യാഹൂ മെസ്സഞ്ചര്‍ പോലെ ഒരു സാധനം മുന്നില്‍.. ആരൊക്കെ ചാറ്റ് ചെയ്യാന്‍ ഉണ്ടെന്നു കാണിക്കുന്ന ഒരു സ്ക്രീന്‍, ക്ലയന്റ് വിന്‍ഡോയില്‍ ചാറ്റ് ചെയ്യുന്നതിന് മുന്നേ യൂസര്‍ നെയിം ചോദിക്കുന്ന ഒരു സെക്ഷന്‍, ടൈപ്പ് ചെയ്തിട്ട് എന്റര്‍ അടിക്കുന്നതിനു പകരം.. സെന്‍റ് എന്നൊരു ബട്ടണ്‍, ഒരു പത്തു ഇമോട്ടികോന്‍സ് അയക്കാന്‍ ഉള്ള സെറ്റപ്പ്, സെര്‍വര്‍ വിന്‍ഡോ നീല കളറിലും.. ക്ലയന്റ് വിന്‍ഡോ പച്ച കളറിലും.. ആകെ മൊത്തം ഒരു ഒന്നൊന്നര സംഭവം...

മത്തായി കോഡ് മൊത്തത്തില്‍ ഒന്ന് ഓടിച്ചു നോക്കി .. ഇല്ല രക്ഷ ഇല്ല.. എന്ത് സാധനം കമന്റ്‌ ചെയ്‌താല്‍ ഇതിന്റെ കളര്‍ പോകും എന്നോ.. ഇതിലെ സെന്‍റ് ബട്ടണ്‍ പോകുമെന്നോ ഒന്നും ഒരു എത്തും പിടിയും കിട്ടുന്നില്ല.. തന്നെയും അല്ല.. ഏതേലും ലൈന്‍ എടുത്തു കമന്റ്‌ ചെയ്‌താല്‍ ഇത് പിന്നെ വര്‍ക്ക്‌ ചെയ്യുവോ എന്നും അറിയില്ല.. അവസാനം മത്തായി രണ്ടും കല്‍പ്പിച്ചു സാറിനെ ഔട്പുട്ട് കാണിച്ചു.. സാര്‍ ഞെട്ടിത്തരിച്ചു ചോദിച്ചു.. ഇതെന്തിനാ ഇത്രയും ഭീകര സാധനം ചെയ്തെക്കുന്നെ? അഞ്ചു മിനിറ്റ് മുന്നേ വരെ ടൈപ്പ് ചെയ്തോണ്ട് ഇരുന്നിട്ട് ഇയാള്‍ കമ്പയില്‍ ചെയ്തപ്പം ഒരു എറര്‍ പോലും വന്നില്ലേ? ഹോ !!
മത്തായി :- ഓ ആദ്യം കിട്ടിയ ചോദ്യം ചല്ലെന്ജിംഗ് അല്ലാരുന്നു സാര്‍. ഭയങ്കര സിമ്പിള്‍ ആരുന്നു

ഭാഗം രണ്ടു :- പാമ്പിന്റെ പാര്‍ഷ്യല്‍ ഔട്പുട്ട്
മൂന്നാമത്തെ സെമസ്ടരില്‍ ഒരു നമ്പര്‍ പ്രൈം ആണോ അല്ലയോ എന്ന് കണ്ടു പിടിക്കുന്ന പ്രോഗ്രാം എഴുതാന്‍ വന്നു.. പാമ്പിന്റെ പ്രോഗ്രാമില്‍ എന്ത് നമ്പര്‍ കൊടുത്താലും ഉത്തരം പ്രൈം നമ്പര്‍ അല്ല എന്ന് കാണിക്കും.. പാമ്പിനു പാര്‍ഷ്യല്‍ ഔട്പുട്ട്.. പ്രൈം അല്ലാത്ത നമ്പറുകള്‍ കൊടുത്താല്‍ പ്രോഗ്രാം കറക്റ്റ് ആയി വര്‍ക്ക് ചെയ്യുന്നുണ്ടല്ലോ..

ഭാഗം മൂന്നു:- മിനി പ്രൊജക്റ്റ്‌
അഞ്ചു ആറു പേര് കൂടി ഒരു ഗ്രൂപ്പ് ആയിട്ട് ആരുന്നു മിനി പ്രൊജക്റ്റ്‌.. പതിവ് പോലെ വെല്യ വെല്യ പ്ലാനിങ്ങില്‍ ആരുന്നു ഇവന്മാര്‍ എല്ലാരും.. ഫിന്ഗര്‍ പ്രിന്റ്‌ ഐടന്റിഫിക്കെഷന്‍ ചെയ്യാം എന്ന് ഇവന്മാര്‍ ആദ്യം തീരുമാനിച്ചു.. പിന്നെ ഉള്ള ആറു മാസം ഇതിനെക്കുറിച്ച്‌ മറന്നു പോയത് പോലെ നടന്നു.. അവസാനം ഡെമോ കാണിക്കുന്നതിന്റെ ഒരു ആഴ്ച മുന്നേ എല്ലാരും വീണ്ടും തീരുമാനം മാറ്റി.. ഫിന്ഗര്‍ പ്രിന്റ്‌ സംഭവം പാടാണ്, വേറെ ഹാര്‍ഡ്‌വെയര്‍ ഒക്കെ വേണം.. വെബ്‌ക്യാം വെച്ച് ഫേസ് റെക്കഗ്നിഷന്‍ ചെയ്യാം.. കൂട്ടത്തില്‍ അത്യാവശ്യം വെളിവുള്ള ഒരുത്തന്‍ പറഞ്ഞു.. എവിടുന്നേലും അത്യാവശ്യം വര്‍ക്ക്‌ ചെയ്യുന്ന ഒരു കോഡ് കിട്ടിയാല്‍.. ഞാന്‍ അത് റെഡി ആക്കി എടുത്തോളാം..എവിടുന്നോ കാശു കൊടുത്തു വര്‍ക്ക്‌ ചെയ്യും എന്ന് അവര്‍ അവകാശപ്പെട്ട ഒരു സാധനം ഡേമോയുടെ തലേ ദിവസം വാങ്ങിച്ചു..ചെയ്ത് നോക്കിയപ്പം ഒരാളെ പോലും അത് മര്യാദക്ക് റെക്കഗ്നൈസ് ചെയ്യുന്നില്ല.. പണി പാളി.
അന്ന് രാത്രി മുഴുവന്‍ റെഡി ആക്കം എന്ന് ഏറ്റവന്‍ കുത്തി ഇരുന്നു പണിതു.. രാവിലെ ആയപ്പം എല്ലാരോടും പറഞ്ഞു.. അളിയാ സംഭവം വര്‍ക്ക്‌ ചെയ്യും.. പക്ഷെ ചെറിയ കുറച്ചു കണ്ടീഷന്‍സ് ഉണ്ട്.. ഒരു കറുത്ത തുണി, പിന്നെ നമുക്ക് ആറു പേര്‍ക്കും.. നല്ല കാവടി കളറില്‍ ഉള്ള ആറു നിറങ്ങളില്‍ ഉള്ള ഒറ്റ കളര്‍ ഷര്‍ട്ട് വേണം...

അന്ന് ലാബില്‍ ഡെമോ :- ആദ്യം ഒരുത്തന്‍ കയറി വന്നു.. കടും പച്ച ഷര്‍ട്ടും കയില്‍ ഒരു വെബ്‌ക്യാമും, പുറകെ കടും ചുവപ്പ് ഷര്‍ട്ടും ഒരു കറുത്ത തുണിയും ആയി രണ്ടാമത്തവന്‍, പിന്നാലെ മഞ്ഞ, നീല, വെള്ള, ഓറഞ്ച് ഇങ്ങനെ മഴവില്ല് പോലെ എല്ലാരും വന്നു നിന്നു. ഡെമോ സമയത്ത് ഒരുത്തന്‍ കറുത്ത തുണിയും പിടിച്ചു നില്കും. ഓരോരുത്തര്‍ ആയിട്ട് ആ തുണിയുടെ മുന്നില്‍ വന്നു പോസ് ചെയ്യും.. ഇതെല്ലാം ഡേറ്റബേസില്‍ സ്റ്റോര്‍ ചെയ്യും. പിന്നീട് അതില്‍ ആരു വന്നു ഫോട്ടോ എടുത്തു ചെക്ക് ചെയ്താലും അത് കറക്റ്റ് ആയിട് ഡേറ്റബേസില്‍ നിന്നു അതെ ആളുടെ ഫോട്ടോ എടുത്തിട്ട് മാച്ച് ആയി എന്ന് മെസ്സേജ് കാണിക്കും..
ടീച്ചര്‍ വൈവക്കു ചോദിച്ചു.. ഐടന്റിക്കല്‍ ട്വിന്‍സ് ആണേല്‍ ഇത് ഡിട്ടക്റ്റ് ചെയ്യുവോ?
തള്ളാന്‍ വേണ്ടി മാത്രം ഈ ഭൂമിയില്‍ അവതാരം എടുത്തവന്‍ ചാടി കേറി പറഞ്ഞു :- ഇത് വരെയുള്ള ഫേസ് റെക്കഗ്നിഷന്‍ പ്രോഗ്രാംസ് എല്ലാം 92 ശതമാനം അക്കുറസി ആണ് തരുന്നത്.. നമ്മുടെ ഈ സാധനം, 98.42 ശതമാനം അക്കുറസി തരും.. അത് കൊണ്ട് എന്തായാലും ഡിട്ടക്റ്റ് ചെയ്യും.
ഡെമോ കഴിഞ്ഞു പുറത്ത് ഇറങ്ങി ഇവന്മാര്‍ രഹസ്യം പുറത്തു വിട്ടു.. പ്രോഗ്രാം മുഖം നോക്കുന്നെ ഇല്ല.. നല്ല കട്ട കളര്‍ ഉള്ള ഭാഗത്ത്‌ ഓരോ പിക്സലും എടുത്തു.. അതിലെ റെഡ് ഗ്രീന്‍ ബ്ലൂ വാല്യു എടുക്കും.. അത് വെച്ച് മാച്ച് ചെയ്ത് നോക്കും.. നീല ഇട്ടോണ്ട് ആരു വന്നാലും.. ഡേറ്റബേസിലെ നീല ഫോട്ടോ എടുത്തു കാണിക്കും..അങ്ങനെ അതിനും ഫുള്‍ ഔട്പുട്ട്

എംബഡട് ഡൊമൈന്‍

2011-08-25T06:04:00.001-07:00

ആദ്യമായി ജോലിക്ക് കേറിയത്‌ ഒരു ചൈനീസ് കമ്പനിയില്‍ ആരുന്നു.. അത് എങ്ങനെയാ ഒന്ന് ഉച്ചരിക്കുന്നത് എന്ന് പഠിച്ചു വന്നപ്പം തന്നെ ഒരു വര്‍ഷം കഴിഞ്ഞു.. ആദ്യം കേട്ടത് ഹുവായി എന്നാരുന്നു.. പിന്നെ കേട്ട് ഹവായി .. അവസാനം മനസ്സിലായി.. ഹുആവെ എന്ന് ആണ് പറയണ്ടത് എന്ന്.. അങ്ങനെ ആദ്യമായി ഒരു പ്രോജക്ടിലേക്ക് ഇട്ടു.. അന്ന് വരെ കേക്കാത്ത ഒരു സംഭവം കേട്ടു.. നമ്മള്‍ ചെയ്യുന്നത് എംബഡട് ഡൊമൈന്‍ ആണത്രേ.. ഹോ സമ്മതിക്കണം.. ഇനി ആരേലും ചോദിച്ചാലും കുറച്ചു നിലയും വിലയും ഉള്ള ഒരു പേരായി.. അത് കഴിയുമ്പം മുതല്‍ നാട്ടില്‍ ഒക്കെ ചെല്ലുമ്പം ആരേലും ചോദിച്ചാലും വെച്ച് കീച്ചും..
മോനെ ശരിക്കും നീ എന്താ അവിടെ ചെയ്യുന്നേ?
അത്‌ അമ്മച്ചീ.. കുറെ താഴെ ഉള്ള ലയറിലാ പണി.. അപ്പം കേള്‍ക്കുന്നവര്‍ തിരിച്ചു പറയും.. ആ തല്ക്കാലം ഇങ്ങനെ അങ്ങ് പോട്ടെ മോനെ.. കുറച്ചു കഴിയുമ്പം നമുക്ക് മുകളിലോട്ടു കേറി വരം.. അയ്യേ... അതല്ല.. അമ്മാവാ..ഈ ഹാര്‍ഡ്‌വെയര്‍ ഇല്ലേ? ഏ??

അങ്ങനെ ആദ്യത്തെ പ്രൊജക്റ്റ്‌ കിട്ടി.. ഞാനും മറ്റു മൂന്നു പേരും.. ഒരുത്തന്‍ സൂരത്കല്‍ ആര്‍ഈസി.. ഞാന്‍ തൊടുപുഴ ഐഐടി .. പിന്നെ ഉള്ള രണ്ടു പേര് കുറച്ചു നാളായിട്ട് അവിടെ ഉള്ളതാ.. ആര്‍ഈസി മച്ചാന്‍ ആണേല്‍ ഒരു മൂന്നു നാല് മാസം മുന്നേ ജോയിന്‍ ചെയ്തു.. അത്‌ മാത്രം അല്ല.. നല്ല വിവരം ഉണ്ട് താനും... ഇവരുടെ ഇടയില്‍ കിടത്തി എന്നെ ബുദ്ധിമുട്ടിക്കല്ലേ എന്റെ കൃഷ്ണാ എന്ന് ഇടക്ക് ഇടക്ക് ഞാന്‍ പ്രാര്‍ത്ഥിക്കാന്‍ തുടങ്ങി.. കുറെ എന്തൊക്കെയോ ചെയ്യാന്‍ പറഞ്ഞു.. ഇരുപതു ലൈന്‍ തികച്ചു എഴുതണ്ടാത്ത കോളേജിലെ ലാബ്‌ എക്സാമിന് ഒരു ഫുള്‍ ഔട്പുട്ട് ഒപ്പിക്കാന്‍ പാട് പെട്ടോണ്ട് ഇരുന്ന എന്നോട് ഒരു രണ്ടായിരം ലൈന്‍ അങ്ങ് എഴുതിക്കൊള്ളാന്‍.. ഒരു മടിയും കാണിച്ചില്ല.. വെച്ച് കാച്ചി.. പറഞ്ഞ സമയത്ത് തന്നെ ഞാന്‍ എഴുതി തീര്‍ത്തു... എന്താണ് അന്ന് അവിടെ ഇരുന്നു എഴുതിയത് എന്ന് ഇപ്പോഴും ഒരു ഇന്റര്‍വ്യൂവില്‍ ചോദിച്ചാല്‍ അറിയില്ല.. മൊത്തം ഇരുന്നു എഴുതിയെങ്കിലും ഞാന്‍ ഒരു തവണ പോലും അതൊന്നു കമ്പൈല്‍ ചെയ്തില്ലാരുന്നു.. അവസാനം എല്ലാരുടെം പിന്നെ എന്റെം കൂടി മെര്‍ജ് ചെയ്തിട്ട് കമ്പൈല്‍ ചെയ്യാന്‍ ഒരു ശ്രമം നടത്തി.. ജീവിതത്തില്‍ ആദ്യമായി ഞാന്‍ കണ്ടു.. മൊത്തം 180 വാണിംഗ് പിന്നെ ഒരു 180 എറര്‍.. ഹോ.. അത്‌ കഴിഞ്ഞു അതില്‍ ഒരു കുറിപ്പടി.. മാക്സിമം ഇത്രയും കാണിക്കാനേ പറ്റുള്ളൂ എന്ന്.. അത്‌ കഴിഞ്ഞു ബാക്കി കാണിക്കാം എന്ന്..അതിനു മുന്നേ ഞാന്‍ ചെയ്ത ഏറ്റവും വലിയ പ്രോഗ്രാം ഒരു ഡബ്ലി ലിങ്ക്ഡ് ലിസ്റ്റ് ആരുന്നു. അതില്‍ എങ്ങനെ ഒക്കെ ഞാന്‍ ശ്രമിച്ചാലും ഇത്രയും എററും വാണിങ്ങും ഒപ്പിക്കാന്‍ പറ്റത്തില്ല.. ഞാന്‍ കുറെ നേരം മെനക്കെട്ടിരുന്നു..അതിലെ കുറെ എണ്ണം ശെരി ആക്കി.. അതിനു ശേഷം കമ്പൈല്‍ ചെയ്താലും അടിയില്‍ കാണിക്കുന്ന കുറുപ്പിന് യാതൊരു വ്യത്യാസവും ഉണ്ടാവുന്നില്ല.. വീണ്ടും 180 , 180. വിഷ്വല്‍ സ്റ്റുഡിയോക്ക് ഈ എറര്‍ എല്ലാം കൂടി കാണിച്ചു വല്ല സ്ടാക് ഓവര്‍ഫ്ലോയും അടിച്ചിരുന്നേല്‍..അതിന്റെ ഉത്തരവാദിത്തം കൂടി ഏറ്റെടുക്കേണ്ടി വന്നേനെ.

എല്ലാം കഴിഞ്ഞു നമ്മള്‍ ഈ സാധനം റിലീസ് ചെയ്യാന്‍ പോകുന്നതിനു തൊട്ടു മുന്നേ ടീമിലെ മുതിര്‍ന്ന രണ്ടു അംഗങ്ങള്‍ വിട്ടു പോയി.. പിന്നെ ആകെ.. ഞാനും സൂരത്കല്ലും മാത്രം.ഞങ്ങള്‍ രണ്ടും കല്‍പ്പിച്ചു സംഭവം റിലീസ് ചെയ്തു.. ടെസ്റ്റിംഗ് ടീം ആണേല്‍.. നമ്മുടെ ഈ സെറ്റപ്പ് ഒക്കെ കണ്ടു.. ആദ്യം തന്നെ അവരുടെ നാല് ടെസ്റ്റിംഗ് സൈകിളിലും കൂടി കിട്ടേണ്ട എററിന്റെ എണ്ണം നല്ല വണ്ണം അങ്ങ് കൂട്ടി വെച്ചു.. ടെസ്റ്റിംഗ് തുടങ്ങി.. രണ്ടാം ദിവസം തന്നെ നമ്മള്‍ അവരെ നിരാശരാക്കി. നാല് സൈക്കിളിലും കൂടി കിട്ടേണ്ട എറര്‍ രണ്ടാം ദിവസം ആദ്യത്തെ സൈക്കിള്‍ തുടങ്ങിയ പാടെ ക്രോസ് ചെയ്തു.. പിന്നെ വന്ന ഓരോ ദിവസവും അവരെ നമ്മള്‍ കഷ്ടപ്പെടുത്തി.. അവര്‍ ഒരിക്കലും എത്തില്ല എന്നുള്ള രീതിയില്‍ ഉള്ള ഒരു നമ്പര്‍ പ്ലാന്‍ ചെയ്യും.. രണ്ടാം ദിവസം അതും ക്രോസ് ചെയ്യും.. എല്ലാം കഴിഞ്ഞു നാല് സൈക്കിളും തീര്‍ന്നപ്പം ടെസ്റ്റിംഗ് ടീമിനും നമുക്കും അവാര്‍ഡ്‌. പ്രൊജക്റ്റ്‌ മാനേജര്‍ നമ്മളെ അടുത്തു വിളിച്ചിട്ട് പറഞ്ഞു.. പഹയാ.. വല്ലാത്ത കോഡിംഗ് തന്നെ അന്റെ.. ഞമ്മള്‍ ബിചാരിച്ചില്ല.. ഞ്ഞിങ്ങള്‍ ഈ എറര്‍ എല്ലാം കൂടി ഫിക്സ് ചെയ്യും എന്ന്.. ഏ.. അയ്യേ.. അതിനാരുന്നോ ഈ അവാര്‍ഡ്‌..

അങ്ങനെ എംബഡട് ഡൊമൈനില്‍ വര്‍ക്ക്‌ ചെയ്തു അല്‍പ സ്വല്പം വിവരം ഒക്കെ വെച്ച് വന്നു കൊണ്ടിരിക്കെ.. ടീം മൊത്തത്തില്‍ ഒരു രണ്ടു ദിവസത്തെ ടീം ബില്‍ഡിംഗ്‌ എന്ന് വിളിക്കുന്ന ഒരു പരുപാടിക്കു പോയി. ഭീമെശ്വരി ഫിഷിംഗ് ആന്‍ഡ്‌ നേച്ചര്‍ ക്യാമ്പ്‌ ആണെന്ന് ആണ് എന്റെ ഓര്‍മ. ഓഫീസില്‍ നിന്ന് രാത്രി ബസില്‍ തിരിച്ചു ഏകദേശം രാവിലെ അവിടെ എത്തി. കുളിച്ചു കുറി തൊട്ടു രാവിലെ തന്നെ ഇറങ്ങി.. ഓരോരോ പരിപാടികള്‍ കഴിഞ്ഞു രാത്രി ആയപ്പോഴേക്കും ഫുഡ്‌ അടി.. ചിക്കന്‍ കബാബും റൊട്ടിയും പിന്നെ എന്തൊക്കെയോ കറികളും..ഷീജിടേം മുദിത്തിന്റെം ഒക്കെ കഴിപ്പ്‌ കണ്ടാല്‍.. അന്ന ഹസാരെ കിടന്ന പോലെ പത്തു പന്ത്രണ്ടു ദിവസം പട്ടിണി കിടന്നിട്ടു വന്നു കഴിക്കുവാണെന്ന് തോന്നും..
ഷീജി ഈ ടീം ബില്ടിങ്ങിനു മൂന്നു നാല് മാസം മുന്നേ കുറെ നാള്‍ ചൈനയ്ക്കു പോയാരുന്നു.. അവിടെ ചെന്ന് ഫ്രീ ആയിട്ട് ഉള്ള ചപ്പും ചവറും എല്ലാം തിന്നു വന്നപ്പം സോഡാക്കുപ്പി പോലെ അകത്തോട്ടു ഇരുന്ന അവന്റെ കവിളിലെ കുഴികള്‍ ഒരു മാതിരി ടിപ്പെറില്‍ മണ്ണ് നറച്ചു കൂന കൂട്ടിയത് പോലെ ആയി.. അമ്മാതിരി തീറ്റ. ഇതു കഴിഞ്ഞു നാട്ടില്‍ വന്നിട്ടും ഈ തീറ്റ അവന്‍ അങ്ങ് തുടര്‍ന്നു. ഉച്ചക്ക് നമ്മള്‍ കേരള സ്പൈസ് എന്നൊരു അവിഞ്ഞ കടയില്‍ കുറച്ചു നാള്‍ കഴിക്കാന്‍ പോകുവാരുന്നു. അവിടെ ചെന്നിട്ടു ഒരു നാല് പേര്‍ ഉണ്ണുന്ന ചോറും ഉണ്ണും.. എന്നിട്ട് തിരിച്ചു വരുന്ന വഴി ബേക്കറിയില്‍ കേറി ഒരു ജൂസും.. ഇതിന്റെ കൂടെ ഒരു ഡയലോഗ് :- വയറു ചുമ്മാ കിടന്നാല്‍ ഗ്യാസ് കേറും അളിയാ..

ഇവന്റെ കൂട്ടുകാര്‍ പറഞ്ഞത് കേട്ടിട്ട് VLCC കാര്‍ ഇവനെ ഒരിക്കല്‍ കാണാന്‍ വന്നു.. ഇവന്റെ പണ്ടത്തെ പടവും ഇപ്പോഴത്തെ രൂപത്തില്‍ ഉള്ള പടവും "ബിഫോറും ആഫ്ടറും" "ആഫ്ടറും ബിഫോറും" ആക്കി ഓര്‍ഡര്‍ നേരെ തിരിച്ചു അവരുടെ വെയിറ്റ് ലൂസിംഗ് പ്രോഗ്രാമിന്റെ പരസ്യത്തില്‍ കൊടുക്കാം അതാരുന്നു അവരുടെ ഉദ്ദേശം.. ഇവന്റെ പഴയ പടവും ഇപ്പോഴത്തെ രൂപവും കൂടി കണ്ടപ്പം അവര് പറഞ്ഞു.. അല്പം കൂടി വിശ്വസനീയമായിരുന്നേല്‍ ഞങ്ങള്‍ ഇത് വാങ്ങിയേനെ.. ഇതൊരു മാതിരി ആനേം പാപ്പാനും പോലെ ഉണ്ടല്ലോ.. ഇത് ശെരി ആവില്ല.

ഷീജിയും മുധിത്തും മുടിഞ്ഞ തീറ്റ.. ഞാന്‍ അവരുടെ സൈഡില്‍ ഇരുന്നു.. പട്ടിണി കിടക്കരുതല്ലോ എന്ന് കരുതി മാത്രം എന്തൊക്കെയോ കഴിച്ചു എന്ന് വരുത്തി. ഇതിന്റെ ഒരു ഏകദേശ കണക്കു എടുക്കുവാണേല്‍.. ഷീജിയും മുധിത്തും കൂടി ഏകദേശം ഒരു നാല്‍പ്പതു റൊട്ടിയും ഒരു മുപ്പതു ചിക്കനും കഴിച്ചു കാണും.. ഞാന്‍ ഇത് രണ്ടും ഓരോന്ന്.. കഷ്ടകാലം പിടിക്കാന്‍ ആയിട്ട് എനിക്ക് ഈ രണ്ടു സാധനത്തില്‍ എന്തോ ഒന്ന് വയറ്റില്‍ പിടിച്ചില്ല.. രാത്രി ഒരു എട്ടു പത്തു തവണ പോയി ശര്‍ധിച്ചു.. അതെ താഴെക്കൂടെയും മുകളില്‍ കൂടെയും.. അവസാനം ഒക്കെ ആയപ്പോഴേക്കും എഴുന്നേറ്റു പോയി ശര്‍ധിക്കാന്‍ മേലാത്ത അവസ്ഥയില്‍ എത്തി.. രാവിലെ ഞാന്‍ എഴുന്നേറ്റു ഒരു ചായയ്ക്ക് വേണ്ടി അങ്ങനെ നോക്കി ഇരിക്കുമ്പം ഷീജി ഓടി പാഞ്ഞു പോകുന്നു.. വയറു വെറുതെ കിടന്നിട്ടു അവനു ഗ്യാസ് കേറുന്നത്രേ.. രാവിലെ കഴിക്കാന്‍ റെഡി ആയോ എന്നറിയാന്‍ ഓടുവാ.. എടാ.. അലവലാതീ.. നീ ഒക്കെ കഴിച്ചതിനു അനുഭവിക്കുന്നത് ഞാന്‍ ആടാ..
വെല്യ താമസം ഇല്ലാതെ അവന്റെ മറുപടി വന്നു.. ഹോ നിനക്കൊക്കെ എന്ത് സുഖം ആടാ.. എന്ത് കഴിച്ചാലും ദേഹത്ത് പിടിക്കില്ല.. എത്ര വേണേലും കഴിക്കാം..
അല്പം കഴിഞ്ഞു ഭയങ്കര സെന്റി ആയി ഷീജി നടന്നു തിരികെ പോകുന്ന കണ്ടു അവനോടു കാര്യം തിരക്കി..
ഓ അളിയാ.. രാവിലെ ഫുഡ്‌ ചിക്കെനാ .. എനിക്കാണേല്‍ അത് ഒട്ടും താല്പര്യം ഇല്ല..
ആ ഞാന്‍ ഇന്നലെ കണ്ടാരുന്നു.. ആര്‍ത്തി എന്ന് പറയുന്ന വാക്ക് ഇവനാണോ കണ്ടു പിടിച്ചത്??

രാവിലെ എല്ലാവരും കഴിക്കാന്‍ പോയി.. എനിക്കാണേല്‍ രണ്ടു മിനിറ്റ് പോലും അവിടുന്ന് മാറാന്‍ മേലാത്ത അവസ്ഥ.. വരുന്നു പോകുന്നു.. വീണ്ടും വരുന്നു.. പോകുന്നു.. ഇത് തന്നെ അവസ്ഥ..
രാവിലെ അവിടെ ഉള്ള ഏതോ മലയുടെ മുകളിലേക്ക് എല്ലാവരും ട്രെക്കിങ്ങിനു പോകാന്‍ ഒരുങ്ങി.. എന്റെ ഈ ദയനീയ അവസ്ഥ കണ്ടു എല്ലാവരും ആവുന്നത് പറഞ്ഞു.. നീ വരണ്ട.. കഴിഞ്ഞ പത്തു മിനിറ്റ് ആയിട്ട് റൂമില്‍ തന്നെ ഇരിക്കാന്‍ പറ്റിയ ധൈര്യത്തില്‍ ഞാന്‍ ചോദിച്ചു.. എന്താ ഞാന്‍ കൂടെ വന്നാല്? നേരത്തെ പറഞ്ഞിരുന്നതല്ലേ.. എല്ലാരും മല കേറാന്‍ പോകുമ്പം ഞാനും വരുമെന്ന്.. ഷീജി സുരേഷ് ഗോപി പറയുന്ന പോലെ തല രണ്ടു സൈഡിലേക്കും ആട്ടിക്കൊണ്ട് പറഞ്ഞു.. പറഞ്ഞു.. നീ വരണ്ടാ....പറഞ്ഞു തീര്‍ന്നിട്ടും അവന്റെ കവിളുകള്‍ രണ്ടും വീണ്ടും വീണ്ടും ആടിക്കൊണ്ടിരുന്നു..

വിട മാട്ടെ!!! നീ എന്നെ ഇങ്ഗ നിന്ന് എന്ഗും അപ്പി ഇടാന്‍ പോക വിട മാട്ടെ? അയോഗ്യ നായെ.. എവ്വളവ് ധൈര്യം ഇരുന്താല്‍ എന്‍ മുന്നില്‍ ഇരുന്നു റൊട്ടിയും ചിക്കനും കഴിപ്പെന്‍?

അങ്ങനെ ഒരു ചെറിയ പ്ലാസ്റ്റിക്‌ കൂടും കെട്ടി വെച്ച് ഞാനും അവന്മാരുടെ കൂടെ മല കേറാന്‍ പോയി.. മല കേറി കേറി പകുതി ആയപ്പോള്‍ തന്നെ എനിക്കൊരു മലന്കോള് കിട്ടി.. ദൈവമേ.. ഒരു റൊട്ടിയും ഒരു കഷ്ണം ചിക്കെനും എന്റെ വയറ്റില്‍ കിടന്നു പെറ്റു പെരുകിയോ.. ഇതിനും മാത്രം സാധനം എവിടുന്നാ?
തപ്പിയും തടഞ്ഞും.. പ്ലാസ്റ്റിക്‌ കൂടില്‍ അമര്‍ത്തി പിടിച്ചും ഞാന്‍ ഒരു വിധത്തില്‍ തിരിച്ചു റൂമില്‍ എത്തി.. വന്ന വഴിക്ക് വീണ്ടും പോകാനും വരാനും ഉള്ള എന്റെ ധാര്‍മികം ആയ മൂല്യ ച്യുതി.. വീണ്ടും പ്രവര്‍ത്തിച്ചു തുടങ്ങി. പിന്നെ അന്നത്തെ ദിവസം മുഴുവനും ഞാന്‍ ഈ പരിപാടി ആവര്‍ത്തിച്ചു ആവര്‍ത്തിച്ചു ചെയ്തു ആനന്ദം കണ്ടെത്തി.. അങ്ങനെ തിരിച്ചു പോരാന്‍ ഉള്ള സമയം ആയി..
ഷീജി രണ്ടു വെല്യ ബിഗ്‌ ഷോപ്പര്‍ കവറും കൊണ്ട് ഓടി വന്നു.. ദൈവമേ.. ഇവന് ഇത്രക്കും സ്നേഹവോ?
എടാ.. ഞാന്‍ എന്റെ സാധനങ്ങള്‍ എല്ലാം എടുത്തു വെച്ചാരുന്നു..
പോഡെ പോഡെ.. അതിനൊന്നും അല്ല.. ഇത് നിന്റെ പുറകില്‍ വെച്ച് കെട്ടി തരാനാ..അല്ലേല്‍ ബസില്‍ കേറി നീ അലമ്പ് ആക്കിയാലോ?
ശവം..(ഇത് എന്റെ ആത്മഗതം)
അപ്പം മറ്റെ കവറോ?
ആ ഉച്ചക്കത്തെ കുറെ ചിക്കന്‍ മിച്ചം ഇരിപ്പുണ്ട്.. അത് പൊതിഞ്ഞു എടുക്കാനാ..അല്ലേല്‍ ഗ്യാസ് കേറും അളിയാ.. എന്തിനാ വെറുതെ റിസ്ക്‌ എടുക്കുന്നെ..?
ശെരിയാ ശെരിയാ..
ഒരു വിധത്തില്‍ ബസില്‍ കേറി കിടന്നു.. അറിയാവുന്ന ദൈവങ്ങളെ എല്ലാം വിളിച്ചു പ്രാര്‍ത്ഥിച്ചു.. എങ്ങനെ ഏലും ഒന്ന് ബാംഗ്ലൂര്‍ എത്തിച്ചു തരണേ.. അതിനുള്ളില്‍.. ബിഗ്‌ ഷോപ്പര്‍ ചീത്ത ആക്കാന്‍ ഇട വരുത്തരുതേ..എല്ലാം ഭംഗി ആയി കലാശിച്ചാല്‍ ബാംഗ്ലൂര്‍ ചെന്ന് കഴിയുമ്പം ഷീജിടെ ചിക്കന്‍ ബിഗ്‌ ഷോപ്പറും ഇതും കൂടി പരസ്പരം മാറ്റി.. ഷീജിക്ക് കൊടുത്തു വിട്ടു കൊള്ളാമെ..
ഒരു തുള്ളി വെള്ളം പോലും കുടിച്ചില്ല.. കുടിച്ചാല്‍ അതും താഴെ കൂടി ഇങ്ങു പോരും.. ഒരു വിധത്തില്‍ ലീല പാലസിന്റെ പുറകില്‍ വന്നു ഇറങ്ങി.. ഷീജി നേരെ എന്റെ റൂം മേറ്റ്‌ അലക്സനെ വിളിച്ചു വരുത്തി.. എന്നിട്ട് എന്നെ മണിപ്പാലിലേക്ക് കൊണ്ട് പൊക്കോള്ളാന്‍ പറഞ്ഞു..
ഞാന്‍ ചോദിച്ചു :- അതെന്താ... നീ വരുന്നില്ലേ.. എന്നെ ഈ അവസ്ഥയില്‍ ആക്കിയിട്ടു പോകാതെടാ..
എടാ.. അലക്സന്‍ ഇപ്പം വരും.. എനിക്ക് വയറു ചുമ്മാതെ കിടന്നിട്ടു ഗ്യാസ് കേറുന്നു..
ഓ.. നിന്റെ ചിക്കന്‍ ഉണ്ടല്ലോ അല്ലെ.. അത് തിന്നാന്‍ ആണോ?
അത് തീര്‍ന്നു അളിയാ.. ബസില്‍ കുറെ നേരം ചുമ്മാതെ ഇരുന്നപ്പം ബോര്‍ അടിച്ചു.. ഞാന്‍ എടുത്തു തിന്നു.. ഞാന്‍ മലബാര്‍ ബിരിയാണി തിന്നാലോ എന്നാലോചിക്കുവാ?

കുറച്ചു കഴിഞ്ഞു.. അലക്സന്‍ വന്നു.. ഞാനും അലക്സനും കൂടി നേരെ മണിപ്പാലിലേക്ക് കടന്നു.. മൊത്തം പതിനാറു തവണ ഞാന്‍ പല ഭാഗത്ത്‌ കൂടെ ശര്‍ദിച്ചു എന്നറിഞ്ഞപ്പോള്‍ മുതല്‍ ആശുപത്രിക്കാന്‍ എന്നെ കിടത്തി ആണ് കൊണ്ട് പോയത്.. നേരെ അഡ്മിറ്റ്‌ ആയി കൊള്ളാന്‍ ഉപദേശിച്ചു.. പിന്നെ പറഞ്ഞു.. കഞ്ഞി മാത്രമേ കുടിക്കാവൂ..

അലക്സന്‍ നേരെ മഞ്ജുവിനെ വിളിച്ചു.. എടീ.. അഖില്‍ കുറെ കഴിച്ച് മേലാണ്ടായി.. മണിപ്പാലില്‍ അഡ്മിറ്റ്‌ ആയി.. അത് കൊണ്ട് വൈകുന്നേരം ആകുമ്പോഴേക്കും രണ്ടു പ്ലേറ്റ് കഞ്ഞി കൊണ്ട് വരണം.
ഞാന്‍ പറഞ്ഞു.. എടാ ഞാന്‍ അല്ല കഴിച്ചത്.. ഷീജിയാ.. എനിക്ക് മേലാണ്ടായി എന്നെ ഉള്ളൂ

അല്പം കഴിഞ്ഞു.. ഡോക്ടര്‍ വന്നു.. പരിശോധന തുടങ്ങി.. ഡോക്ടര്‍ ചോദിച്ചു.. വല്ലോം കഴിച്ചരുന്നോ? ഞാന്‍ പറഞ്ഞു.. കഞ്ഞി കൊണ്ട് വരാന്‍ പറഞ്ഞിട്ടുണ്ട്.. ഏയ്‌ അതൊന്നും വേണ്ട.. നിങ്ങള്‍ക്കുള്ള ഫുഡ്‌ ഇവിടുന്നു തന്നെ കിട്ടും..
അലക്സന്‍ നേരെ മഞ്ജുവിനെ വീണ്ടും വിളിക്കുന്നു .. എടീ രണ്ടു കഞ്ഞി വേണ്ട.. ഒരെണ്ണം മതി..
മഞ്ജു:- ഏ ? അതെന്താഡാ.. നിനക്ക് വേണ്ടേ?
അലക്സന്‍ :- എനിക്ക് മാത്രം മതി.. അവനു ആശുപത്ത്രീന്നു കിട്ടും..
മഞ്ജു :- വിട്ടു പോടാ ചെക്കാ.. ആ കേരള സ്പൈസില്‍ എങ്ങാനും പോയി വല്ലോം കഴിക്കു..
അലക്സന്‍ :- എടി പ്ലീസ്‌... കുറെ നാളായി കഞ്ഞി കുടിച്ചിട്ട്.. ഇങ്ങനെ ഒക്കെ അല്ലെ അതിനു ഒരു അവസരം വരൂ..
മഞ്ജു:- ആ ശെരി.. ശെരി.. കരയാതെ... കൊണ്ട് വന്നു തരാം..
അലക്സന്‍ :- കൊണ്ട് വരുവോന്നും വേണ്ട.. ഞാന്‍ വന്നു വാങ്ങിച്ചോളാം

ഡോക്ടറിന്റെ ഇനിയുള്ള ചോദ്യം ഇംഗ്ലീഷില്‍ തന്നെ കൊടുക്കാം
ഡോക്ടര്‍ :- Do you have pain in your abdomen?
ABDOMEN - എന്റെ ജീവിതത്തില്‍ ആദ്യമായിട്ടാ ഞാന്‍ ഈ വാക്ക് കേക്കുന്നത്.. എനിക്ക് സംശയം ആയി.. ഡോക്ടര്‍ എന്താണ് ചോദിച്ചത് എന്ന്... സംശയം തീര്‍ക്കാന്‍ അയയി ഞാന്‍ ചോദിച്ചു
WHICH DOMAIN?
കാരണം ഞാന്‍ കേട്ടത്.. ABDOMAIN അങ്ങനെ എന്തോ ഒരു വാക്ക് ആരുന്നു.. ആകെ ഇത് വരെ കേട്ടിരിക്കുന്ന ഒരേ ഒരു ഡൊമൈന്‍ എംബഡട് ഡൊമൈന്‍ ആരുന്നു.. അത് പോലെ മറ്റെന്തോ ആണ് ഈ സാധനം എന്നാ ഞാന്‍ വിചാരിച്ചത്..
ഒരിക്കലും ഒരു പട്ടിക്കുറുക്കനേം ഫോണ്‍ വിളിക്കാത്ത അലക്സന്‍, അവന്റെ കോണ്ടാക്റ്റ് ലിസ്റ്റില്‍ ഉള്ള എല്ലാവരെയും വിളിച്ചു ഇത് ഒരു കഥാ രൂപത്തില്‍ പറഞ്ഞു കേള്‍പ്പിക്കുന്നു..
എനിക്ക് മേലാതെ കിടക്കുവാരുന്നു.. അല്ലേല്‍ ഇത് അവന്റെ പേരില്‍ അടിച്ചു ഇറക്കി വിടാരുന്നു...അവനാണ് ഇത് പറഞ്ഞത് എന്ന് പറഞ്ഞാല്‍ ലോകം മുഴുവനും വിശ്വസിച്ചേനെ..
അങ്ങനെ ഷീജിയും മുധിത്തും കൂടി കുറെ റൊട്ടിയും ചിക്കനും തിന്നതിന്.. ഞാന്‍ നാല് ദിവസം അഡ്മിറ്റ്‌ ആയി.. മൊത്തം ഏഴായിരം രൂപ പോയി.. ഹോ.. ഒരു കാലിചായയില്‍ ഒതുങ്ങേണ്ട സാധനമാ.. ഏഴായിരം രൂപ..
ഈ വരുന്ന സെപ്റ്റംബര്‍ ഇരുപതിന് ഞാന്‍ ഏഴു വര്‍ഷം തികക്കും..
വിച്ച് ഡൊമൈന്‍? എംബഡട് ഡൊമൈന്‍

നള പാചകം - മുളകു ബജി

2011-08-22T02:44:00.000-07:00

നള പാചകം എന്ന് കേട്ടിരുന്നതല്ലാതെ നേരിട്ട് ഇത് വരെയും അധികം ഒന്നും കണ്ടിരുന്നില്ല. ഏതേലും ഹോട്ടലില്‍ പോകുമ്പം അവിടുത്തെ ചേട്ടന്‍ പൊറോട്ട അടിക്കുന്നതും പിന്നെ വല്ല സദ്യക്ക് ഏതേലും ദേഹണ്ഡക്കാര്‍ വന്നു പത്തഞ്ഞൂറു പേര്‍ക്ക് വെച്ച് വിളമ്പുന്നതും മാത്രം ആണ് ഇതിനു മുന്നേ അടുത്തു കണ്ടിരിക്കുന്നത്.. ഇപ്പോള്‍ ഞാന്‍ തന്നെ ഓരോന്ന് ഓരോന്ന് ആയിട്ട് ഉണ്ടാക്കാന്‍ ശ്രമിക്കുന്നതിന്റെ ഭാഗം ആയി മുളക് ബജി ഉണ്ടാക്കാന്‍ ഒരു ശ്രമം നടത്തി.. മോശം പറയരുതല്ലോ.. കഴിക്കാവുന്ന അവസ്ഥയില്‍ സംഭവം ഉരുത്തിരിഞ്ഞു വന്നു.

ഇതിനു വേണ്ട സാധനങ്ങള്‍

കടലമാവ് :- ഒന്നര കപ്പ്‌

നീളത്തില്‍ നടുവേ കീറിയ മുളക് :- അഞ്ചു എണ്ണം കീറിയാല്‍ മൊത്തം പത്തു എണ്ണം കിട്ടും

ഉപ്പു, മുളകുപൊടി - ഇതൊക്കെ എല്ലാരും പറയുന്ന പോലെ ആവശ്യത്തിനു..ഈസ്ടെണിന്റെ കാശ്മീരി മുളക് പൊടി എന്നൊരു സാധനം കിട്ടും.. അല്പം എരുവ് കുറവാണേലും നല്ല കളര്‍ കിട്ടും.. കണ്ടാല്‍ ഒരു സുഖം കാണും [ഇതൊന്നും ഇപ്പം കുറച്ചു കൂടുതല്‍ ആയാലും കുഴപ്പം ഒന്നും ഇല്ല.. നമ്മള്‍ തന്നെ തിന്നുവല്ലേ.. വേറെ ആര്‍ക്കും കൊടുക്കാതെ ഇരുന്നാല്‍ മതി. ]

ഇതേ വരെ ഉണ്ടാക്കിയ മുളക് ബജികളില്‍ നിന്നും വ്യത്യസ്തത ആണ് നിങ്ങള്‍ ആഗ്രഹിക്കുന്നതെങ്കില്‍ കുറച്ചു മഞ്ഞപ്പൊടി, കുറച്ചു ഗരം മസാല, അല്പം കുരു മുളക് പൊടി.. ഇവയും കരുതി വെക്കുക.

ഉണ്ടാക്കേണ്ട വിധം

ആദ്യം കടലമാവ് എടുത്തു ഒരു പാത്രത്തില്‍ ഇടുക.. അതിലേക്കു കുറച്ചു ഉപ്പും മുളകുപൊടിയും ഇടുക.

അതില്‍ കുറെ വെള്ളം ഒഴിക്കുക.. എന്നിട്ട് നല്ലവണ്ണം അങ്ങ് ഇളക്കുക.. ഇളക്കുംബം ശ്രദ്ധിക്കേണ്ട കാര്യം കൈ ഉപയോഗിച്ച് ഇളക്കാതെ ഇരിക്കുക എന്നാണു.. അല്ലേല്‍ ഈ സാധനം എല്ലാം കൂടി കയില്‍ ഒട്ടിപ്പിടിച്ചു ഇരിക്കും.. പിന്നെ കൈ കഴുകി അതില്‍ തന്നെ ഒഴിക്കണ്ടി വരും. ഒരു സ്പൂണ്‍ ഉപയോഗിച്ച് അങ്ങ് ഇളക്കി ഒരു മാതിരി കൊഴമ്പു പരുവം ആകണം.. കഴച്ചതു പാകം ആയോ.. അതോ ഓവര്‍ ആയോ എന്നറിയാന്‍.. മുന്നേ കീറി വെച്ചിരിക്കുന്ന ഒരു മുളക് എടുത്തു ഈ മാവില്‍ മുക്കി നോക്കുക.. രണ്ടു സൈഡിലും നന്നായി മാവ് ഒട്ടിപ്പിടിച്ച് ഇരിക്കുന്നുണ്ടെല്‍ പാകം ആയി എന്നര്‍ത്ഥം. അല്ലേല്‍.. കുറച്ചു പൊടി ഇടുകയോ.. അല്ലേല്‍ കുറച്ചു വെള്ളം ഒഴിക്കുകയോ എന്താണെന്നു വെച്ചാല്‍ മനോധര്‍മം അനുസരിച്ച് പ്രവര്‍ത്തിക്കാം. ഇതിനു ശേഷം ഇതിലേക്ക് കുരുമുളക് പൊടിയും ഗരം മസാലയും മഞ്ഞപ്പൊടിയും കൂടി ചേര്‍ത്തിട്ടു വീണ്ടും കുഴക്കുക..

ഇത്രയും ആയിക്കഴിഞ്ഞാല്‍.. ഒരു ചീനച്ചട്ടി എടുത്തു അതിലേക്കു കുറച്ചു എണ്ണ ഒഴിക്കുക.. അത് ചൂടാകുന്നത് വരെ വെയിറ്റ് ചെയ്യുക.. ചൂടായോ എന്നറിയാന്‍ കുറച്ചു മാവ് എടുത്തു അതിലേക്കു ഇട്ടു നോക്കാം.. ശൂ എന്നൊരു ശബ്ദം ഉണ്ടായാല്‍.. നമ്മുടെ പാത്ത്രത്തിലെ മുളകുകള്‍ ഓരോന്നോരോന്നു ആയി.. മാവില്‍ മുക്കി എടുത്തു നേരെ എണ്ണയിലേക്ക് ഇടുക.. നല്ല രീതിയില്‍ മുളകിന്റെ രണ്ടു വശത്തും മാവ് പിടിക്കുന്നില്ല എങ്കില്‍.. ഒരു സ്പൂണ്‍ എടുത്തു പറ്റാത്ത സ്ഥലങ്ങളില്‍ ഒക്കെ കോരി ഒഴിക്കുക.. തിരിച്ചും മറിച്ചും ഒന്ന് ഇട്ടേക്കുക..

സംഭവം തീര്‍ന്നു.. മുളക് ബജി റെഡി.. ഇനി അടുത്ത പ്രശ്നം.. വാങ്ങിച്ച മുളക് തീര്‍ന്നു.. പക്ഷെ കലക്കി വെച്ച കടല മാവ് തീര്‍ന്നില്ല എന്നതാണ്.. ഇതിനു വേണ്ടി.. ഒരു ഉരുളക്കിഴങ്ങ് എടുത്തു വട്ടത്തില്‍ അരിഞ്ഞു മാവില്‍ മുക്കി എണ്ണയിലേക്ക് ഇടുക.. അങ്ങനെ അതും റെഡി ആയി

ഇപ്പോള്‍ നിങ്ങളുടെ മുന്നില്‍ ഇരിക്കുന്നതാണ് സ്വാധിഷ്ടം ആയ മുളക് ബജിയും ഉരുളക്കിഴങ്ങ് ബജിയും... ഇനി ഇതെല്ലാം കൂടി ഏതേലും ഒരു പാത്ത്രത്തിലേക്ക് എടുത്തു വെച്ചിട്ട് സ്വയം കഴിച്ചു നോക്കുക.. സാധാരണ ഗതിയില്‍.. മറ്റാരെയും ഈ ഉദ്യമത്തില്‍ പങ്കെടുപ്പിക്കാതെ ഇരുപ്പിക്കുന്നതാരിക്കും ഉചിതം.. അതും കഴിഞ്ഞു നമുക്ക് ബോധ്യം വന്നാല്‍.. ബാക്കി വല്ലതും ഉണ്ടെങ്കില്‍.. വീട്ടില്‍ ഉള്ളവര്‍ക്കും കൊടുക്കാം..

നമ്മള്‍ സ്വയം ഉണ്ടാക്കുന്ന സാധനങ്ങള്‍ അതെത്ര ചവറായാലും നല്ല രുചി ആണെന്ന് നമുക്ക് മാത്രമേ അറിയൂ.. ഈ സാധനം വേറെ ആര്‍ക്കേലും കൊടുക്കുന്നുണ്ടെങ്കില്‍ അവരെയും ഈ പ്രപഞ്ച സത്യം പറഞ്ഞു മനസ്സിലാക്കി നിങ്ങളെ അഭിനന്ദിക്കാന്‍ പറയൂ

Find Conflict for IP Address

2011-01-13T01:43:00.000-08:00

A small program which detects if there is any IP conflict with the IP which you are going to set to your system. Before setting, its pinging the new IP and output will be written to a text file. It will read the output text and if there is a string Request Timed out is present, that means, there is no conflict. If there is conflict, it will not have that string. Also, it will not ping to the current system IP. If we pass the current IP, it will just return 2.

int ping(char* ipstr)
{

char comp[50];

char msg[50];

char filestr[50];

FILE *fp;

char ac[80];

char *IPAddr;

WSAData wsaData;

WSAStartup(MAKEWORD(1, 1), &wsaData);

gethostname(ac, sizeof(ac));

struct hostent *phe = gethostbyname(ac);

struct in_addr addr;

memcpy(&addr, phe->h_addr_list[0], sizeof(struct in_addr));

IPAddr = (char*)malloc(16);

if(IPAddr != NULL)

{

IPAddr = inet_ntoa(addr); // Getting the current IP Address of the board.

if(strcmp(IPAddr,ipstr) == 0)

{

return 2;

}

else

{

strcpy(comp,ipstr);

sprintf_s(msg,"ping %s -n 1 >ping.txt",comp);

system(msg);

Sleep(50);

fp = fopen("ping.txt","r");

while(!feof(fp))

{

fscanf(fp,"%s",filestr);

if(strcmp(filestr,"Request") == 0)

{

//IP AVAILABLE

fclose(fp);

return 1;

}

else if(strcmp(filestr,"unreachable.") == 0)

{

//Current IP defaulted to Zero

fclose(fp);

return 1;

}

//IP CONFLICT

fclose(fp);

}

return 0;

}

പോലാമാ കുതിര സവാരി?

2011-01-06T20:57:00.000-08:00

അങ്ങനെ ജീവിതത്തില്‍ ആദ്യമായിട്ട് ഒരു കുതിരപ്പുറത്തു കയറി..ഊട്ടി ലേയ്കിന്‍റെ അടുത്ത് വെച്ചാണ് ഈ മഹത്തായ സംഭവം അരങ്ങേറിയത്. കുതിരയെ ദൂരെ നിക്കുന്ന കണ്ടപ്പം മനസ്സില്‍ കടന്നു വന്ന സീന്‍ പഴശിരാജയിലെ മമ്മൂട്ടിയുടെ ഒരു വരവാരുന്നു..ഒരു കൈ കൊണ്ട് കടിഞ്ഞാണ്‍ ഒക്കെ പിടിച്ചു.. മറ്റേതു വായുവില്‍ ഉയര്‍ത്തി പിടിച്ചു.. ഇങ്ങനെ കുതിര കുളമ്പടി ഒക്കെ കേള്‍പ്പിച്ചു ഊട്ടിയെ പ്രകമ്പനം കൊള്ളിക്കുക.. കണ്ടു നിക്കുന്നവര്‍ എല്ലാം.. ശെടാ.. ചെറുക്കന്‍ കൊള്ളാവല്ലോ എന്ന് പറയുക.. പക്ഷെ കേറാന്‍ ആയിട്ട് അടുത്ത് ചെന്നപ്പം അവന്മാര്‍ അവിടെ നിന്നതില്‍ ഏറ്റവും അനുസരണ ഇല്ലാത്ത ഒരെണ്ണത്തിനെ തപ്പിക്കൊണ്ടു വന്നു.. എന്‍റെ അടുത്ത് വന്നതും അതിനിട്ടു ഒരു ചാട്ട വെച്ച് ഒറ്റ അടി.. നമ്മളെ പേടിപ്പിക്കുക എന്നതാരുന്നു എന്ന് തോന്നുന്നു അവന്മാരുടെ ലക്‌ഷ്യം..ഇതാകുംബം നമ്മള്‍ അധികം നേരം അതിന്‍റെ പുറത്തു ഇരിക്കണം എന്ന് പറയില്ലല്ലോ.. അല്ലേലും ആ കുതിരയെ കണ്ടതോട്‌ കൂടി പഴശിരാജ പോയി.. ഒരു "ശശി" ആയാരുന്നു. ഒരു വിധത്തില്‍ അതിന്‍റെ പുറത്തു ചാടി കേറി.. നേരെ ഒരു കുത്തനെ ഉള്ള കേറ്റം.. നമ്മള്‍ പുറകോട്ടു മറിഞ്ഞു പോകുന്ന പോലത്തെ ഒരു അവസ്ഥ.. റോഡില്‍ എത്തിയതും കുതിരക്ക് ഒരു സൈഡ് വലിവ്.. അത് നേരെ പോകുന്നില്ല.. മതിലിനിട്ടു ഇടിക്കാന്‍ ഉള്ള പോക്കാ..ഞാന്‍ എനിക്ക് അറിയാവുന്ന തമിഴില്‍ മൊഴിഞ്ഞു..

ഞാന്‍:- അണ്ണാ.. ഈ വണ്ടി നേരെ അല്ല പോകുന്നത്..

അണ്ണാച്ചി:- എന്ന സാര്‍ എല്ലാ കുതിരയും ഇന്ത മാതിരി താന്‍.. എന്ന സാര്‍ ചിന്ന കൊളന്ത മാതിരി?

സാര്‍ ഇന്ത റോഡ്‌ സുറ്റി വരതുക്ക് മുന്നൂറു രൂപ ആക്കും.. അന്ത ഓട്ടോ സ്റ്റാന്റ് വരെ പോകതുക്ക് നൂറു രൂപ പോതും..

ഞാന്‍:- അന്ത ഓട്ടോ സ്റ്റാന്റ് താന്‍ പോതും അണ്ണാ..

അണ്ണാച്ചി:- എന്ന സാര്‍ ഇത്? ഇരുനൂറു രൂപ താനെ എക്സ്ട്രാ?

ഞാന്‍:- പൈസയുടെ അല്ല അണ്ണാ.. ഈ ഇരിപ്പ് അത്ര സുഖം ഇല്ല..

കച്ചി പുറത്തു ഓന്ത് ഇരിക്കുന്ന പോലെ ഒരു മാതിരി പേടിച്ചു വിറച്ചു ഞാന്‍ ഇരിക്കുന്നു..
ഊട്ടിയെ പ്രകമ്പനം കൊള്ളിക്കാന്‍ ആയി ഇരുന്ന എന്നെ നോക്കി.. രണ്ടു വയസ്സുള്ള ചിന്ന കൊളന്തകള്‍ മുതല്‍ തൊണ്ണൂറു വയസ്സുള്ള തൈക്കിളവികള്‍ വരെ ആര്‍ത്തു ഉല്ലസിച്ചു ചിരിക്കുന്നു..

തിരിച്ചു മുന്നേ കേറിയ ആ കേറ്റം ഇറങ്ങാന്‍ പോകുന്നു.. ഞാന്‍ അവിടെ ഇരുന്നു കരഞ്ഞു പറഞ്ഞു.. അണ്ണാ.. മെതുവേ.. പയ്യെ.. താഴെ വീഴ്തരുത് പ്ലീസ്...

അണ്ണാ പുറകോട്ടു കുറച്ചു ചെരിഞ്ഞു ഇരുന്നോ.. അല്ലെങ്കില്‍... മുന്നോട്ട് തല കുത്തി വീഴും...

ദൈവമേ.. അങ്ങനെ എങ്ങാനും വീണാല്‍.. ഈ ആന പോലെ ഉള്ള കുതിരയുടെ ഒരു ചവിട്ടിനു എന്‍റെ സര്‍വകലാശാല ഉള്‍പ്പടെ എല്ലാം തകരും.. പുറകോട്ടു എങ്കില്‍ പുറകോട്ടു..

ഒടുവില്‍ വെല്യ പരുക്കുകള്‍ ഇല്ലാതെ ഇറങ്ങി പോന്നു..

നൂറു രൂപ പോയെങ്കില്‍ എന്താ..
കുതിരപ്പുറത്തു കേറിയില്ലേ?
ഊട്ടിയെ പ്രകമ്പനം കൊള്ളിച്ചില്ലേ?
ജീവന്‍ തരിച്ചു കിട്ടിയില്ലേ?

തൊലിക്കുഞ്ഞുങ്ങളും കടുക് മണികളും പിന്നെ ചന്തു സല്ലാടും

2010-07-26T08:25:00.000-07:00

ഇന്ന് രണ്ടായിരത്തി ഇരുപതാം ആണ്ടു സെപ്റ്റംബര്‍ മാസം അഞ്ചാം തീയതി.. നീണ്ട കുറെ വര്‍ഷങ്ങള്‍ക്കു ശേഷം പഴയ സുഹൃത്തുക്കള്‍ എല്ലാം സകുടുംബം ഒത്തു ചേരാന്‍ കിട്ടിയ ഒരു അവസരം.. പണ്ട് രണ്ടായിരത്തി നാലില്‍ തൊടുപുഴയില്‍ നിന്ന് പഠിച്ചു ഇറങ്ങിയപ്പോഴും.. പിന്നീട് കുറെ നാള്‍ ബാംഗ്ലൂരില്‍ നിന്നപ്പോഴും ഒന്നും ഇങ്ങനെ ഒരു ഒത്തു ചേരല്‍ ഭാവിയില്‍ ഉണ്ടാകുമോ എന്ന് സംശയം ആയിരുന്നു.. ഇന്ന് പക്ഷെ അത് സംഭവിച്ചു...തൊടുപുഴയില്‍ വെച്ച് ഈ ചടങ്ങ് നടത്താന്‍ തീരുമാനിച്ചത് നന്നായി.. പഴയ കോളേജ്, "ഹൈ റേഞ്ച് ഹോട്ടല്‍", കുട്ടപ്പാസ്, വിനോദ് ചേട്ടന്‍റെ വീട്, തൊടുപുഴ അമ്പലം ഇതെല്ലാം ഒക്കെ ഒന്ന് കൂടി കാണാനും പറ്റി. ഈ ചടങ്ങിനു നമ്മുടെ ക്ലാസില്‍ ഉണ്ടായിരുന്ന കുറെ പേരും പിന്നെ ബാംഗ്ലൂരില്‍ ഞങ്ങളുടെ കൂടെ ഉണ്ടാരുന്ന തരകനും പച്ചാളവും വന്നിരുന്നു. എല്ലാവരുടെയും അലവലാതി തരത്തിന് വെല്യ മാറ്റം ഒന്നും ഉണ്ടായിട്ടില്ല എന്ന് മാത്രം അല്ല.. എല്ലാത്തിന്‍റെയും പിള്ളേര്‍ അതിന്റെ അപ്പുറത്താണ് താനും..

ഇങ്ങനെ ഒരു ആശയം സായിപ്പ് ആണ് നമ്മളോട് പറഞ്ഞത്.. എല്ലാരും ഉടനെ അത് മാനേജ് ചെയ്തു പ്രാവര്‍ത്തികം ആക്കാന്‍ മത്തായിയെ ഏര്‍പ്പാടാക്കി.. മത്തായി അതും ഇതും പറഞ്ഞു പത്തു മുപ്പതു മെയില്‍ അയച്ചത് അല്ലാതെ ഒന്നും സംഭവിച്ചില്ല.. ഇന്ന് പറയും നമുക്ക് തൊടുപുഴയില്‍ കൂടം എന്ന്.. നാളെ മാറ്റി പറയും.. എറണാകുളം ആണ് എല്ലാവര്‍ക്കും എളുപ്പം എന്ന്. എറണാകുളത്തു പുതിയ ഫോറം വന്നിട്ടുണ്ടത്രേ!!..അതിനു??? ഇത്ര വര്‍ഷം ആയിട്ടും അവനു യാതൊരു മാറ്റവും ഇല്ലല്ലോ ഭഗവാനെ.. അവസാനം മത്തായിയെ മാനേജ് ചെയ്യുന്നതില്‍ നിന്നും മാറ്റിയപ്പോള്‍ ആണ് കാര്യങ്ങള്‍ക്കു ഒരു നീക്ക് ഉണ്ടായതു.. എല്ലാരും കൂടി മൌര്യ മൊണാര്‍ക്കില്‍ പത്തു ഫാമിലി റൂം ബുക്ക്‌ ചെയ്തു രണ്ടു ദിവസത്തേക്ക്... മൊത്തം പതിമൂന്നു പേര് വന്നിരുന്നു എങ്കിലും ഷെല്ലാടും, വയറനും, തരകനും പാമ്പും അവരവരുടെ വീട്ടിലേക്കു പോയി.. തൊടുപുഴ തന്നെ വീട് ഉണ്ടായിട്ടും വീട്ടിലേക്കു പോകാതെ ഇരുന്ന ഒരു അലവലാതി ഉണ്ടാരുന്നു.. സോണി ശിതാവ്.. വെള്ളം അടിച്ചു കിണ്ടി ആയി മൌര്യയിലെ വെയിട്ടര്‍മാരെ തെറീം വിളിച്ചു അവന്‍ അവിടെ തന്നെ കിടന്നു ഉറങ്ങി.

നത്തോലിയും കടുകും ഒരുമിച്ചാണ് തൃശൂര്‍ നിന്ന് എത്തിയത്.. നത്തോലി ഒരു നാല്‍പ്പതു ഇഞ്ചിന്റെ പാന്റ്സ് ഒക്കെ ഇട്ടാണ് വന്നത്.. നത്തോലി കുഞ്ഞുങ്ങളെയും കൊണ്‍ഫിഡന്‍സ് ഉണ്ടാക്കുന്നതിന്റെ ഭാഗം ആയി ഒരു അഞ്ചു വര്‍ഷം കഴിഞ്ഞു ഇടണ്ട ഡ്രസ്സ്‌ ആണ് ഇടീപ്പിച്ചിരുന്നത്. വന്ന പാടെ നത്തോലി കുടുംബം "കട്ടി" ആയിട്ട് എന്തേലും തിന്നാന്‍ എടുക്കാന്‍ പറയുന്നത് കേട്ടിട്ട് ഒരു "തൊലി" ഉണ്ട്.. അത് കട്ടി ആക്കീട്ട് വേണേല്‍ തിന്നോ എന്ന് സായിപ്പിന്റെ ഇളയ മോന്‍ പറയുന്നത് കേട്ടു. ഒരു പ്ലേറ്റ് ഇടലി വാങ്ങി നത്തോലി കുടുംബം മൊത്തത്തില്‍ ഇരുന്നു തിന്നു തുടങ്ങി.. പകുതി ആയപ്പം തന്നെ ഓരോരുത്തര്‍ ആയിട്ട് വാള്‍ ആയി തുടങ്ങി..അവസാനം എന്നെ അങ്ങ് എടുത്തോ എന്നും പറഞ്ഞു നത്തോലി പിതാവ് ഒരു സൈഡിലേക്കു ചാഞ്ഞു.. ചീന ചട്ടിയില്‍ കടുക് പൊട്ടിക്കുന്ന പോലെ ഉള്ള സൌണ്ട് ആണ് കടുകും കുഞ്ഞുങ്ങളുടെത്.. കടുകും പിള്ളേരും കൂടി കളിചോണ്ട് ഇരിക്കുന്ന സ്ഥലത്ത് നിന്നും സായിപ്പിന്‍ കുഞ്ഞു ഓടി വന്നു അച്ഛനോട് പറഞ്ഞു.. "Dad, one baby in that group is having a big mustache!!" ഉടന്‍ വന്നു തന്ത സായിപ്പിന്റെ മറുപടി:- "Vish, that's not a baby.. That's Naji Uncle!! He is 38 years old, don''t call him baby.."

പാമ്പിനും കുഞ്ഞുങ്ങള്‍ക്കും കുറെ കലാ പരിപാടികളും ഐഡിയ വീണു കിട്ടി അത് കൊണ്ട് കുട്ടികളെയും പങ്കെടുപ്പിച്ചു കൊണ്ടുള്ള കലാ പരിപാടികള്‍ വേണം എന്ന് നേരത്തെ തീരുമാനിച്ചിരുന്നു..
കലാ പരിപാടികള്‍ ആരംഭിച്ചു.. ആദ്യം തൊലി കുടുംബത്തിന്റെ നൃത്ത ന്രിത്ത്യങ്ങള്‍.. കര്‍ട്ടന്‍ പൊങ്ങി..ഭരത നാട്യത്തിലെ ഒരു വര്‍ണം തുടങ്ങുന്നതിന്റെ മുന്നില്‍ ഉള്ള കീര്‍ത്തനം കേട്ട് തുടങ്ങി. തൊലിക്കുഞ്ഞുങ്ങള്‍ പറ്റം പറ്റം ആയിട്ട് തന്ത തൊലിയുടെ പിറകെ നടന്നു നീങ്ങി.. പാട്ട് ആരംഭിച്ചു.. എല്ലാം മറന്നു തൊലിക്കുഞ്ഞുങ്ങള്‍ എല്ലാം കൂടി ഒരു സൈഡിലേക്കു വളഞ്ഞു ചാടി.. പാട്ട് മുറുകുന്നതിനു അനുസരിച്ച്.. തൊലിക്കുഞ്ഞുങ്ങളുടെ ചാട്ടത്തിന്റെ വേഗവും കൂടി.. അവസാനം നരുന്ത് തൊലി കുഞ്ഞിന്റെ സ്നഗ്ഗി ഊരിപോയപ്പോള്‍ തൊലിക്കുഞ്ഞുങ്ങള്‍ അവനോടുള്ള ഐക്യ ദാര്‍ട്യം പ്രഖ്യാപിച്ചു സ്റ്റേജില്‍ നിന്നും ഇറങ്ങി.

സായിപ്പിന്റെം ചിരി മോന്റെയും കുടുംബങ്ങള്‍ ഒന്നിച്ചാണ് സ്റ്റേജില്‍ കയറിയത്.. രണ്ടും വന്‍ പ്ലന്നിംഗ് നടത്തി കയറി എന്ന് എല്ലാവര്‍ക്കും മനസ്സിലായി.. സായിപ്പും പിള്ളേരും കൂടി ഒരു ട്രിപ്പിള്‍ ഡ്രം, തബല, ചെണ്ട മുതലായ സാധനങ്ങള്‍ കൊട്ടുന്നു.. മറ്റേ സൈഡില്‍ ഒരു ഗിറ്റാറും പിടിച്ചു ചിരി മോനും.. വെളു വെളാന്നുള്ള ചിരിയും ആയിട്ട് കുറെ ചിരിക്കുട്ടന്മാരും.. ഏതു പാട്ട് സായിപ്പു വായിച്ചാലും ചിരിക്കുടുംബം ഹൃതിക് റോഷന്റെ സ്ടെപ്പ് തന്നെ ചെയ്യും..സായിപ്പു ഇതെല്ലം കണ്ടു സഹി കെട്ടിരുന്ന ആ സമയത്ത് നരുന്ത് ചിരി കുഞ്ഞു അവന്റെ അപ്പന്റെ തനിക്കൊണം കാണിച്ചു.. പ്ലാനിങ്ങില്‍ ഇല്ലാതിരുന്ന ഒരു ഐറ്റം.. ഒരു മകുടി എടുത്തു മരണ ഊത്ത്.. അപ്പന്‍ ചിരി പോലും ഇത് പ്രതീക്ഷിച്ചിരുന്നില്ല.. എല്ലാവരും എന്ത് ചെയ്യണം എന്ന് അറിയാതെ ഇതി കര്‍ത്തവ്യതാ മൂടര്‍ ആയി നിന്ന ഈ നിമിഷം പെരും പാമ്പും കുറെ നീര്‍ക്കോലി കുഞ്ഞുങ്ങളും ആയി ആ സ്റ്റേജില്‍ മൊത്തം ഇഴഞ്ഞു കൊത്തി.. നാഗ നൃത്തം ആണത്രേ നാഗ നൃത്തം.. വൃത്തികെട്ടവന്മാര്‍.. ഇളയ നീര്‍ക്കോലി കുഞ്ഞു അവന്റെ നിക്കര്‍ എടുത്തു പറിച്ചു ഊരി എറിഞ്ഞു എന്നിട്ട് പാമ്പ് പടം കൊഴിഞ്ഞതാണെന്ന്!!

ഈ പരിപാടികള്‍ എല്ലാം നടക്കുന്ന സമയത്തും പ്ലാനര്‍ അജയും അവന്റെ അഞ്ചില്‍ പഠിക്കുന്ന മൂത്ത കൊച്ചും കൂടി ഇരുന്നു വന്‍ ഡിസ്കഷന്‍.. എല്ലാവരും വിചാരിച്ചു പിറ്റേ ദിവസം കഴിക്കുന്ന പ്രാതലിനെ കുറിച്ചാരിക്കും ഡിസ്കഷന്‍ എന്ന്.. എന്നാല്‍ കാര്യം അല്പം സീരിയസ് ആരുന്നു.. അഞ്ചാം ക്ലാസില്‍ പഠിക്കുന്നവന്റെ കൊച്ചിനെ എറണാകുളത് സ്കൂളില്‍ ചേര്‍ക്കണോ അതോ ബാംഗ്ലൂര്‍ മതിയോ? അതിനു അനുസരിച്ച് വേണം ഇനി അവന്‍ ആറാം ക്ലാസ്സില്‍ എവിടെ ചേരണം എന്ന് തീരുമാനിക്കാന്‍.. ഹോ..ഇത്രയും പ്ലാന്‍ ചെയ്യാന്‍ പറ്റുവാരുന്നേല്‍ ബാക്കി ഉള്ളവരൊക്കെ ഇപ്പം എവിടെ എത്തിയേനെ ??

അടുത്തത് പാമ്പിന്‍ കുഞ്ഞുങ്ങളുടെ കലാ പരിപാടി.. മാളത്തില്‍ നിന്നും പാമ്പിന്‍ കുഞ്ഞുങ്ങള്‍ എല്ലാം കൂടി ഇഴഞ്ഞു ചെന്ന്.. മായ ദേവകിക്ക് മകന്‍ പിറന്നെ.. മകന്‍ പിറന്നേ എന്ന് പാടുന്നു.. മറ്റേ സൈഡില്‍ നിന്ന് തന്ത പാമ്പ് ഒരു എക്സികുടീവ് വേഷത്തില്‍ വന്നു പെട്ടെന്ന് ഡ്രസ്സ്‌ ഊരി മാറ്റീട്ട്, പെട്ടിക്കു അകത്തു നിന്നും ഒരു ത്ലാപ്പു എടുത്തു തെങ്ങില്‍ കേറാന്‍ നില്‍ക്കുന്നു എന്നിട്ട് ഉറക്കെ പാടുന്നു...നോ നോ നോ നോ നോ നോ നോ.. തരകനും പിള്ളേരും കൂടി ചാടി കേറി സ്റ്റേജില്‍ ചെന്നിട്ടു ഒരൊറ്റ ചോദ്യം.. "you staying here eh??" അതിനു ശേഷം വിവിധ വിഷയങ്ങളെ കുറിച്ച് തരകന്‍ അവിടെ കൂടി ഇരുന്നവര്‍ക്കായി ക്ലാസ്സ്‌ എടുത്തു..ഇംഗ്ലീഷ് മാത്രം സംസാരിക്കുന്ന തരക പത്നിയും കുട്ടി തരകന്മാരും ആയിട്ട് അപ്പന്‍ തരകന്‍ മൌന വൃത്തത്തില്‍ ആണ് എപ്പോഴും.. എന്തേലും അവര്‍ ചോദിച്ചാലും "Yes", "No", "OK" ഇങ്ങനെ ഒക്കെ മാത്രമേ പറയാറുള്ളൂ

അടുത്ത പരിപാടി കടുകും കടുകുമണികളും കൂടി കമലാഹാസന്‍ പണ്ട് കുള്ളനായി അഭിനയിച്ച പാട്ട് ഇട്ടിട്ടു ഡാന്‍സ് കളിച്ചു.. കണ്ടു നിന്നവര്‍ എല്ലാം അമ്പരന്നു അത്രയ്ക്ക് ഒറിജിനാലിറ്റി.. ഫുഡ്‌ അടിച്ചു മേലാതെ ഇരിക്കുവരുന്നെലും നത്തോലി ഓടി ചെന്ന് അവരെ അനുമോദിച്ചു.. യാതൊരു അതി ഭാവുകത്വവും ഇല്ലാതെ വളരെ നോര്‍മല്‍ ആയി തോന്നിയ ഒരു കലാ രൂപം.. ഇനി കാലു നിവര്‍ത്ത് എഴുന്നെറ്റൊളാന്‍ പറഞ്ഞപ്പോള്‍ ആണ് എല്ലാവര്‍ക്കും കാര്യം പിടി കിട്ടുന്നത്.. അവര്‍ എല്ലാരും നേരെ നിന്ന് തന്നെയാണ് കളിച്ചത്.. പൊക്കം ഇല്ലാത്തതിന്റെ ഓരോരോ ഗുണങ്ങളെ..

അതിനു ശേഷം മത്തായി കുടുംബത്തിന്റെ കലാപരിപാടി.. എല്ലാവരെയും ഞെട്ടിക്കാന്‍ ഒരു പുതിയ ഐറ്റം ആയിട്ടാണ് മത്തായി എത്തിയത്.. മെട്രിക്സ് എന്നാ സിനിമ അഞ്ചു മിനിറ്റ് കൊണ്ട് അവതരിപ്പിക്കുന്നു.. മത്തായിയുടെ മൂത്ത പുത്രന്‍ പൗലോസ്‌ ആണ് നിയോ.. മത്തായി മോര്‍ഫിയൂസ് ആയിട്ട് ഒരു വെല്യ കോട്ടും ഒക്കെ ആയിട്ട് സ്റ്റേജിന്റെ നടുക്ക് നിന്നും നടന്നു തുടങ്ങി... മാസ്റ്റര്‍ ചന്തു സല്ലാട് ഇത് കണ്ടു തല തല്ലി കിടന്നു ചിരിക്കാന്‍ തുടങ്ങി.. എല്ലാര്‍ക്കും ചിരി വരുന്നു.. മത്തായിയുടെ വാമ ഭാഗം ഒഴികെ അത് കണ്ടു നിന്നവര്‍ എല്ലാം നിലത്തു കിടന്നു ഉരുണ്ടു ചിരിയാ.. മത്തായിയുടെ ഭാര്യക്ക്‌ മാത്രം അവനെ ഓര്‍ത്തു അഭിമാനം.. ചിരിച്ചു ചിരിച്ചു അവസാനം ചന്തു സല്ലാട് കരയാന്‍ തുടങ്ങി..അവനു വയറു വേദന എടുക്കുന്നു അത്രേ.. പെട്ടെന്ന് എല്ലാരും കൂടി മത്തായിയോടു പരിപാടി ഗംഭീരം ആയി എന്ന് പറഞ്ഞു സംഭവം മതിയാക്കിച്ചു.. എന്നിട്ട് ചന്തു സല്ലാടിനെയും കൊണ്ട് ആശുപത്രിയില്‍ പോയി.. അവിടെ ചെന്ന ഡോക്ടര്‍ അവന്റെ ഷര്‍ട്ട്‌ ഊരി വയറില്‍ നോക്കി.. ഡോക്ടര്‍ ഞെട്ടലോടെ പറഞ്ഞു.. ഓഹോ ഇതാരുന്നോ കാര്യം?? ചിരിച്ചു ചിരിച്ചു പൊക്കിള്‍ പുറത്തു ചാടിയതാ.. അഭിമാനത്തോടെ അതിലേറെ അഹങ്കാരത്തോടെ അപ്പന്‍ സല്ലാട് തന്റെ ഷര്‍ട്ട്‌ ഊരി കാണിച്ചു.. ഡോക്ടറെ അത് പുറത്തു ചാടിയതല്ല.. എന്റെം എന്റെ മക്കടേം പൊക്കിള്‍ അങ്ങനെയാ.. "ടിം" എന്ന് ഒരു ഒച്ച കേട്ടു.. ഡോക്ടറും എന്തോ കണ്ടിട്ട് പേടിച്ച പോലെ അവിടെ ഉണ്ടാരുന്ന സല്ലാട് പത്നിയും ബോധം കേട്ടു താഴെ..

അവിടുന്ന് തിരിച്ചു വന്ന ചന്തു സല്ലാട് നേരെ ചെന്ന് നരുന്തിന്റെ അഞ്ചു മാസം മാത്രം പ്രായം ആയ പെണ്‍ കൊച്ചിനേം സുര്‍ജീടെ മൂത്ത പെണ്‍ കൊച്ചിനേം പ്രോപോസ് ചെയ്തു.. വിത്ത്‌ ഗുണം പത്തു ഗുണം.. ബേബി സല്ലാട് ഇത്ര എങ്കിലും ചെയ്തില്ലെങ്കിലെ അതിശയം ഉള്ളൂ..

ഈ കലാപരിപാടി എല്ലാം കഴിയാറായപ്പോഴാണ് ശിതാവും കുഞ്ഞുങ്ങളും കൂടി എത്തിയത്.. എല്ലാവരും തിരക്കി എന്താണ് ഇത്ര വൈകിയത് എന്ന്.. ബേബി ശിതാവ് ആണ് മറുപടി പറഞ്ഞത്.. അപ്പന്റെ വാളു കോരുവാരുന്നു അത്രേ മക്കള്‍ എല്ലാരും കൂടി. അതിനു ശേഷം അപ്പനും മക്കളും കൂടി ഇരുന്നു വെള്ളം അടി, ചീട്ടു കളി, പിന്നെ "How I met your mother: 2500th episode" കണ്ടു തീര്‍ത്തു.. എല്ലാവരുടെയും മുഖത്ത് ലോകം കീഴടക്കിയ സന്തോഷം..
പ്ലാനെറിന്റെ മകനെ ബാംഗ്ലൂര്‍ പഠിപ്പിക്കാം എന്ന് തീരുമാനിച്ച ശേഷം അപ്പനും മകനും കൂടി ടെന്‍ഷന്‍ അടിച്ചു ഓടി വന്നു എല്ലാരോടും ആയി പറഞ്ഞു.. ഇനീം താമസിച്ചാല്‍ ഫുഡ്‌ തണുത്തു പോകും.. എല്ലാരും കൂടി കഴിക്കാന്‍ ആയി ചെന്ന് നോക്കിയപ്പോള്‍ കണ്ട അവസ്ഥ.. വയറനും കുടുംബവും ഫുഡ്‌ മുഴുവന്‍ തിന്നു തീര്‍ത്തു.. കുഞ്ഞു വയറന്റെ വയര്‍ അവന്റെ മൊത്തം ശരീര വലിപ്പത്തിലും കൂടുതല്‍ ആയി തിന്നു തിന്നു.. വേറെ ആര്‍ക്കും ഫുഡ്‌ കിട്ടിയില്ലേലും മൊത്തം ഒറ്റയ്ക്ക് തിന്നു തീര്‍ത്ത സന്തോഷം കുഞ്ഞു വയറന്റെ മുഖത്ത് തെളിയുന്നുണ്ടാരുന്നു.. എന്നാലും നാണിച്ചു നാണിച്ചു അവന്‍ എന്തോ പറയാന്‍ ഉള്ള പോലെ ചന്തു സല്ലാടിന്റെ അനിയത്തിയുടെ അടുത്തേക്ക് ചെന്ന്.. എന്നിട്ട് പതുക്കെ പറഞ്ഞു.. ഞാന്‍ കുഞ്ഞു വയറന്‍.. ഒറ്റ ഇരിപ്പിന് ഒരു പറ ചോറ് തിന്നും.. ഈ വര്‍ഷത്തെ എന്റെ നെഴ്സറിയിലെ ഫുട്ബോള്‍ ടീമിന്റെ ക്യാപ്റ്റന്‍ ഞാനാണ്.. "I love you!!" അപ്പന്‍ സല്ലാട് ഇത് കണ്ടു ഓടി വന്നു വയരനോട് ചൂടായി.. എന്നാലും നീ നിന്റെ ഗുരുവിന്റെ നെഞ്ജത്തോട്ടു തന്നെ വെച്ചല്ലോടാ..??

വിശന്നു വളഞ്ഞു എല്ലാവരും യാത്ര പറഞ്ഞു പോകാന്‍ സമയം ആയപ്പോഴേക്കും ചന്തു സല്ലാടിന്റെ നേതൃത്വത്തില്‍ കുറെ കരടുകള്‍ എല്ലാം കൂടി സ്റ്റേജില്‍ കേറി നിന്ന് ഉറക്കെ പാടി (കരഞ്ഞു??) ഒരിക്കലും പിരിയില്ല നമ്മള്‍... ഒരിക്കലും പിരിയില്ല നമ്മള്‍..

ഇന്നലെ നടന്ന വെള്ളം അടി മുതല്‍ ഇന്ന് അവസാനം നടന്ന സല്ലാട് കുഞ്ഞിന്റെ ഒരിക്കലും പിരിയാത്ത പാട്ട് വരെ സുര്‍ജി കുഞ്ഞുങ്ങള്‍ അവരുടെ ഏറ്റവും പുതിയ ആണ്ട്രോയിട് ഫോണില്‍ ക്യാപ്ച്ചര്‍ ചെയ്യുന്നുണ്ടാരുന്നു. അമേരിക്കയില്‍ ഇരുന്നു സായിപ്പു പത്നിയായ ഡോറോത്തി മദാമ്മ..ഇതിനെ എല്ലാം പുച്ചിച്ചു കൊണ്ട് കമന്റ്സും എഴുതി വിട്ടു.. അങ്ങനെ വീണ്ടും ഒരിക്കല്‍ എല്ലാരും ആയി കാണാം എന്നുള്ള പ്രതീക്ഷയില്‍ നമ്മള്‍ വീണ്ടും പഴയ തിരക്കുള്ള ജീവിതത്തിലേക്ക്.. നാളെ ഇനി വീണ്ടും ഓഫീസില്‍ പോണം..മ് മ് ...

സുഹൃത്തിന്റെ ഡയറിയിലെ ഒരു താള്‍

2010-05-11T03:05:00.000-07:00

ഒരു വിശറി ആരുന്നു നല്ലത്

2010-04-29T02:36:00.000-07:00

ഇതിനു മുന്നേ എഴുതിയ താളിയോലയില്‍ ഉള്ള കല്യാണക്കുറിയുടെ അനുബന്ധ സംഭവങ്ങള്‍ ആണ് താഴെ കുറിച്ചിരിക്കുന്നത്.
താളിയോലയിലെ കല്യാണക്കുറി തപ്പി നടന്നിട്ട് അവസാനം കന്നഡ ചെറുക്കന്മാരുടെ തല്ലു കൊള്ളാതെ ഒരു വിധത്തിലാ തിരിച്ചു വീട്ടില്‍ എത്തിയത്.. എന്നിട്ട് അതിനു പകരം അവിടുന്ന് ഒരു ചെറിയ കല്യാണക്കുറി തപ്പി എടുത്താരുന്നു. തൂ വെള്ള നിറത്തില്‍ ഗണപതിയുടെ പടം ഒക്കെ വെച്ച് ഒരു സംഭവം.. ഒരു വെല്യ ബാഗ്‌ എടുത്താല്‍ മേല്പറഞ്ഞ സാധനം ഒരെണ്ണം വെക്കാം.. സ്മോള്‍ പീസ്‌ ..ഒരു മാതിരി മുറം ഒക്കെ പോലെ ഇരിക്കും.. എന്നിട്ട് അത് മലയാളത്തില്‍ പ്രിന്‍റ് ചെയ്യണം എന്നും പറഞ്ഞു കുറെ നടന്നു.. എവിടെ ഒക്കെ ചോദിച്ചിട്ടും അതില്‍ കൊടുക്കണ്ട നല്ലൊരു മാറ്റര്‍ കിട്ടുന്നില്ല.. എന്റെ മനസ്സില്‍ മുഴുവന്‍ കടു കട്ടി മലയാളം അമ്മാനം ആടുന്ന ഒരു കാര്‍ഡ്‌ ആരുന്നു.. ഒരു സാമ്പിള്‍ ഞാന്‍ വീട്ടുകാരെ കാണിച്ചു.. "നാട്ടകം പഞ്ചായത്തില്‍ മൂലവട്ടം കരയില്‍ ശ്രീമാന്‍ അഖില്‍ ചന്ദ്രന്റെ മാങ്കല്യം തം തുനാനേന" എന്നൊക്കെ സ്റ്റാര്‍ട്ട്‌ ചെയ്യുന്ന ഒരു കിടിലന്‍ പീസ്‌.. കണ്ട വഴിയെ അമ്മ പുച്ചിച്ചു തള്ളി.. ഒരു പോലീസ് കേസ് രജിസ്റ്റര്‍ ചെയ്യാന്‍ ആണേല്‍ ഇമ്മാതിരി എഴുത്ത് ശൈലി ഓക്കേ ആണത്രേ.. പിന്നെ കിട്ടിയത് എല്ലാം ഒരു മാതിരി.. എന്റെ മകന്‍ വിവാഹിതന്‍ ആകുന്നു.. താങ്കളുടെ കുടുംബസമേധം ഉള്ള സഹകരണം പ്രതീക്ഷിക്കുന്നു എന്നൊക്കെ... അത് കണ്ടാല്‍ അതിനു യാതൊരു പ്രത്യേകതയും ഇല്ല.. ഞാനും പുച്ചിച്ചു തള്ളി.. അങ്ങനെ നമ്മള്‍ ഇംഗ്ലീഷിലേക്ക് തന്നെ തിരിച്ചു ചെന്നു.. ജോലി കിട്ടാന്‍ വേണ്ടി പഠിച്ചപ്പോള്‍ ആണ് അവസാനം ആയി ഡിക്ഷനറി എടുത്തത്‌.. അതിനു ശേഷം ഈ സമയത്തും... ഞാന്‍ അവിടുന്നും ഇവിടുന്നും ഒക്കെ കേട്ട് കഴിഞ്ഞാല്‍ ഞെട്ടുന്ന കുറെ സാധനങ്ങളും ആയി ഒരു നാലഞ്ചു സെന്‍ടെന്‍സ് ഉണ്ടാക്കി കൊണ്ട് ചെന്നു..
അമ്മ :- ഒന്നാമതെ ഈ വൃത്തികെട്ട കുറിക്കു തന്നെ നല്ല ഭാരവും വലിപ്പവും ഉണ്ട്.. ഇനി നീ ഒരു ഡിക്ഷനറി കൂടി ഇതിന്‍റെ കൂടെ കൊടുക്കുന്നുണ്ടോ എല്ലാര്‍ക്കും? എന്താ ഇതില്‍ എഴുതി പിടിപ്പിച്ചെക്കുന്നത് എന്ന് മനസ്സിലാക്കി എടുക്കാന്‍?
ഞാന്‍ :- അല്പം ഓവര്‍ ആയി അല്ലെ?
അമ്മ:- അല്പവോ? നല്ല ഓവര്‍ ആയി..
ഞാന്‍ :- എന്നാ വേണ്ട.. ക്രിയെടിവ് റയ്ടിങ്ങിനു കേരളത്തില്‍ ഇത്രയ്ക്കു സ്കോപ് ഇല്ലേ? [ആത്മഗതം:-"അടുത്ത സന്തതി പരമ്പരകളെ എങ്കിലും രക്ഷ പെടുത്താം.. കേരളത്തിലേക്ക് ഇനി ഇല്ലേ ഇല്ല"]
അമ്മ :- എന്‍റെ മോനെ, ശെരിക്കും എന്താ നിന്റെ പ്രശ്നം? എല്ലാരും ചെയ്യുന്ന പോലത്തെ ഒരു കാര്‍ഡ്‌ പോരെ..അതിന്റെ ആവശ്യം അല്ലെ ഉള്ളൂ? സെലെബ്രിടി വെഡിംഗ് ഒന്നും അല്ലല്ലോ?
ഞാന്‍:- എന്നാല്‍ ശെരി.. ഞാന്‍ ആയിട്ട് ഇനി ഒന്നും പതിവില്ലാത്തത് ചെയ്യുന്നില്ല..
അങ്ങനെ വെറും സാധാരണമായ വാചകങ്ങളും ആയി ഒരു കാര്‍ഡ്‌ പ്രിന്‍റ് ചെയ്യാന്‍ ഞാന്‍ പോയി.. എന്നാലും മനസ്സിന് അപ്പിടി ഒരു വിഷമം.. ഒരു ചെറിയ ഡെമോ എങ്കിലും ഇല്ലെങ്കില്‍ എന്ത് കല്യാണക്കുറി ?
അങ്ങനെ വീട്ടുകാര്‍ അറിയാതെ സംസ്കൃതത്തില്‍ നിന്ന് ഒരു ശ്ലോകം തപ്പി എടുത്തു.. അഥര്‍വവേദത്തില്‍ നിന്നും ഒപ്പി എടുത്ത ഒരു ചെറിയ സാധനം..

इहेमाविन्द्र सं नुद चक्रवाकेव दम्पती ।
प्रजयौनौ स्वस्तकौ विस्वमायुर्व्यऽशनुताम् ॥

ഇതിന്‍റെ അര്‍ഥം ആയിരുന്നില്ല എനിക്കു പ്രധാനം... ആളുകള്‍ കുറി കണ്ടു കഴിയുമ്പം ശെടാ.. ഇവന്‍ കൊള്ളാല്ലോ.. എന്ന് പറയണം.. അത്ര മാത്രം.. ഈ സാധനം പ്രിന്‍റ് ചെയ്യാന്‍ കൊണ്ടു കൊടുത്തു കഴിഞ്ഞപ്പം.. പ്രസ്സിലെ ചേട്ടന്‍ ഞെട്ടിയില്ല.. ചേട്ടന്‍ മാത്രം അല്ല.. ഇത് കണ്ടവരാരും ഇത് വരെ ഞെട്ടിയില്ല.. ഞാന്‍ മാത്രം ഇടക്ക് ഇടക്ക് എടുത്തു അതില്‍ ദുഖഭാരത്തോടെ നോക്കി ഒന്ന് ഞെട്ടും..

അങ്ങനെ ഞാന്‍ എന്റെ ആദ്യത്തെ വിവാഹ ക്ഷണ കര്‍മത്തിലേക്ക് കടന്നു. ജീവിതത്തിലെ നല്ല മൂന്നു നാല് വര്‍ഷങ്ങള്‍ ചിലവഴിച്ച തൊടുപുഴ തന്നെ ഇതിനായി തിരഞ്ഞെടുത്തത് ഒരു പക്ഷെ യാദൃശ്ചികം ആയിരിക്കാം.. നഷ്ടപ്പെട്ട പല നല്ല ഓര്‍മകളും, മനസ്സില്‍ നല്ല ഗൃഹാതുരത്വം ഉണര്‍ത്തുന്ന സ്മരണകളും തരുന്ന തൊടുപുഴ.. നാല് വര്‍ഷം ഞങ്ങള്‍ വാടകയ്ക്ക് താമസിച്ച ബിന്ദു ചേച്ചിയുടെ വീട്ടില്‍ തന്നെ വേണം ആദ്യത്തെ കുറി കൊടുക്കാന്‍.. ഇത്രയും ക്ഷമാശീലം ഉള്ള ഒരു ചേച്ചിയെ ഞാന്‍ അടുത്തെങ്ങും കണ്ടിട്ടില്ല.. അല്ലെങ്കില്‍ പത്തു പതിനഞ്ചു കാടാമുട്ടന്മാര്‍ അവരുടെ വീടിന്റെ മുകളിലത്തെ നിലയില്‍ എത്രയോ രാത്രികളില്‍ കുടിച്ചു കൂത്താടി ചീട്ടും കളിച്ചു ബഹളം വെച്ചിരിക്കുന്നു.. ഒരു വാക്ക് ചീത്ത ആയി ഇത് വരെ പറഞ്ഞിട്ടില്ല..അത് മുകളിലത്തെ നിലയില്‍ നിന്ന് ബഹളം വരാത്തത് കൊണ്ടൊന്നും അല്ല.. എന്റെ അമ്മ അവിടെ കുറെ നാള്‍ താമസിച്ചു മോനും മോന്റെ സുഹൃത്തുക്കളും വളരെ നല്ലവര്‍ ആണെന്നുള്ള ഒരു പ്രതീതി ഉണ്ടാക്കിയത് കൊണ്ട് മാത്രം ആണെന്ന് തോന്നുന്നു..

എന്തൊക്കെ ആയാലും ബിന്ദു ചേച്ചിക്ക് ഞാന്‍ എന്റെ കടിഞ്ഞൂല്‍ കല്യാണക്കുറി കൊടുത്തു..
ബിന്ദു ചേച്ചി അത് വാങ്ങിച്ചു നോക്കീട്ടു
ബിന്ദു ചേച്ചി:- ഹോ എനിക്ക് വിശ്വസിക്കാനേ പറ്റുന്നില്ലാ..
ഞാന്‍ :- ഏ??? അതെന്താ ബിന്ദു ചേച്ചി അങ്ങനെ പറയുന്നേ? എനിക്കൊരു പെണ്ണ് കിട്ടും എന്ന് ബിന്ദു ചേച്ചിക്ക് പോലും വിശ്വാസം ഇല്ലാരുന്നോ?
ബിന്ദു ചേച്ചി:- അതല്ല കൊച്ചുമോനെ.. എന്ത് പെട്ടെന്നാ സമയം പോകുന്നത്.. ഇന്നലെ ഇവിടുന്നു പോയ പോലെ തോന്നുവാ.. കല്യാണം ഒക്കെ കഴിക്കാന്‍ ഉള്ള പ്രായം ഒക്കെ ആയി അല്ലെ..?
ഞാന്‍:- ഹോ എന്റെ കണ്ണ് നിറഞ്ഞു പോയി.. ഇത് വരെ കണ്ടവര്‍ എല്ലാരും പറഞ്ഞത് ഒരു മാതിരി പന്നി പോലെ വളര്‍ന്നല്ലോടെ എന്നാ.. ഇതിപ്പം ആദ്യമായിട്ടാ ഇങ്ങനെ.
ബിന്ദു ചേച്ചി:- അല്ല അത് അങ്ങനെ ഒക്കെ തന്നെയാ.. എന്നാലും സമയം പോയത് എന്ത് പെട്ടെന്നാ?
ഞാന്‍:- ഓ അങ്ങനെ.. ആ അതൊക്കെ പോട്ടെ.. ബിന്ദു ചേച്ചി ആ കാര്‍ഡ്‌ ഒന്ന് നോക്കിക്കേ.. ഞെട്ടിക്കാന്‍ ഒരു സാധനം ഞാന്‍ അതില്‍ വെച്ചിട്ടുണ്ട്..
ബിന്ദു ചേച്ചി:- ആ അഖില്‍ എന്നുള്ള പേരല്ലേ.. ഞാന്‍ ഞെട്ടി..
ഞാന്‍:- അയ്യേ.. ഇതെന്താ ഇങ്ങനെ.. അതല്ല.. ആ കാര്‍ഡിന്റെ മുകളില്‍ ഒരു രണ്ടു ലൈന്‍..
ബിന്ദു ചേച്ചി:- എ? ഇതെന്താ ഹിന്ദിയോ? കൊച്ചുമോനെ പണി പറ്റിച്ചോ? പെങ്കൊച്ചു ഹിന്ദിക്കാരിയാണോ?
ഞാന്‍:- അയ്യേ.. അത് ഹിന്ദി അല്ല.. സംസ്കൃതം.. കേട്ടിട്ടില്ലേ പണ്ട് പഠിച്ചിരിക്കുന്നത് സംസ്കൃതം ഏക്‌ ദേവ നാഗരി ഭാഷ ഹേ...പിന്നെ ഇതി വാര്‍ത്താഹ..എന്നൊക്കെ..
[എന്നാലും എനിക്കൊരു ഹിന്ദിക്കാരി പെങ്കൊച്ചിനെ പ്രേമിച്ചു കല്യാണം കഴിക്കാന്‍ ഉള്ള ഗെറ്റപ്പ് ഒക്കെ ആയി എന്ന് ബിന്ദു ചേച്ചി വിചാരിച്ചു കളഞ്ഞല്ലോ.. ഈ ബിന്ദു ചേച്ചിടെ ഒരു കാര്യം.. ]
ബിന്ദുചേച്ചി:- ഇതെന്താ ഈ കാര്‍ഡിന് ഇത്രക്കും വലിപ്പം?
ഞാന്‍:- നമ്മള്‍ ഒരിക്കലും മോശക്കാര്‍ ആവരുതല്ലോ.. അത് കൊണ്ട് അവിടെ ഉള്ളതില്‍ ഏറ്റവും തികഞ്ഞത് നോക്കി എടുത്തതാ..എങ്ങനെ ഉണ്ട്?
ബിന്ദുചേച്ചി:- ആ ചൂടുകാലം ഒക്കെ അല്ലെ.. ഇത്രയും വലിപ്പം ഉള്ളത് കൊണ്ട് വീശാന്‍ കൊള്ളാം..
ഞാന്‍:- [ആത്മഗതം: എന്നാല്‍ പിന്നെ ഒരു വിശറി പോലത്തെ കാര്‍ഡ്‌ ഉണ്ടാക്കി തരാം.. ഇരുന്നു വീശിക്കോ.. ഇത്രയും കാശും കൊടുത്തു സംസ്കൃതവും അടിച്ചു കൊണ്ട് വന്ന കാര്‍ഡാ.. വീശാന്‍ കൊള്ളാം അത്രേ..]

ബിന്ദു ചേച്ചി:- ആ ഞാന്‍ എന്തായാലും പോയി ഒരു ചായ എടുത്തോണ്ട് വരം.. നിങ്ങള്‍ ഇരിക്ക്..

ഞാനും കൂടെ വന്ന ശ്രീജിത്തും അവിടെ ഇരുന്നു.. ശ്രിജിത് എന്റെ കൈയില്‍ ബാക്കി ഉണ്ടാരുന്ന ഒരു കുറി എടുത്തു സംസ്കൃതത്തിന്റെ അര്‍ഥം മനസ്സിലാക്കാന്‍ ഉള്ള തീവ്ര ശ്രമം.. എവിടുന്നു.. ഇത് കോപ്പി അടിച്ചു വെച്ച എനിക്കിത് വരെ മനസ്സിലായിട്ടില്ല എന്താണ് ശെരിക്കും അര്‍ഥം എന്ന്.. പിന്നെയാ ഇനി ഇവന്‍.. ഒന്ന് പോടാ ചെക്കാ.. ബിന്ദു ചേച്ചി ചായയും ആയി വന്നപ്പോഴേക്കും ശ്രിജിത് ആദ്യത്തെ ഒരു വാക്ക് വായിച്ചു.. ബിന്ദു ചേച്ചി പറഞ്ഞു.. ചായ കുടിക്കു..
ശ്രിജിത് ചായ ഊതി ഊതി ഭയങ്കര കുടി.. ഹരികൃഷ്ണന്‍സ് സിനിമ കണ്ടതില്‍ പിന്നെ ഇവന്‍ ഇങ്ങനെയാ.. അതില്‍ മീര പറയുന്നുണ്ടല്ലോ.. ഗുപ്തന് ചായ ഊതി ഊതി കുടിക്കുന്നതാ ഇഷ്ടം എന്ന്..
ബിന്ദു ചേച്ചി:- ശ്രിജിത്തേ കൊച്ചിന് പേരിട്ടോ?
ശ്രിജിത്:- ഇല്ല, ഒന്ന് രണ്ടു പേര് ഇങ്ങനെ കണ്ടു പിടിച്ചു വെച്ചിട്ടുണ്ട്.. അഫിനവ്, അഫിമന്യു, അഫിജിത് .. ഇതൊക്കെയാ എല്ലാര്‍ക്കും ഇഷ്ടപ്പെട്ടത്.. പക്ഷെ ഞാന്‍ വേറെ ഒരെണ്ണം കണ്ടു പിടിച്ചു വെച്ചിടുണ്ട്.. "മോഹിനി വര്‍മ".
ബിന്ദു ചേച്ചി:- എ? അതിനു ആണ്‍കുട്ടി അല്ലെ..
ശ്രിജിത്:- ശെരിക്കും മോഹിനി വര്‍മ ആണാരുന്നല്ലോ..
ബിന്ദു ചേച്ചി:- ഏതു മോഹിനി വര്‍മ?
ശ്രിജിത്:- ഹരികൃഷ്ണന്‍സ് സിനിമ ബിന്ദു ചേച്ചി കണ്ടില്ലേ? അതിന്റെ കുഴപ്പമാ ഇതെല്ലാം. ശെരിക്കും മോഹിനി വര്‍മ കുഞ്ഞ്ജാക്കോ ബോബന്‍ ആരുന്നു.

എന്റെ ബിന്ദു ചേച്ചി.. ഇവന്‍ ചുമ്മാ അതും ഇതും ഒക്കെ പറഞ്ഞോണ്ട് ഇരിക്കും.. ഞാന്‍ ഇനി എന്റെ ഔദ്യോദികം ആയ കല്യാണം വിളി നടത്തട്ടെ..

ഞാന്‍:- കലിയുഗം തുടങ്ങി 1185 സംവത്സരങ്ങള്‍ കഴിഞ്ഞു ഇടവ മാസം ഒന്‍പതാം തീയതി സൂര്യോദയം കഴിഞ്ഞു ആറു നാഴികയും 57 വിനാഴികയും ആവുന്ന ശുഭ മുഹൂര്‍ത്തത്തില്‍ ഞാന്‍ അഗ്നിസാക്ഷിയായി ഇലത്താലി അണിയിക്കാന്‍ ഉള്ള സുദൃടമായ തീരുമാനം കൈകൊണ്ടിരിക്കുന്നു.. തഥവസരത്തില്‍ ..
ബിന്ദു ചേച്ചി:- കൊച്ചുമോനെ..എനിക്കൊന്നും മനസ്സിലായില്ല.. കല്യാണം വിളിച്ചത് തന്നെ ആണോ? അതോ ജാതകതിന്റെം ആദ്യത്തെ കുറച്ചു ഭാഗം വായിച്ചു കേള്‍പ്പിച്ചതാണോ?
ഞാന്‍:- അത് ബിന്ദു ചേച്ചി.. കല്യാണക്കുറിയില്‍ കുറച്ചു കടുകട്ടി മലയാളം വാക്ക് ഇടണം എന്ന് ആഗ്രഹിച്ചിട്ടു അമ്മ സമ്മതിച്ചില്ല.. അത് കൊണ്ടാ ഇങ്ങനെ ഒരു പരിപാടി ആസൂത്രണം ചെയ്തത്..
ബിന്ദുചേച്ചി :- ഇത് കാണാതെ പഠിച്ചു പറയുവാണോ?
ഞാന്‍:- ഏയ്‌... അല്ല.. എല്ലാം നന്നായി മനസ്സിലാക്കി സമയം എടുത്തു പഠിച്ചു പറയുന്നതാ..
ബിന്ദുചേച്ചി :- അല്ല ഇങ്ങനെ ഒക്കെ പറഞ്ഞു കഴിഞ്ഞാല്‍ ആര്‍ക്കേലും എന്തേലും മനസ്സിലാകുവോ?
ഞാന്‍:- ആ അത്രയുവേ ഞാനും ഉദ്ദേശിക്കുന്നുള്ളൂ.. കേള്‍ക്കുമ്പം ഒന്ന് ഞെട്ടണം..
ബിന്ദുചേച്ചി:- ആ ഞാന്‍ ഞെട്ടി. വന്നു കേറിയപ്പം മുതലേ ഒരു ഞെട്ടല്‍ ഉണ്ടാരുന്നു.. ഇപ്പം പൂര്‍ത്തിയായി.. ശെരിക്കും കല്യാണം ആയോ? സാധാരണ കല്യാണക്കുറി ഇങ്ങനെ അല്ല.. കല്യാണം വിളിക്കുന്നതും ഇങ്ങനെ അല്ല.. അത് കൊണ്ട് ചോദിച്ചതാ..
ഞാന്‍:- ഉയ്യോ.. ഇത്രക്കും വെല്യ ഒരു ഞെട്ടല്‍ ഞാന്‍ പ്രതീക്ഷിച്ചില്ല.. ഞാന്‍ കല്യാണം പിന്നീട് അമ്മയെ കൊണ്ട് ഫോണില്‍ വിളിപ്പിച്ചോളാം. ശെരി ബിന്ദു ചേച്ചി.. ഞങ്ങള്‍ ഇറങ്ങുവാ.. ഇനി കുറെ വീട്ടില്‍ കല്യാണം വിളിക്കാന്‍ ഉള്ളതാ..
ബിന്ദു ചേച്ചി:- അത് വേണോ കൊച്ചുമോനെ?

വാല്‍ക്കഷ്ണം:- പിന്നീട് ഫോണില്‍..
ഞാന്‍:- അമ്മെ.. ആരെയും ഞെട്ടിക്കാതെ എങ്ങനെയാ കല്യാണം വിളിക്കുക? എല്ലാവരും ചെയ്യുന്ന പോലത്തെ സിമ്പിള്‍ ആയിട്ടുള്ള സാധനങ്ങള്‍ മാത്രം മതി.. മനസ്സിലാകാത്ത വാക്ക് ഒന്നും വേണ്ട..
അമ്മ:- എ? നീ ഇതിലെ പറഞ്ഞോണ്ട് നടന്ന സാധനങ്ങള്‍ ഏതേലും വീട്ടില്‍ ചെന്ന് പറഞ്ഞോ? അത് നീ അപ്പം തമാശക്ക് പറഞ്ഞോണ്ട് നടന്നതല്ലേ? എന്റെ കൃഷ്ണാ.. എന്താ ഇവന്‍ ഇങ്ങനെ?...

വിഷു ആശംസകള്‍

2010-04-15T00:01:00.000-07:00

അങ്ങനെ ഒരു വിഷു കൂടി വന്നു പോകുന്നു.. ജോലി കിട്ടുന്നതിനു മുന്നേ ഈ വിഷു വരാന്‍ എന്ത് കൊതി ആയിരുന്നു.. കൈനീട്ടം ആയിട്ട് കുറച്ചു കാശു ആരേലും ഒക്കെ തരുന്ന ദിവസം അല്ലെ..അത് കഴിഞ്ഞു ജോലി കിട്ടികഴിഞ്ഞപ്പം നമ്മള്‍ ബാക്കി ഉള്ള കുരുന്നുകള്‍ക്ക് കൈനീട്ടം കൊടുത്തു തുടങ്ങി..ആദ്യം ഒക്കെ നാട്ടില്‍ പോയി വിഷു ആഘോഷിക്കണം എന്ന് ആഗ്രഹിച്ചിരുന്നു.. ചെയ്തിരുന്നു.. പിന്നെ പിന്നെ ലോകത്തിന്റെ ഏതേലും ഒരു കോണില്‍ ആയി വിഷു ആഘോഷം.. പിന്നെ അമ്മ ബാംഗ്ലൂറിലേക്ക് വന്നു കഴിഞ്ഞപ്പം ഏതേലും സുഹൃത്തുക്കളെയും വിളിച്ചു കൊണ്ട് പോയി ഉച്ചക്ക് പായസം കൂട്ടി ഒരു സദ്യ ഉണ്ടിരുന്നു.. ഇത്തവണ ഏതായാലും ഇതൊന്നും ഇല്ല.. കോട്ടയത്തെ വീട്ടില്‍ ആരുന്ന സമയത്ത് വിഷു ഒക്കെ ആകുംബം ഒരു വെള്ളരിക്ക ഒക്കെ എടുത്തു കണ്ണൊക്കെ എഴുതിച്ചു.. ഒരു ഉരുളിയില്‍ കണി ഒക്കെ ഒരുക്കി.. കൃഷ്ണവിഗ്രഹവും ഒക്കെ ഒരുക്കി വെച്ച്...അതിരാവിലെ എഴുന്നേറ്റു കണിയും കണ്ടു കുളിച്ചു അമ്പലത്തിലും പോയി..കുറെ കൈനീട്ടവും വാങ്ങിച്ചു.. വിഷുവിനു പ്രത്യേകം ആയുള്ള പ്രഭാത ഭക്ഷണവും..ഉച്ചക്ക് നല്ലൊരു സദ്യയും, അവസാനം ഒരു പായസവും.. ബാക്കി സമയം മുഴുവനും സുഹൃത്തുക്കളുടെ ഒപ്പം എന്തേലും കളികളും, ദൂരദര്‍ശനില്‍ അന്ന് വൈകിട്ട് വരന്‍ പോകുന്ന സിനിമക്ക് വേണ്ടി ഉള്ള കാത്തിരിപ്പും..
ഇന്നാണേല്‍ രാവിലെ ഏഴു മണി മുതല്‍ എല്ലാ ചാനെലുകളിലും സിനിമ.. മാറി മാറി കണ്ടു ഒരെണ്ണം പോലും ആരും മുഴുവനും കാണില്ല..

എഞ്ചിനീയറിംഗ് പഠന കാലത്ത് ഒരു വിഷുവിനു നമ്മള്‍ സുഹൃത്തുക്കള്‍ മാത്രമേ വീട്ടില്‍ ഉണ്ടായിരുന്നുള്ളൂ.. അന്ന് എഴുന്നെല്‍ക്കുംബോഴേ കാണാന്‍ ആയിട്ട് കുറച്ചു കൊന്നപ്പൂ കെട്ടി തൂക്കി കിടക്കുന്നതിന്റെ മുകളില്‍ ഒരു അയ പോലെ ഇട്ടിരുന്നു.. എന്നിട്ട് നമ്മുടെ കൂട്ടത്തില്‍ ഉണ്ടാരുന്ന ഒരുത്തന്‍ രാവിലെ എഴുന്നേറ്റു ഇതൊക്കെ കണ്ടിട്ട്, ഉറങ്ങി കിടന്ന പാവം ഞങ്ങളെ എല്ലാരേയും അവന്റെ വൃത്തികെട്ട ശരീര ഭാഗങ്ങള്‍ പ്രദര്‍ശിപ്പിച്ചു കാണിച്ചു..അന്ന് മുതല്‍ വിഷുക്കണിയെ വെറുത്തു തുടങ്ങിയതാ..മീശമാധവനില്‍ കൃഷ്ണവിലാസം ഭഗീരതന്‍ പിള്ളക്ക് കാണേണ്ടി വന്നത് ഒക്കെ എത്രയോ ഭേദം.. നമ്മള്‍ കണ്ട രംഗം..ഹോ സ്വബോധം ഉള്ള ഒരു മനുഷ്യനും സഹിക്കില്ല..
അത് സംഭവിച്ചു തൊട്ടടുത്ത വര്‍ഷവും ഇത് തന്നെ ആവര്‍ത്തിക്കാന്‍ അവന്‍ വീണ്ടും എത്തി.. നമ്മള്‍ എല്ലാരും ചേര്‍ന്ന് ബുദ്ധിപരം ആയി.. അവന്‍ ഉറങ്ങി കിടന്ന മുറി പുറത്തു നിന്ന് പൂട്ടി ഇട്ടിട്ടു.. കണി കണ്ടതിനു ശേഷം അവനെ വിളിച്ചുണര്‍ത്തി.. നമ്മളെ കൊണ്ട് ആവുന്ന രീതിയില്‍ അവനെയും കണി കാണിച്ചു.. അന്നേരം ആണ് മനസ്സിന്റെ ഒരു വര്‍ഷത്തെ വിഷമം ഒന്ന് തീര്‍ന്നത്..

ഇത്തവണത്തെ വിഷു നമ്മള്‍ വിഷുവിന്റെ തലേദിവസം തന്നെ ആഘോഷിച്ചു.. ഉച്ചക്ക് കുറച്ചു സുഹൃത്തുകള്‍ക്കു എന്റെ വീട്ടില്‍ നിന്ന് ഊണ് കൊടുത്തു.. രാത്രി വേറെ ഒരു സുഹൃത്തിന്റെ വീട്ടില്‍ നിന്ന് നല്ല ഒന്നാം തരാം ഒരു സദ്യ.. സത്യം പറയാവല്ലോ.. ഇത്രയും നല്ല ഒരു സദ്യ ഞാന്‍ അടുത്ത കാലത്തൊന്നും കഴിച്ചിട്ടില്ല.. എന്തായിരുന്നു പ്രത്യേകത എന്ന് എനിക്ക് ഇനിയും മനസ്സിലായിട്ടില്ല.. പക്ഷെ എല്ലാത്തിനും നല്ല രുചി ആയിരുന്നു.. വിഷുവിന്റെ തലേ ദിവസം രാത്രി ആകാറായപ്പോള്‍ ആണ് കണി വെക്കണോ എന്ന് ആലോചിച്ചത് തന്നെ.. ഒന്നും സംഭവിച്ചില്ല.. എന്തായാലും കണി വെക്കാഞ്ഞത് കൊണ്ട് അതിന്റെ പടം ഒന്നും ഇവിടെ ഇടുന്നില്ല.. എല്ലാവര്‍ക്കും എന്റെ ഹൃദയം നിറഞ്ഞ വിഷു ആശംസകള്‍.

നഷ്ടപ്പെട്ട ബാല്യം

2010-04-08T10:37:00.000-07:00

മികച്ച ഗായകന്‍ ഉള്ള ദാസേട്ടന്റെ ഇരുപത്തി നാലാം കേരള സംസ്ഥാന അവാര്‍ഡ്‌ ആണ് ഇക്കഴിഞ്ഞ ദിവസം പ്രഖ്യാപിച്ചത്. സാധാരണ ഗതിയില്‍ സംസ്ഥാന അവാര്‍ഡ്‌ ഒക്കെ കിട്ടുന്ന പാട്ടുകള്‍ നേരത്തെ തന്നെ കേട്ടിട്ടുണ്ടാവാന്‍ ആണ് സാധ്യത.. പക്ഷെ ഇത്തവണ ആ പതിവും ഞാന്‍ തെറ്റിച്ചു..ഇങ്ങനെ ഒരു പാട്ടിനെ പറ്റി ഞാന്‍ കേട്ടിരുന്നില്ല.. കഴിഞ്ഞ വര്‍ഷം ഇറങ്ങിയതില്‍ ഏറ്റവും അധികം ഇഷ്ടപ്പെട്ട രണ്ടു പാട്ടുകള്‍ ഒന്ന് പിച്ച വെച്ച നാള്‍ മുതല്‍ക്കും.. പിന്നെ അനുരാഗ വിലോചനന്‍ ആയും ആരുന്നു.. ഇത്രയും അധികം റിയാലിടി ഷോകളും പാട്ടുകാരും ഉള്ള കേരളത്തില്‍ മേല്പറഞ്ഞ രണ്ടു പാട്ടും പാടിയത് മറുനാട്ടില്‍ നിന്നുള്ളവര്‍ ആണ് എന്നുള്ളത് ഒരു വിരോധാഭാസം ആയി തോന്നുന്നു .. ആദ്യത്തേത് ശങ്കര്‍ മഹാദേവനും മറ്റേതു ശ്രേയ ഗോശാലും.

മധ്യവേനല്‍ എന്നാ ചിത്രത്തിലെ സ്വന്തം സ്വന്തം ബാല്യത്തിലൂടെ എന്ന ഗാനത്തിന് ആണ് 2009 ഇലെ സംസ്ഥാന അവാര്‍ഡ്‌ ലഭിച്ചത്. ഒരു തവണ കേട്ട് നോക്കിയപ്പോള്‍ തന്നെ വല്ലാതെ ആകര്‍ഷിച്ചു.. വല്ലാത്തൊരു ഗൃഹാതുരത്വം അനുഭവപ്പെടുന്നു ഇതിലെ വരികള്‍ കേള്‍ക്കുമ്പം.. തിരക്കേറിയ ഈ ജീവിതത്തില്‍ നഷ്ടപ്പെട്ടു പോകുന്ന പലതിനെ കുറിച്ചും ഉള്ള ഒരു ഓര്‍മ്മപ്പെടുത്തല്‍ ആയി തോന്നുന്നു ഈ ഗാനം. അത്യധികം ലളിതം ആയ വരികള്‍.. അത് പോലെ ലളിതം ആയ സംഗീതം.. ഇതില്‍ പ്രതിപാതിക്കുന്ന പല കാര്യങ്ങളും ഞാന്‍ എന്റെ ബാല്യത്തില്‍ അനുഭവിച്ചിരുന്നോ എന്ന് ചോദിച്ചാല്‍ ഇല്ല എന്ന് തന്നെ ആയിരിക്കും ഉത്തരം.. പക്ഷെ അതൊക്കെ എന്റെ ബാല്യത്തില്‍ അനുഭവിച്ചിരുന്നു..എന്നൊരു തോന്നല്‍ എനിക്ക് ഉണ്ടാകുന്നു ഈ ഗാനം കേള്‍ക്കുമ്പോള്‍.. അത് ഒരു പക്ഷെ ദാസേട്ടന്റെ ശബ്ദത്തിന്റെയും പിന്നെ ഈ വരികളുടെ ലാളിത്യത്തിന്റെയും ഫലം ആയിരിക്കാം. പിന്നെ സോഫ്റ്റ്‌ മെലഡീസ് എന്നും ഞാന്‍ ഇഷ്ടപ്പെട്ടിരുന്നു..

കൈതപ്രം ദാമോദരന്‍ നമ്പൂതിരി ആണ് ഈ ലളിതസുന്ദരമായ രചന നിര്‍വഹിച്ചിരിക്കുന്നത്. കൈതപ്രം നമ്പൂതിരിയുടെ സഹോദരന്‍ ആയ വിശ്വനാഥന്‍ നമ്പൂതിരി ആണ് ഈ ഗാനത്തിന്‍റെ സംഗീതം. പയ്യന്നൂരിലെ ശ്രുതിലയ എന്ന സംഗീത പഠന കേന്ദ്രം ഇദ്ദേഹം ആണ് നടത്തുന്നത്. മധ്യമാവതി എന്ന രാഗത്തില്‍ ആണ് ഈ ഗാനം ചിട്ടപ്പെടുത്തിയിരിക്കുന്നത്‌. സാധാരണ ഒരു കച്ചേരി തീരുന്നത് ഈ രാഗത്തില്‍ ആയിരിക്കും എന്നാണ് പറയപ്പെടുന്നത്‌.

ഇതേ രാഗത്തില്‍ ചെയ്തിരിക്കുന്ന മറ്റു ചില മലയാളം പാട്ടുകള്‍ :-

1. പുറപ്പാട് എന്ന ചിത്ത്രത്തിലെ ഇത്തിരി തേനിൽ പൊന്നുരച്ച് ഇത്തളിർ ചുണ്ടിൽ ഞാൻ തൊട്ടു വെച്ചു എന്ന ഗാനം.

2. ഹൃദയം ഒരു ക്ഷേത്രം എന്ന ചിത്ത്രത്തിലെ മംഗളം നേരുന്നു ഞാൻ മനസ്വിനി മംഗളം നേരുന്നു ഞാൻ എന്ന ഗാനം.

3. ഇന്ദ്രജാലം എന്ന ചിത്ത്രത്തിലെ കുഞ്ഞിക്കിളിയേ കൂടെവിടേ.. കുഞ്ഞോമനനിൻ കൂടെവിടെ.. എന്ന ഗാനം.

4. ചിത്രം എന്ന ചിത്ത്രത്തിലെ ഈറൻ മേഘം പൂവും കൊണ്ടേ എന്ന ഗാനം.

ഗാനത്തിന്റെ വരികള്‍ താഴെ കൊടുക്കുന്നു:-

സ്വന്തം സ്വന്തം ബാല്യത്തിലൂടെ

ഒന്ന് പോകാന്‍ മോഹമില്ലാത്തവരുണ്ടോ

സ്വന്തം സ്വന്തം പ്രണയത്തിലൂടെ

ഒന്നലയാന്‍ ഉള്ളില്‍ കൊതി തോന്നാത്തവരുണ്ടോ

കണ്ണാടി പുഴ കാണുമ്പോള്‍

കണ്ണീര്‍ കനവുകള്‍ തെളിയുമ്പോള്‍

വെറുതെ പാടാന്‍ കൊതിക്കാത്തൊരാളുണ്ടോ

സ്വന്തം സ്വന്തം ബാല്യത്തിലൂടെ

ഒന്ന് പോകാന്‍ മോഹമില്ലാത്തവരുണ്ടോ

ഒളമാവിന്‍ തണലും തറവാടും പുരയും

അമ്മ വിളമ്പിയ ചോറും

പൊന്‍ വിഷുക്കണിയും പൊന്നോണ രാവും

കാവും കുളവും കളിയാട്ടവും

ആ നല്ല നാളിന്‍ ഓര്‍മ്മയില്‍ മുഴുകാന്‍

വെറുതെ വെറുതെ കൊതിച്ചുപോയ്‌ ഞാന്‍

സ്വന്തം സ്വന്തം ബാല്യത്തിലൂടെ

ഒന്ന് പോകാന്‍ മോഹമില്ലാത്തവരുണ്ടോ

എല്ലാം ഞാന്‍ നല്‍കാം ഈ ജന്മമാകെ നല്‍കാം

എന്‍ ബാല്യം തിരികെ തരുമോ

അനുരാഗ രാവും ഹരിവാസരവും

തിരികെ വരുമോ എന്നെങ്കിലും

അമ്പല നടവഴിയില്‍ ആമ്പല്‍ കുളവക്കില്‍

വരുമോ വരുമോ എന്നെങ്കിലും

ഈ ഗാനം ഡൌണ്‍ലോഡ് ചെയ്യാന്‍ ഇവിടെ ക്ലിക്ക് ചെയ്യുക

അങ്കമാലിയിലെ വിശ്വസ്ത സ്ഥാപനം

2010-04-02T06:25:00.000-07:00

പതിവ് പോലെ ഒരു പണിയും ചെയ്യാതെ ചുമ്മാ സമയം കൊല്ലാന്‍ ആയിട്ട് കിട്ടിയ ഒരു ഞായര്‍ ആഴ്ച.. രാവിലെ എഴുന്നേറ്റു പതിവ് പരിപാടിയായ മനോരമയും ചായയും ആയിട്ട് സ്പോര്‍ട്സ് പേജും ആയിട്ടുള്ള മല്‍പ്പിടുത്തം നടന്നു കൊണ്ടിരിക്കുന്നൂ.. മനോഹരമായ വാര്‍ത്തകള്‍.. ഗുല്‍മോഹര്‍ പൂത്തു!!! തലക്കെട്ട്‌ കണ്ടപ്പം ഓര്‍ത്തത്‌ ഏതോ പ്രകൃതി സ്നേഹി വാക മരത്തെ കുറിച്ച് എഴുതിയത് ആണെന്നാ.. വായിച്ചപ്പം മനസ്സിലായി.. ഉമര്‍ ഗുല്‍ എന്നാ പാകിസ്ഥാന്‍ കളിക്കാരന്‍ നന്നായി കളിച്ചതിനെ പറ്റി ആണ് വാര്‍ത്ത‍ എന്ന്..മനോരമ എന്നും ആ കൂതറ സ്വഭാവം കാണിക്കാറുണ്ട്..പണ്ട് ഒരെണ്ണം വന്നത്:- സച്ചിന്‍ കസറി ഇന്ത്യ പതറി.. സ്പോര്‍ട്സ് പേജും സിനിമ പരസ്യങ്ങളും അല്ലാതെ അതില്‍ പേജ് ഉണ്ടെന്നു കാണുന്നത് വല്ലപ്പോഴും ആണ്.. അങ്ങനെ ഒരു വാര്‍ത്ത‍ കണ്ണില്‍ പെട്ടു. എയര്‍ ഏഷ്യ എന്നൊരു കമ്പനി കൊച്ചിയില്‍ നിന്നും തിരുവനന്തപുരത്ത് നിന്നും വളരെ തുച്ഛമായ ചിലവില്‍ മലേഷ്യക്ക് വിമാനങ്ങള്‍ പറപ്പിക്കാന്‍ തുടങ്ങുന്നു എന്ന്.. ഇങ്ങനെ പണ്ടു സിങ്കപ്പൂറിലേക്ക് ഒരു കമ്പനി തുടങ്ങിയതാ.. നമ്മള്‍ കുറെ എണ്ണം വലിഞ്ഞു കേറി പോയി മൂന്നാം മാസം കമ്പനി പൂട്ടി.. ആ ഒരു ഓര്‍മ ഉള്ളത് കാരണം എത്രയും നേരത്തെ ഇതിനു പോണം എന്ന് തോന്നി.. ഉടനെ തന്നെ ഏതു തല്ലിപ്പൊളി പരിപാടി ആണേലും പോകാന്‍ റെഡി ആയിട്ടുള്ള സുഹൃത്തുക്കളെ വിളിച്ചു കാര്യം പറഞ്ഞു..

ഇനി അവന്മാരെ എല്ലാം ഒന്ന് പരിചയപ്പെടാം.. അലക്സണ്‍ അലക്സ് :- ഇദ്ദേഹം ഒരു "frequent flier, party animal" എന്ന ശ്രേണിയില്‍ ഉള്ള ഒരു മനുഷ്യന്‍ ആണ്.. ഹുഅവെ എന്ന ബഹുരാഷ്ട്ര കമ്പനിയുടെ ആത്മാവും മജ്ജയും മാംസവും എല്ലാം ഇദ്ദേഹം ആണെന്ന് ആണ് അവന്‍ അവനോടു തന്നെ പറയുന്നത്.. ഇന്ത്യക്ക് അകത്തു ഉള്ള ഒരു ട്രിപ്പിനും അവനു അവധി കിട്ടില്ല.. ശനി, ഞായര്‍ ദിവസങ്ങളില്‍ പോലും അവധി എടുത്താലെ വീട്ടില്‍ ഇരിക്കാന്‍ പറ്റുള്ളൂ എന്ന് വിശ്വസിക്കുന്ന മഹാ മനസ്സിന്‍റെ ഉടമ. ഇന്ത്യക്ക് പുറത്തേക്കു ഉള്ള ടൂര്‍ ആണേല്‍ അവനോടു സമ്മതം ചോദിക്കണ്ട ആവശ്യം പോലും ഇല്ല.. എന്നാലും സാമാന്യ മര്യാദക്ക് ചോദിച്ചു വാങ്ങിച്ചു.. രാത്രി മൂന്നു മണി വരെ ഓഫീസില്‍ ഇരുന്നു പണിതിട്ട് ക്ഷീണിച്ചു വന്നു കേറി ഒരു ബിയര്‍ കുടിച്ചിട്ട് ഹോ ഇത് ഇല്ലാരുന്നേല്‍ ഇന്നത്തെ ദിവസം മൊത്തം വേസ്റ്റ് ആയേനെ!! എന്ന് പറയുന്ന ഒരു തൊടുഫുഷക്കാരന്‍. ഇവനെ സ്നേഹത്തിന്‍റെ പുറത്ത് എല്ലാരും തരകന്‍ എന്ന് വിളിക്കും.. മത്തായി മാത്രം അവനെ തതകന്‍ എന്നും വിളിച്ചു പോന്നു.

രണ്ടാമത്തവന്‍ ബിബിന്‍ :- ഇന്‍ഫോസിസ് എന്ന ഭീകരന്‍റെ വര്‍ക്കര്‍ ഓഫ് ദി ഇയര്‍ പുരസ്കാരം വര്‍ഷങ്ങള്‍ ആയി വാങ്ങുന്നവന്‍.. കൊല്ലം കുറെ ആയി ഈ പുരസ്കാരങ്ങള്‍ എല്ലാം വാങ്ങുന്നുണ്ടെങ്കിലും കക്ഷി ഇത് വരെ ഒരു പ്ലേനില്‍ കേറിയിട്ടില്ല.. ഇത് പോലെ ഒരു ട്രിപ്പ്‌ ഏറ്റവും അധികം താല്പര്യം ഉള്ളതും അത് കൊണ്ട് അവനു തന്നെ ആരുന്നു. ജീവിതത്തില്‍ തിന്നുക, ഫുട്ബോള്‍ കളിക്കുക എന്നത് മാത്രം ആണ് ലക്‌ഷ്യം എന്ന് വിശ്വസിക്കുന്നവന്‍.. ആഹാരം എവിടെ എലും ഇരിക്കുന്നത് കണ്ടാല്‍ അത് തീരുന്നത് വരെ ടെന്‍ഷന്‍ അനുഭവിക്കുന്ന ഒരു പാവം. ഇഷ്ടപ്പെട്ട പെണ്ണിനോട് പ്രോപോസ് ചെയ്യാന്‍ പോയിട്ട് ഞാന്‍ ഒറ്റ ഇരുപ്പില്‍ 20 ഇഡലി തിന്നും.. നന്നായി ബോള്‍ ചെയ്യും എന്നൊക്കെ പറഞ്ഞു അലംബ് ആക്കിയവന്‍ .. മറ്റൊരു തൊടുഫുഴക്കാരന്‍. ഈ തീറ്റ കാരണം ഇവനെ എല്ലാരും വയറന്‍ എന്ന് സ്നേഹത്തോടെ വിളിച്ചു പോന്നു..

മൂന്നാമന്‍ സോണി :- UPS ഉണ്ടാക്കുന്ന APC എന്ന കമ്പനിയില്‍ ജോലി ചെയ്യുന്ന.. അല്ല അങ്ങനെ പറയാന്‍ പറ്റില്ല.. കാരണം ഒരു പണിയും അവന്‍ അവിടെ ചെയ്യുന്നതായിട്ട്‌ അവനു പോലും അറിവില്ല.. ജീവിതത്തിന്റെ നല്ലൊരു ഭാഗവും ഇന്‍റര്‍നെറ്റില്‍ നിന്ന് സിനിമകള്‍ ഡൌണ്‍ലോഡ് ചെയ്തു ഹാര്‍ഡ് ഡിസ്കുകള്‍ നിറക്കുക എന്നതാണ് പരിപാടി. കണ്ട സിനിമകള്‍ ആണേല്‍ പോലും കുറച്ചു കൂടി നല്ല ക്ലാരിറ്റി ഉള്ള പ്രിന്‍റ് വന്നാല്‍ വീണ്ടും ഡൌണ്‍ലോഡ് ചെയ്യുക.. കുറെ ഇലക്ട്രോണിക് സാധനങ്ങള്‍ വാങ്ങിക്കുക.. ഇതൊക്കെ ആണ് മെയിന്‍ പരുപാടികള്‍. പിന്നെ ഒരു പരിപാടി:- എന്തേലും ഒരു വാചകം പറയും.. തൊട്ടു അടുത്ത വാചകം മുന്നേ പറഞ്ഞതിന്റെ നേരെ വിപരീതം ആരിക്കും.. ഇവനോട് ഞാന്‍ പല തവണ ചോദിക്കാറുണ്ട്.. "നിനക്ക് ശെരിക്കും വട്ടാണോ അതോ വട്ടു അഭിനയിക്കുന്നതാണോ എന്ന്?" വീണ്ടും തൊടുഫുഴ, ഇവനെ എല്ലാരും ശിതാവ് എന്നൊക്കെ ആണ് വിളിക്കുന്നത്‌.. എന്ത് കൊണ്ട് ആണെന്നൊന്നും എനിക്കോര്‍മയില്ല.. ഇങ്ങനെ പല പേരുകള്‍ക്കും എന്താണ് കാരണം എന്ന് പലര്‍ക്കും അറിയില്ല.. അത് ഉടനെ മനസ്സിലാകും..

പിന്നെ നാലാമത്തെ ആള്‍ ഞാന്‍ തന്നെ :- ഞാന്‍ എന്നെ കുറിച്ച് ഇപ്പം എന്ത് പറയാനാ? ബാക്കി ഉള്ളവര്‍ എല്ലാം പറയുന്ന പോലെ മൊത്തത്തില്‍ ഒരു കിടിലന്‍ ഐറ്റം. വൃത്തികെട്ട ചളു കോമഡികള്‍ പറയാതെ ജീവിതത്തെ നല്ലവണ്ണം സീരിയസ് ആയി കാണാന്‍ ശ്രമിക്കുന്ന ഒരു തത്ത്വജ്ഞാനി. മൊത്തത്തില്‍ പറഞ്ഞാല്‍ ഒരു ഒന്ന് ഒന്നര സംഭവം. ഇപ്പം ഇങ്ങനെ ഒക്കെയേ എഴുതാന്‍ പറ്റൂ.. പണ്ടത്തെ പോലെ അല്ല.. ഞാന്‍ കെട്ടാന്‍ പോകുവാ.. ഭാര്യ ഇതെല്ലാം കണ്ടാല്‍ എന്നെ കുറിച്ച അഥവാ എന്തേലും ഒരു ഇമ്പ്രഷന്‍ ഉണ്ടേല്‍ അത് കൂടി പോകും.. ഇവനെ എല്ലാരും സ്നേഹത്തോടെ തൊലി എന്ന് വിളിച്ചു.. ഹോ ഇത്രയും അലമ്പ് ആയിട്ടുള്ള ഒരു പേര് ഞാന്‍ എന്‍റെ ജീവിതത്തില്‍ കേട്ടിട്ടില്ല.. ഇതിനും പ്രത്യേകിച്ച് കാരണം ഒന്നും ഇല്ല.. ചുമ്മാ അങ്ങനെ അങ്ങ് വിളിക്കുന്നു.. :) ആ വൃത്തികെട്ട സായിപ്പിനെ എന്‍റെ കയില്‍ കിട്ടിയാല്‍ വലിച്ചു കീറി വല്ല പട്ടിക്കും ഇട്ടു കൊടുക്കാന്‍ ഉള്ള ദേഷ്യം തോന്നാറുണ്ട് ഈ പേര് കേക്കുംബം. ആ അലവലാതി ആണ് നമുക്ക് എല്ലാവര്ക്കും ഓരോ വൃത്തികെട്ട പേര് സമ്മാനിച്ചത്‌.. തനി കോട്ടയം കാരന്‍.. "ഭ" എന്നൊരു അക്ഷരം ഉണ്ടെന്നു മുകളില്‍ പരിചയപ്പെട്ട തൊടുഫുഴക്കാര്‍ക്ക് പറഞ്ഞു കൊടുത്തവന്‍.

അങ്ങനെ എയര്‍ ഏഷ്യയില്‍ കേറി തരകന്‍റെ കാര്‍ഡ്‌ ഉപയോഗിച്ച് എല്ലാവര്‍ക്കും ടിക്കറ്റ്‌ ബുക്ക്‌ ചെയ്തു.. ഒരാള്‍ക്ക്‌ അങ്ങോട്ടും ഇങ്ങോട്ടും കൂടെ ചിലവായത് ഏകദേശം ഒരു 6500 രൂപ. വളരെ ബുദ്ധി കൂടുതല്‍ പ്രയോഗിച്ചത് കാരണം ആണ് ഈ രൂപയ്ക്കു കിട്ടിയത് എന്ന് കുറച്ചു നാള്‍ കഴിഞ്ഞപ്പം മനസ്സിലായി. നമ്മുടെ ഒരു സുഹൃത്തിന്‍റെ അളിയനും കുടുംബവും പോകാന്‍ ആയിട്ട് ടിക്കറ്റ്‌ കിട്ടിയത് 3000 രൂപയ്ക്കു ആണത്രേ.. മൊത്തം 4 ദിവസം മലേഷ്യയില്‍.. അതാണ്‌ പ്ലാന്‍. പിന്നെ നല്ല ചൂട് കൂടി ഇരിക്കുന്ന സമയത്ത് തന്നെ ബുക്ക്‌ ചെയ്യാന്‍ ഞങ്ങളെ കൊണ്ട് സാദിച്ചു..അത് കൊണ്ട് അവിടെ ചെന്നാലും പുറത്തു ഇറങ്ങണ്ട.. റൂമില്‍ തന്നെ ഇരിക്കാം.

ഇനി അവിടെ ചെന്നാല്‍ കാണണ്ട സ്ഥലങ്ങളെ കുറിച്ചുള്ള അന്വേഷണം, ആകെ കുറെ നാള്‍ അന്വേഷിച്ചിട്ടും ആകെ കിട്ടിയത് ഒരു പെട്രോണാസ് ടവര്‍ മാത്രം. എന്തൊക്കെ കണ്ടില്ലേലും അതില്‍ വലിഞ്ഞു കേറി ഇരിക്കും എന്നുള്ള ഒരു ഉറപ്പു ഞങ്ങള്‍ എടുത്തു. പിന്നെ അവിടെ ചെന്നാല്‍ താമസിക്കാന്‍ ഉള്ള സെറ്റപ്പ്. അത് പോകുന്നതിന്‍റെ രണ്ടു ദിവസം മുന്നേ ആയിട്ടും ആരും ഒന്നും ശെരി ആക്കീട്ടില്ല. അങ്ങനെ ഇരിക്കുമ്പം 3000 രൂപയ്ക്കു ടിക്കറ്റ്‌ കിട്ടി എന്ന് മുന്നേ പറഞ്ഞ അളിയന്‍ വഴി അവിടെ ഉള്ള കുറെ ഹോടെലുകളുടെ അഡ്രസ്സും ചാര്‍ജും എല്ലാം കിട്ടി. ആകെ എല്ലാത്തില്‍ നിന്നും റേറ്റ് മാത്രം നോക്കി, ഉള്ളതില്‍ ഏറ്റവും പിച്ച എന്ന് തോന്നിയത് തപ്പി പിടിച്ചു.. ഹോട്ടല്‍ ചൈന ടൌണ്‍ (2). എന്‍റെ ജീവിതത്തില്‍ ഇന്ന് വരെ അങ്ങനെ ഒരു പേര് ഞാന്‍ കേട്ടിട്ടില്ല.. വാല് പോലെ ഒരു അക്കം അതും ഒരു ബ്രാക്കറ്റില്‍.. സംഭവം കേറി നോക്കിയപ്പം സൈറ്റ് ഒക്കെ ഉണ്ട്.. സൈറ്റ് ഉള്ളതിലെ ഏറ്റവും തൊട്ടി സെറ്റപ്പ് ഇവന്മാരുടെ ആണെന്ന് തോന്നി.. ഒരാള്‍ക്ക് 4 ദിവസത്തേക്ക് താമസിക്കാന്‍ 2000 രൂപ ഏകദേശം ചെലവ്. ഹോ ഞാന്‍ പണ്ട് അമേരിക്കയില്‍ പോയപ്പം താമസിച്ച ഹോട്ടലില്‍ ഒരു ദിവസത്തിന് 4500 രൂപ ആരുന്നു വാടക. അന്ന് അത് കമ്പനി കൊടുത്തു.. ഇന്നിത് നമ്മള്‍ തന്നെ കൊടുക്കണം.. അത് കൊണ്ടും അതില്‍ കുറവുള്ളത് കണ്ടു പിടിക്കാന്‍ സമയം അനുവദിക്കാത്തത് കൊണ്ടും അത് കേറി ബുക്ക്‌ ചെയ്തു.

അങ്ങനെ പെട്രോണാസ് എങ്കിലും കാണണം എന്നുള്ള മോഹവും ആയി ഞങ്ങള്‍ ഒരു വെള്ളിയാഴ്ച രാത്രി കൊച്ചിയിലേക്ക് പുറപ്പെടാം എന്ന് തീരുമാനിച്ചു.. യാത്ര നമ്മുടെ കാറില്‍ ആയതു കൊണ്ട് രാത്രി 2 മണി ഒക്കെ ആകുംബം പോകാം എന്നുള്ള തീരുമാനത്തില്‍ എത്തി ചേര്‍ന്നു. പാതി രാത്രി കഴിഞ്ഞു യാത്ര തുടങ്ങുന്നത് കാരണം അതിനു മുന്നേ മര്യാദക്ക് കിടന്നു ഉറങ്ങാം എന്ന് വിചാരിച്ചു അന്ന് പതിവിലും നേരത്തെ ഓഫീസില്‍ നിന്ന് ഇറങ്ങി. വന്നു ഞാന്‍ എന്‍റെ പാക്കിംഗ് എല്ലാം കഴിഞ്ഞു റെഡി ആയി. പാക്കിംഗ് എന്ന് പറയുമ്പം തെറ്റിദ്ധരിക്കണ്ട.. ആകെ ഒരു ജീന്‍സും 2 ടീ ഷര്‍ട്ടും. ബാക്കി എല്ലാം അവിടെ ചെന്നിട്ടു വാങ്ങിച്ചിട്ട് ഇടുക.. അല്ലെങ്കില്‍ ബാക്കി ഉള്ളവന്മാരുടെ കയില്‍ നിന്നും അടിച്ചു മാറ്റുക.. പക്ഷെ എന്‍റെ ഇതേ ചിന്താഗതി കൂട്ടത്തില്‍ ശിതാവിനും ഉണ്ടാരുന്നു എന്ന് അവിടെ ലാന്‍ഡ്‌ ചെയ്തപ്പം മാത്രം ആണ് എനിക്ക് മനസ്സിലായത്.. അവന്‍ കൊണ്ട് വന്നത് അവന്‍റെ ലാപ് ടോപും പിന്നെ ഒരു ടീ ഷര്‍ട്ടും മാത്രം.. പക്ഷെ അവന്‍റെ ടി ഷര്‍ട്ടുകള്‍ എല്ലാം ഒരു മാതിരി അവിഞ്ഞ സാധനങ്ങളാ.. അവന്‍ അതില്‍ കേറി നിന്നിട്ടാണോ അത് തൈച്ചത് എന്ന് തോന്നിപ്പിക്കും വിധം ഉള്ള ഐറ്റംസ്.. കുറെ മാംസം ഉരുണ്ടു കൂടി വൃത്തികെട് ആയിരിക്കുന്ന അവന്‍റെ ബൈസെപ്സ് ആണ് അവന്‍റെ ബെസ്റ്റ് ഫീച്ചര്‍ എന്ന്.. ഹോ അങ്ങനെ ആണ് അവസ്ഥ എങ്കില്‍ എന്‍റെ കവിളും വയറന്‍റെ വയറും പിന്നെ തരകന്‍റെ ദേഹം മുഴുവനും അവന്‍റെ ബെസ്റ്റ് ഫീച്ചര്‍ ആയേനെ.. നാണം ഇല്ലാത്തവന്‍റെ എങ്ങാണ്ട് ആലു കിളുത്താല്‍ അതും അവനു തണല് എന്ന് പറയുന്ന അവസ്ഥ ആണ് ശിതാവിന്‍റെ.

അങ്ങനെ ഞാന്‍ ഒരു 8 മണി ആയപ്പം കിടന്നു ഉറങ്ങാന്‍ ആയിട്ട്.. ശിതാവ് അവിടെ ഇരുന്നു 10-30 തവണ കണ്ട ഏതോ ഫിലിം വീണ്ടും ഡൌണ്‍ലോഡ് ചെയ്യുന്നു.. വയറന്‍ മടിവാള മുത്തശിയില്‍ പോയി പൊറോട്ടയും ബീഫും കഴിച്ചു a/c വണ്ടിയില്‍ ബാക്കി ഉള്ളവര്‍ക്ക് പണി തരും എന്നുള്ള വാശിയില്‍ ഇരുന്നു ഏതോ ഫുട്ബോള്‍ മത്സരം കാണുന്നു. എന്നിട്ട് കാറില്‍ വെച്ച് എന്തേലും സംഭവിച്ചു കഴിയുമ്പം

"I didn't do that!!" എന്ന് പറയാന്‍. തരകന്‍ പതിവ് പോലെ ഓഫീസില്‍ നിന്ന് ഇറങ്ങീട്ടില്ല. അവന്‍ 1:55 ആകുംബം ഇറങ്ങാം അത്രേ.. എന്തായാലും നിങ്ങള്‍ 2 മണിക്കല്ലേ പോകുന്നുള്ളൂ എന്നാണു അവന്‍റെ ചോദ്യം.. ഉറങ്ങണം ഉറങ്ങണം എന്നുള്ള ചിന്ദ ആയിട്ട് കിടന്നാല്‍ ഉറങ്ങാന്‍ പറ്റില്ല.. അങ്ങനെ ഒരു അസുഖം എനിക്കുണ്ട്. അത് കാരണം എങ്ങനെ ഒക്കെ ശ്രമിച്ചിട്ടും ഉറങ്ങാന്‍ പറ്റുന്നില്ല. അത് തന്നെ അല്ല.. ഒരിക്കലും വിളിക്കാറില്ലാത്ത പലരും അന്ന് ഫോണും ചെയ്തു... അങ്ങനെ ഒരു 10 മണി ആയപ്പം ഞാന്‍ എഴുന്നേറ്റു കുളിച്ചു ഒരു കാപ്പിം ഉണ്ടാക്കി കുടിച്ചു മടിവാലക്ക് യാത്ര ആയി..തരകനെ തെറി വിളിച്ചു ഓഫീസില്‍ നിന്നും ഇറക്കി. എല്ലാരും അങ്ങനെ ഒരു 12 മണി ആയപ്പം യാത്ര തുടങ്ങി. വയറനോട് ഞങ്ങള്‍ ആവുന്നത് പറഞ്ഞു.. പോയി അപ്പി ഇടാന്‍.. അവനു ജീവന്‍ ഉണ്ടേല്‍ അവന്‍ ചെയ്യില്ല.. പിന്നേ കാശ് കൊടുത്തു കഴിച്ച ബീഫ് കൊണ്ട് കളയണോ എന്നുള്ള ഭാവം. ഇന്ന് ആ a/c വണ്ടിയില്‍ ഇരുന്നു ഞങ്ങള്‍ മൂന്നു പേരും ശ്വാസം കിട്ടാതെ മരിക്കും..

പോകുന്ന വഴിക്ക് എല്ലാവരും മാറി മാറി കാര്‍ ഓടിക്കുന്നു.. ഒരു ബിയര്‍ പോലും അടിക്കാതെ ഇന്നത്തെ ദിവസം മൊത്തം വേസ്റ്റ് ആയിപോയല്ലോ എന്നോര്‍ത്ത് തരകന്‍ ഉറങ്ങി പോയി. വയറന്‍ ഉറങ്ങിയാല്‍ റിസ്ക്‌ ആണല്ലോ എന്നോര്‍ത്ത് ബാക്കി എല്ലാരും കൂടെ പറഞ്ഞു അവനാണ് വണ്ടി ഓടിക്കുന്നത്. അങ്ങനെ ഒരു ടോള്‍ പ്ലാസ എത്തി. അവിടെ കുറെ വണ്ടികള്‍ നിര്‍ത്തി ഇട്ടിരിക്കുന്നു. അവിടെ നിര്‍ത്തി ഇട്ടിരുന്ന ഒരു കാറിന്‍റെയും ഒരു ലോറിയുടെയും ഇടയ്ക്കു കൂടി വയറന്‍ കുത്തി കേറ്റാന്‍ ഉള്ള ശ്രമം ആണ്. സൈഡില്‍ ഇരുന്ന ഞാന്‍ പറഞ്ഞു.. ഡാ നമുക്ക് യാതൊരു ധിറുതിയും ഇല്ല.. പതുക്കെ ചെന്നാല്‍ മതി..

വയറന്‍:- എനിക്ക് കുറച്ചു ധിറുതി ഉണ്ട്..

ഞാന്‍ :- ഡാ ഈ സൈഡ് പോകുന്ന കാര്യം സംശയം ആണ്..

വയറന്‍:- എന്‍റെ സൈഡില്‍ ഇഷ്ടം പോലെ ഇട ഉണ്ട്.

ഞാന്‍ :- ഡാ ഇത് ഇടിക്കാറായി..

വയറന്‍:- ഡേയ് തൊലി പേടിപ്പിക്കാതെ.. ഒന്നാമതെ വയറില്‍ എന്തൊക്കെയോ പ്രശ്നം ഫീല്‍ ചെയ്തു തുടങ്ങി

ഞാന്‍ :- അയ്യോ ഇനി അതും കൂടി സഹിക്കണോ.. വണ്ടി ഇടിച്ചാലും കുഴപ്പം ഇല്ല.. നീ നിന്‍റെ വയര്‍ പ്രക്ഷുബ്ദം ആകാതെ നോക്ക്..

വയറന്‍:- ഇത് വരെ ഓക്കേ അല്ലെ?

ഞാന്‍ :- അല്ലടാ ഇടിക്കാറായി അയ്യോ ഇപ്പം ഇടിക്കും...

വയറന്‍:- ഡാ അലവലാതി മിണ്ടാതെ ഇരിയെടാ

ഞാന്‍ :- ഇടിച്ചു .. ഹോ നീ സാധിച്ചു അളിയാ.. നീ സാധിച്ചു.. അല്ല അറിയാന്‍ പാടില്ലാഞ്ഞിട്ടു ചോദിക്കുവാ നീ ഇത് എങ്ങോട്ട് ഓടിച്ചോണ്ട് പോയതാ ഇത്ര ധിറുതിയില്‍?

വയറന്‍:- അത് ഈ പ്ലാസ കഴിഞ്ഞ ഉടനെ ഒരു ടോയിലറ്റ് ഉണ്ട്.. അങ്ങോട്ട്‌ പോയതാ.. ആ ഇടി കഴിഞ്ഞതോടു കൂടി ഇറങ്ങി വന്നത് എല്ലാം കേറിപ്പോയെന്നാ തോന്നുന്നേ..

ഞാന്‍ :- അങ്ങനെ പറയരുത് പ്ലീസ്.. ഒരു കുറ്റി പുട്ട് എങ്കിലും അങ്ങ് കഴിക്കണം..ആ എന്തായാലും ഇറങ്ങി വാ, കാറില്‍ ഉള്ളവന്മാരുടെ തെറി കേട്ടിട്ട് കാശും കൊടുത്തിട്ട് പോരാം.. വാ..

വയറന്‍ വണ്ടി മുന്നില്‍ കൊണ്ട് പോയി പാര്‍ക്ക്‌ ചെയ്തിട്ട് തെറി കേക്കാന്‍ ആയി ഇറങ്ങി വരുന്നു.. ഞാന്‍ നേരത്തെ അതിനു റെഡി ആയി ഇറങ്ങി നിന്നു.. ഒരുത്തന്‍ മറ്റേ കാറില്‍ നിന്നും ഇറങ്ങി ഓടി വരുന്നു.. "ഡോ!! ഇത് എന്ത് കാണിക്കുവാ.. ഇയാള്‍ ഇത് ആരെ തോപ്പിക്കാന്‍ ഓടിക്കുവാ.. ഞാന്‍ അവിടെ ഹാന്‍ഡ്‌ ബ്രേയ്കും ഇട്ടു വെച്ചിരുന്ന എന്‍റെ വണ്ടിക്കിട്ടു ഇതെന്നാ കോപ്പാ ഈ കാണിച്ചത്‌?" ഞാന്‍ പറഞ്ഞു.. ചേട്ടാ ഞാന്‍ അല്ല വണ്ടി ഓടിച്ചത്.. ലോ ലവന്‍.. നമുക്ക് തന്നെ പാവം തോന്നിപോയി.. ഒരു തെറി പ്രതീക്ഷിച്ചിട്ടു മാന്യന്‍ ഒന്നും പറയുന്നില്ല.. നമ്മള്‍ നേരെ പറഞ്ഞു.. ചേട്ടാ.. നമ്മള്‍ അംഗീകരിക്കുന്നു നമ്മള്‍ ആണ് കുറ്റക്കാര്‍.. We are the sorry aliyaa.. ഞങ്ങള്‍ അങ്ങനെ ഒന്നും ചെയ്യാന്‍ പാടില്ലായിരുന്നു.. എത്ര കാശു വേണം..നമ്മളോടാ കളി.. തരകന്‍ കൂടെ ഉള്ളടത്തോളം കാലം കാശു നമുക്ക് ഒരു പ്രശ്നമേ അല്ല.. പണം അത് മാത്രം ആണ് പ്രശ്നം.. പുള്ളി എന്‍റെ ഫോണ്‍ നമ്പര്‍ വാങ്ങിച്ചു എന്നിട്ട് പറഞ്ഞു.. ബാംഗ്ലൂരില്‍ തിരിച്ചു ചെന്നിട്ടു വണ്ടി പണിയാന്‍ കൊടുക്കും.. അന്നേരം എത്ര ആയാലും നിങ്ങള്‍ കൊടുത്തേക്കണം.. ഞാന്‍ ഓക്കേന്നു പറഞ്ഞു.. നമ്മുടെ കാറില്‍ നോക്കിയപ്പം ഡോറിന്‍റെ സൈഡില്‍ കുറച്ചു ചുവപ്പ് പെയിന്റ്.. ശവം.. വല്ല നീല വണ്ടിക്കിട്ടും കൊണ്ടേ കേറ്റുവാരുന്നേല്‍.. അറിയത്തു പോലും ഇല്ലാരുന്നു..ഇത് ചുമ്മാ പുള്ളിടെ വണ്ടിയേല്‍ കുറച്ചു നീല നിറം നമ്മുടെ വണ്ടിയില്‍ കുറച്ചു ചുവപ്പ് നിറം.

ഏതായാലും അതോടെ വയറന്‍റെ ധിറുതി തീര്‍ന്നു.. പ്രക്ഷുബ്ധമായ വയര്‍ എന്നുള്ളത് കാറ്റും കോളും ഒക്കെ മാറി നല്ല തെളിഞ്ഞ നീലാകാശം വന്ന അവസ്ഥ പോലെ ആയി.. നീലാകാശവും ആയിട്ട് വയറന്‍ പതിയെ പുറകില്‍ ഇറങ്ങി ഇരുന്നു... അതിനു ശേഷം എന്തൊക്കെ സംഭവിച്ചിട്ടും ഗോവിന്ദന്‍ കുട്ടീ, വയറന്‍ മിണ്ടുന്നില്ല..

അങ്ങനെ നമ്മള്‍ ശനിയാഴ്ച രാവിലെ അങ്കമാലിയില്‍ എത്തിച്ചേര്‍ന്നു. അവിടെ ഉള്ള ഒരു ഹോട്ടലില്‍ കേറി ഒന്ന് ഫ്രഷ്‌ ആകാം എന്ന് കരുതി.. റേറ്റ് ചോദിച്ചപ്പം 3 മണിക്കൂര്‍ നേരത്തേക്ക് 600 രൂപ.. അങ്കമാലി പോലെ ഉള്ള ഒരു തൊട്ടി സ്ഥലത്ത് 600 രൂപ. ഇപ്പം കോട്ടയം അല്ലേല്‍ മൂലേടം പോലെ ഉള്ള ഒരു മെട്രോയില്‍ ആരുന്നേല്‍ ഇതൊക്കെ മനസ്സിലക്കാരുന്നു, ഇത് ചുമ്മാ ഒരു മാതിരി.. ഹോ എത്രയും പെട്ടെന്ന് ഒന്ന് മലേഷ്യ എത്തിയാല്‍ മതിയാരുന്നു.. അവിടെ ഒരു ദിവസത്തേക്ക് 500 രൂപയല്ലേ ഉള്ളൂ.. ഏതായാലും അവിടുന്ന് എല്ലാരും ഫ്രഷ്‌ ആയി, പ്രത്യേകിച്ചും വയറന്‍.. അവന്‍ അവിടുത്തെ ടോയിലെടിനു ഒരു നല്ല മലയാളം കണ്ടു പിടിച്ചു:- ജന കോടികളുടെ അസ്വസ്ഥത അകറ്റുന്ന വിശ്വസ്ത സ്ഥാപനം!!..അങ്ങനെ ഒരു 4 മണിയോടെ നമ്മള്‍ കൊച്ചി എത്തി...

ആദ്യം ഉണ്ടാരുന്ന സുരക്ഷാ പരിശോധനയില്‍ കൂടെ ഉണ്ടാരുന്ന അലവലാതികള്‍ മൂന്നു പേരും കേറി പോയി.. അവന്മാര്‍ എന്‍റെ ബാഗ്‌ പിടിച്ചു വെച്ച്.. കുറെ നേരം വെയിറ്റ് ചെയ്തു കഴിഞ്ഞപ്പം കാര്യം കണ്ടു പിടിച്ചു.. എന്‍റെ ക്യാമറയുടെ ബാറ്റെറി ആരുന്നത്രേ പ്രശ്നം.. അത് ആ ദരിദ്രവാസി പോലീസുകാരന്‍ എടുത്തോണ്ട് പോയി.. റീ ചാര്‍ജ് ചെയ്യാവുന്ന നല്ല ഒന്നാം തരാം നാല് ബാറ്റെറികള്‍..നരസിംഹം കണ്ടിട്ടുള്ള പോലീസ്കാരന്‍ ആരുന്നേല്‍ പോയി പറയാരുന്നു:- ദേ പോലീസുകാരാ, ഞാന്‍ ഈ ഇടക്ക് എന്‍റെ ജാതകം ഒന്ന് നോക്കിച്ചരുന്നു.. അതില്‍ ഞാന്‍ ഒരു പോലീസുകാരനെ കൊല്ലും എന്ന് പറഞ്ഞിട്ടുണ്ടെന്നു...അല്ലേല്‍ മൈ നെയിം ഈസ്‌ ഖാന്‍ കണ്ടിരുന്നേല്‍ പറയാരുന്നു:- മിസ്റ്റര്‍ പോലീസ് മൈ നെയിം ഈസ്‌ തൊലി, ആന്‍ഡ്‌ ഐ അം നോട് എ ടെററിസ്റ്റ് !! അങ്ങനെ നമ്മള്‍ എയര്‍ ഏഷ്യ എന്ന വിമാനത്തിനു ഉള്ളില്‍ പ്രവേശിച്ചു.. .ഒരു പുതിയ അനുഭവം..ഇത് വരെ കണ്ടു പരിച്ചയിച്ചതും കേട്ട് പരിച്ചയിച്ചതും ആയ വിമാന യാത്രകളില്‍ നിന്നൊക്കെ വിഭിന്നമായ ഒരു അനുഭൂതി.. മൊത്തം കണ്‍ട്രി മലയാളീസ്...ചല പില ചല പില എന്നുള്ള ബഹളം..

സാധാരണ ഒരു വിമാന യാത്രയില്‍ അടുത്തിരിക്കുന്നവര്‍ പോലും പരസ്പരം മിണ്ടാറില്ല.. എല്ലാവരും അവരവരുടെ സ്വന്തം ലോകത്തില്‍.. ഇവിടെ എല്ലാരും എഴുന്നേറ്റു നിന്ന് പുറകിലെ സീറ്റില്‍ ഉള്ളവരോടൊക്കെ ഭയങ്കര വര്‍ത്തമാനം. നമ്മള്‍ നാല് പേരും നാലായിട്ടു ടിക്കറ്റ്‌ ബുക്ക്‌ ചെയ്തത് കാരണം ആ ചെറിയ വിമാനത്തിന്റെ നാല് അറ്റങ്ങളില്‍ ആണ് സീറ്റ്‌ കിട്ടിയത്. അതില്‍ എന്റേത് ആരുന്നു ഏറ്റവും പുറകില്‍.. എന്‍റെ പുറകില്‍ ആകെ ഒരു റോ കൂടി ഉണ്ട്.. ദൈവം സഹായിച്ചു അതില്‍ ആരും ഇല്ല.. മൊത്തം ആറു സീറ്റ്‌ ഒഴിഞ്ഞു കിടക്കുന്നു.. ഏതായാലും വിമാനം പറന്നു തുടങ്ങീട്ടു എയര്‍ ഹോസ്റ്റെസ്സിനോട് ചോദിച്ചു മാറിയിരിക്കാം എന്ന് തീരുമാനിച്ചു. അങ്ങനെ വിമാനം പൊങ്ങുന്നതിന് മുന്നേ ഉള്ള സാധാരണ ഡെമോ എല്ലാം അവര്‍ കാണിക്കുന്നു.. ഒക്സിജെന്‍ മാസ്ക് അവിടുന്ന് വരും..മറ്റേതു ഇവിടെ ഇരിപ്പുണ്ട്.. എന്നെല്ലാം.. വയറന്‍ എല്ലാം വളരെ സൂക്ഷ്മതയോടെ കേട്ടോണ്ട് ഇരിക്കുന്നു.. "frequent flier" കൊക്ക് എത്ര കുളം കണ്ടതാ എന്നുള്ള മനോഭാവത്തോടെ ഇരിക്കുന്നു.. അങ്ങനെ വിമാനം കൊച്ചിയില്‍ നിന്നും പറന്നു പൊങ്ങി.. മൊത്തത്തില്‍ ഒരു കുതിര സവാരിയുടെ അവസ്ഥ.. ഇടക്ക് കുറച്ചു ചാട്ടം.. പെട്ടെന്ന് ചെരിഞ്ഞു പോകുന്നു..പൈലറ്റ് കുറെ സമയം എടുത്തു ഈ സാധനം ഒന്ന് നേരെ പറത്താന്‍. അവസാനം ഇത് നേരെ പറന്നു തുടങ്ങി.. ഞാന്‍ കണ്ടതില്‍ സുന്ദരി എന്ന് തോന്നിയ എയര്‍ ഹോസ്റ്റെസ്സിനോട് ചോദിച്ചു ആ പുറകില്‍ പോയി ഞങ്ങള്‍ നാല് പേര്‍ക്ക് ഇരിക്കവല്ലോ അല്ലെന്നു.. അവള്‍ പറയുവാ.. ഹേ സുന്ദരക്കുട്ടാ ഞാന്‍ നിന്നെ ദത്തെടുത്തോട്ടെ എന്ന്.. ഞാന്‍ പിന്നെ ഓക്കേന്നു പറഞ്ഞു.. അങ്ങനെ ഞങ്ങള്‍ നാലാളും കൂടി ഏറ്റവും പുറകിലെ സീറ്റില്‍ വന്നു ഇരുന്നു..

വെല്യ താമസം ഇല്ലാതെ തന്നെ എല്ലാവര്‍ക്കും അവിടെ ഓരോരോ കമ്പനി ആയി.. എന്നെ തേടി എത്തിയത് രണ്ടു യുവ മിഥുനങ്ങള്‍ ആരുന്നു.. വാര്‍ധക്യ ജീവിതം ആഘോഷിക്കാന്‍ ഇറങ്ങിയ ഒരു അങ്കിളും ആന്ടിയും. അവര്‍ അവരുടെ രണ്ടാം മധുവിധു ആണത്രേ.. ഇനി ഇപ്പം ഇടക്ക് ഇടക്ക് ഇങ്ങനെ എവിടേലും ഒക്കെ കറങ്ങി നടക്കാന്‍ ആണത്രേ പ്ലാന്‍. പിന്നെ മലേഷ്യയില്‍ പോയി കാണണ്ട സ്ഥലങ്ങള്‍, പിന്നെ ഇന്ത്യയില്‍ അവര്‍ പോയേക്കുന്ന സ്ഥലങ്ങള്‍ അങ്ങനെ എല്ലാം കുറെ പറഞ്ഞു.. കണ്ടാലെ മനസ്സിലാകും നല്ല വിവരം ഉള്ള ഏതോ മനുഷ്യന്‍ ആരുന്നു എന്ന്.. ചോദിച്ചപ്പം ഏതോ ബാങ്കിലെ മാനേജര്‍ ആരുന്നു എന്ന് പറഞ്ഞു. പിന്നെ ഒരു ഹിന്ദി കോമഡി പറഞ്ഞു.. ഏതോ തമിഴന്‍ താജ് മഹല്‍ കാണാന്‍ പോയിട്ട് അവിടെ ഉള്ള ഏതോ ഒരു ഹിന്ദിക്കാരനോട് താജ് മഹല്‍ തെരിയുമാ? താജ് മഹല്‍ തെരിയുമാ? എന്ന് ചോദിച്ചു അത്രേ.. ഹിന്ദിക്കാരന്‍ കേക്കുന്നത്.. താജ് മഹല്‍ തേരി മാ എന്നാണെന്നും.. തുടര്‍ന്നുണ്ടായ വാഗ്വാദങ്ങളില്‍ ഹിന്ദിക്കാരന്‍ കുത്തബ് മിനാര്‍ തേരി ബാപ് എന്നും പറഞ്ഞു അത്രേ.. ഞാന്‍ പിന്നെ കുറെ നേരം ഇരുന്നു ചിരിച്ചു കൊടുത്തു.. പാവം തരകന്‍.. അവനു എന്നെ പോലെ ഹിന്ദി അറിയില്ലല്ലോ...അത് കൊണ്ട് അവനു ചിരി വന്നില്ല.. കാര്യം മനസ്സിലാകാതെ വെറുതെ എന്തിനാ ചിരിക്കുന്നെ.. അവന്‍റെ ഈ ഇരിപ്പ് കണ്ടതോട് കൂടി അങ്കിള്‍ വര്‍ത്തമാനം നിര്‍ത്തി.. പിന്നെ യാതൊന്നും പറഞ്ഞില്ല..

ഇങ്ങനെ നമ്മള്‍ ഓരോരുത്തരും ഓരോ ആളുകളും ആയി കുശലപ്രശ്നങ്ങള്‍ നടത്തി പോരുന്നതിനു ഇടയില്‍.. വയറന്‍ എഴുന്നേറ്റു പോയി.. കൂട്ടത്തില്‍ കുറച്ചു ഉത്തരവാദിത്ത ബോധം അവനു ആണെന്ന് ഒരു ചിന്ത അവനു ഉണ്ട്.. അത് തെളിയിക്കാന്‍ ഉള്ള വ്യഗ്രത ആരുന്നു.. അവന്‍ നേരെ ഒരു എയര്‍ ഹോസ്റ്റെസ്സിനോട് ചെന്ന് പറഞ്ഞു... "Hello madam, excuse me.. " ഇവന്‍റെ ഈ അലവലാതി ലുക്ക്‌ കണ്ടപ്പോഴേ അവള്‍ക്കു മനസ്സിലായി മലയാളി ആണെന്ന്.. അവള്‍ മറുപടി കൊടുത്തു.. "പറയൂ" വയറന്‍ ഞെട്ടി പോയി.. കാരണം അവള്‍ അത്രയും നേരം പറഞ്ഞോണ്ട് ഇരുന്ന ഭാഷ ഇംഗ്ലീഷ് പോലും ആയിരുന്നില്ല.. അത് മലേഷ്യയില്‍ സംസാരിക്കുന്ന മലയ ഭാഷ ആരുന്നു.. ചോദിച്ചും പിടിച്ചും വന്നപ്പം ആണ് അറിയുന്നത്.. അവളുടെ അച്ഛനും അമ്മയും മലയാളികള്‍ ആണ്.പേര് രേവതി. പക്ഷെ ജനിച്ചതും വളര്‍ന്നതും എല്ലാം മലേഷ്യയില്‍ ആണെന്ന് മാത്രം.. അത് കാരണം കുരച്ചു കുരച്ചു മലയാളം അരിയാവുന്ന ഒരു ടൈപ്പ്..ഏഷ്യാനെറ്റിലെ രഞ്ജിനി ഹരിദാസിന് കിരണ്‍ ടിവിയിലെ നാഷിനു ഉണ്ടായ സന്താനം. കണ്ടാലും ഏതാണ്ട് അങ്ങനെ ഒക്കെ ഇരിക്കും.. ഒരു അവലക്ഷണം പിടിച്ച ലുക്ക്‌. വയറന്‍ മലേഷ്യയില്‍ ചെന്നാല്‍ കാണണ്ട സ്ഥലങ്ങള്‍, നൈറ്റ്‌ ലൈഫ്, "most happening places", ഇങ്ങനെ മലേഷ്യയില്‍ എന്തൊക്കെ ഉണ്ടോ.. അതിനെ കുറിച്ചൊക്കെ ചോദിച്ചു കൊണ്ടേ ഇരിക്കുന്നു.. അവളുടെ മുഖം കണ്ടാലെ നമുക്ക് മനസ്സിലാകും.. ഇവന് ഒന്നും വേറെ യാതൊരു പണിയും ഇല്ലേ.. എന്നുള്ളത് ആണ് അവള്‍ ചിന്ദിക്കുന്നത് എന്ന്.. കുറെ നേരം കഴിഞ്ഞപ്പം

രേവതി :- അല്പം തിരക്കുണ്ട്‌.

വയറന്‍ :- എനിക്ക് തിരക്കില്ല...

രേവതി :- അല്ല എനിക്ക് തിരക്ക് ഉണ്ടെന്നു

വയറന്‍ :- ഓഹോ അവോയിഡ് ചെയ്യുവാണല്ലേ!!

വയറന്‍ തിരിച്ചു നമ്മുടെ അടുത്ത് വന്നിട്ട് പറഞ്ഞു.. ഡേയ് അവളുടെ കൈ ഒക്കെ അപ്പിടി കറുത്തതാ..മുഖത്തിനും ഒരു ഐശ്വര്യം പോരാ.

ഉടനെ ശിതാവ് :-അതിനു നീ അവളെ കെട്ടാന്‍ പോകുവോന്നും അല്ലല്ലോ.. പിന്നെന്താ..?

വയറന്‍ :- അല്ല .. എന്നാലും.. ആ പറഞ്ഞുവെന്നെ ഉള്ളൂ..

വയറന്‍റെ ആ ഇരിപ്പ് കണ്ടാലേ അറിയാം.. രേവതി തമ്പുരാട്ടി ഫ്രം ത്രിപ്പൂണിത്തറ കോവിലകത്തിന്‍റെ ആ പെരുമാറ്റം അവനെ മാനസികം ആയി തകര്‍ത്തു കളഞ്ഞു..ഞങ്ങള്‍ മൂന്നു പേരും ഏതായാലും ഹാപ്പി ആയി..

അങ്ങനെ കുറെ ഫുഡ്‌ ഒക്കെ അടിച്ചു നമ്മള്‍ മൂന്നു പേരും കൂടി വര്‍ത്തമാനം പറഞ്ഞു ഇരുന്നപ്പം ശിതാവിനെ കാണാനില്ല.. നോക്കിയപ്പം അവിടെ ഉള്ള മൂന്നു സീറ്റില്‍ പുള്ളി കാല്‍ ഒക്കെ മുകളില്‍ കേറ്റി വെച്ച് സപ്രമന്ജ്ജത്തില്‍ കിടക്കുന്ന പോലെ കിടന്നു ഉറങ്ങുന്നു...ആകെ മൂവായിരം രൂപ ആണ് ടിക്കറ്റ്‌.. അതും എടുത്തിട്ട് ഈ അലവലാതി അവിടെ മൂന്നു പേരുടെ സീറ്റും എടുത്തു കിടന്നു ഉറങ്ങുന്നു.. വയറന്‍ എങ്ങാനും ഇനീം കേറി മിണ്ടിയാലോ എന്ന് വെച്ച് രേവതി ഈ നയന ഭേദകമായ കാഴ്ച കണ്ടിട്ടും കാണാത്ത മട്ടില്‍ പോയി.. ഈ വിമാന യാത്ര കൊണ്ട് ഉണ്ടായ ഒരു ഗുണം.. മലേഷ്യയില്‍ ചെന്ന് കാണണ്ട ഒരു സ്ഥലം കൂടി പിടി കിട്ടി എന്നുള്ളത് മാത്രം ആണ്.. "ജെന്ടിംഗ് ഹൈ ലാന്ട്സ്". അങ്ങനെ പാതി രാത്രി ആകാറായപ്പം നമ്മള്‍ മലേഷ്യയില്‍ കാലു കുത്തി..

അവിടുന്ന് നമ്മളുടെ ഹോട്ടല്‍ ഇരിക്കുന്ന സ്ഥലമായ ചൈന ടൌണിലേക്ക് ഒരു ബസ്‌ കിട്ടി. അങ്ങനെ പാതി രാത്രി ഒരു നൈറ്റ്‌ സഫാരി ആസ്വദിച്ചു കൊണ്ട് നമ്മള്‍ ചൈന ടൌണിലേക്ക് തിരിച്ചു. ബസില്‍ കേറുന്നതിനു മുന്നേ തന്നെ തരകന്‍ അവിടെ ഉണ്ടാരുന്ന എല്ലാ മാപ്പും എടുത്തു ബാഗില്‍ കേറ്റി.. ബസില്‍ ഇരുന്നു അവന്‍ മാപ്പ് വെച്ച് നമ്മള്‍ ഇപ്പം ഏതു സ്റ്റോപ്പ്‌ ആണ്.. അടുത്തത് ഏതു സ്റ്റോപ്പ്‌ ആണ് എന്നൊക്കെ കണ്ടു പിടിച്ചു പറയാന്‍ തുടങ്ങി.. അങ്ങനെ നമുക്ക് ഒരു ഏകദേശ രൂപം കിട്ടി.. നമ്മുടെ സ്ഥലത്തെക്കുറിച്ച്. അങ്ങനെ നമ്മള്‍ ചൈന ടൌണില്‍ ചെന്ന് ഇറങ്ങി. ഒരു ഇടുങ്ങിയ വഴി, രണ്ടു സൈഡിലും കടകള്‍ കച്ചവടം കഴിഞ്ഞു പൂട്ടി കേറ്റി വെച്ചേക്കുന്നു. കുറെ ദൂരം അങ്ങോട്ടും ഇങ്ങോട്ടും ഒക്കെ നടന്നു കഴിഞ്ഞപ്പം നമ്മുടെ ചൈന ടൌണ്‍ (2) എന്ന ഹോട്ടല്‍ കണ്ടു പിടിച്ചു. അവിടെ ചെന്ന് ചെക്കിന്‍ ചെയ്ത പാടെ അന്നത്തെ ദിവസം വേസ്റ്റ് ആക്കാതെ ഇരിക്കണം തരകന്.. നേരെ ഇറങ്ങി.. ഒരു തട്ടുകട പോലത്തെ സാധനം ഉണ്ടാരുന്നു.. എന്തൊക്കെയോ വൃത്തികെട്ട ചൈനീസ് സാധനങ്ങള്‍ ഒക്കെ വാങ്ങിച്ചു ഭയനഗര കഴിപ്പ്‌.. ബാക്കി ഞങ്ങള്‍ക്ക് മൂന്നു പേര്‍ക്കും അതങ്ങ് കഴിക്കാനേ തോന്നുന്നില്ല.. "frequent flier" ഉപദേശിച്ചു. എടാ പുറം നാട്ടില്‍ ഒക്കെ ചെന്ന് കഴിഞ്ഞാല്‍ നമ്മള്‍ ഒരിക്കലും ഇന്ത്യന്‍ ഫുഡ്‌ കഴിക്കരുത്.. എവിടെ ആണോ പോകുന്നത്.. അവിടുത്തെ ഫുഡ്‌ വേണം തിന്നാന്‍.. വയറന്‍ ഈ ഉപദേശം ശ്രവിച്ചതിനു ശേഷം കുറെ എടുത്തു തിന്നാന്‍ ഒരു ശ്രമം നടത്തി.. ഒരു രക്ഷേം ഇല്ല.. വയറന്‍ ആയുധം വെച്ച് കീഴടങ്ങി. മഹാരഥന്‍ ആയ വയറന്‍ ആയുധം വെച്ച് കീഴടങ്ങിയ സ്ഥിതിക്ക് പിന്നെ നമ്മുടെ കാര്യം പറയാന്‍ ഉണ്ടോ? എല്ലാം നീ തന്നെ ഒറ്റയ്ക്ക് തിന്നോ എന്നും പറഞ്ഞു.. ബാക്കി എല്ലാരും കുടി മാത്രം ആയി സമയം കളഞ്ഞു.

ഇനി ഉള്ള മൂന്നു നാല് ദിവസം നമ്മളെ ഹഠാദാകര്‍ഷിച്ച മലേഷ്യയില്‍.. തെറ്റിദ്ധരിക്കരുത്.. ഈ വാക്ക് എവിടേലും ഒക്കെ ഒന്ന് പ്രയോഗിക്കണം ആഗ്രഹിച്ചു പോയി.. അത് കൊണ്ട് ചെയ്യുന്നതാ..ഇപ്പം തന്നെ ഇത് കുറെ ആയി.. അത് കൊണ്ട് ബാക്കി സംഭവങ്ങള്‍ പിന്നെ എന്നേലും എഴുതാം.. ഉടന്‍ വരുന്നൂ.. ഹഠാദാകര്‍ഷിച്ച മലേഷ്യയില്‍

എന്‍റെ ഇപ്പോഴത്തെ ജീവിതം..

2010-03-20T20:25:00.000-07:00

ഒരു മനുഷ്യന്‍റെ ജീവിതം എത്രത്തോളം വിരസത നിറഞ്ഞത്‌ ആകാം എന്നുള്ളതിന്‍റെ ഒരു ഉത്തമ ഉദാഹരണം ആണ് ഇപ്പോഴത്തെ എന്‍റെ ജീവിതം.. ഓഫീസില്‍ പോയാല്‍ തന്ന പണി ചെയ്യാന്‍ നോക്കീട്ടു കുറെ കാലം ആയിട്ടും അത് ശരി ആകുന്നില്ല.. ഇപ്പം ചെയ്യുന്ന ബോര്‍ഡില്‍ ഇതിനു മുന്നേ പയറ്റി തെളിഞ്ഞു വെളിവ് ഉള്ളവന്മാരെ കൊണ്ട് കാണിച്ചു.. അവര്‍ നോക്കീട്ടും ഒന്നും മനസ്സിലാകുന്നില്ല.. ഇത്രക്കും ലോ ലെവല്‍ പണികള്‍ ചെയ്യാന്‍ ഒന്നാമത്തെ എനിക്ക് ശെരിക്കു അറിയില്ല.. പിന്നെ അതിനും മാത്രം പ്രഷര്‍ എന്‍റെ തലക്കു മുകളിലോട്ടു വരുന്നില്ല.. എന്നാലും എല്ലാ ദിവസവും അവിടെ പോയിട്ട് ഒരു ഔട്പുടും ഇല്ലാതെ തിരിച്ചു വരുന്നത് ആസ്വദിക്കാന്‍ മാത്രം ഉള്ള.. ഒരു മഹാ മനസ്സ് ഒന്നും ഇത് വരെ ആയിട്ടും ഇല്ല..

ഔദ്യോതിക ജീവിതം അല്ലാത്തത് എടുത്തു നോക്കിയാലും മൊത്തം ബോര്‍ അടി.. ഒരു രണ്ടു വര്‍ഷം മുന്നേ വരെ ഇവിടുത്തെ ജീവിതം ഞാന്‍ വല്ലാതെ ഇഷ്ടപ്പെട്ടിരുന്നു.. ഇഷ്ടം പോലെ സുഹൃത്തുക്കള്‍.. എവിടെ പോണം എങ്കിലും പോകാന്‍ റെഡി ആയിട്ടുള്ള ആളുകള്‍.. ഇപ്പോഴും സുഹൃത്തുക്കള്‍ ഉണ്ട് ഇവിടെ.. എന്നാലും ആ ക്രീം ഓഫ് ഫ്രണ്ട് അങ്ങ് പോയി.. ഇപ്പോള്‍ പലരും ലോകത്തിന്‍റെ പല ഭാഗങ്ങളില്‍.. ചിലര്‍ പഠിക്കുന്നു.. മറ്റു ചിലര്‍ ജോലി ചെയ്യുന്നു.. വേറെ ആളുകള്‍ കല്യാണം കഴിഞ്ഞു അവരുടെ സ്വന്തം ജീവിതത്തിലേക്ക്.. ഒരു കല്യാണം കഴിഞ്ഞാല്‍ ആളുകള്‍ക്ക് എന്ത് മാത്രം മാറ്റം ആണ് ഉണ്ടാവുക.. അത്രയും നാളും എന്ത് പരിപാടിക്കും.. ഒരുമിച്ചു ഉണ്ടാരുന്നവര്‍ പെട്ടെന്ന് ഒരു സുപ്രഭാതം മുതല്‍ ഒന്നിനും ഇല്ല.. ഞാന്‍ ഒരു ഫാമിലി മാന്‍ ആണ്.. ഞാന്‍ ഇങ്ങനെ ഉള്ള കാര്യങ്ങള്‍ ഒന്നും ചെയ്തു കൂടാ എന്നൊരു ലൈന്‍.. ഒരു പക്ഷെ ഞാനും ഇങ്ങനെ ഒക്കെ മാറുമാരിക്കാം.. പക്ഷെ എന്‍റെ ഉള്ളിന്‍റെ ഉള്ളില്‍ ഇപ്പോഴത്തെ ഒരു അവസ്ഥ വെച്ച് ഞാന്‍ അതിനെ ഇഷ്ടപ്പെടുന്നില്ല...ഒരു കല്യാണം ഒക്കെ കഴിച്ചു എന്ന് കരുതി ഞാന്‍ എന്‍റെ ബേസിക് കാരക്ടര്‍ ഒന്നും മാറ്റാന്‍ ഉദ്ദേശിക്കുന്നില്ല. കാരണം അതൊക്കെ മാറ്റിയാല്‍ പിന്നെ അത് ഞാന്‍ അല്ല.. "I cannot live my life, just for the sake of it.."

വിവാഹം കഴിഞ്ഞാല്‍ പിന്നെ കുറെ അധികം കാര്യങ്ങള്‍ക്കു കോമ്പ്രമൈസ് ചെയ്യേണ്ടി വരും.. ഇതൊക്കെ എന്തിനാ ഇപ്പോഴേ വലിച്ചു വാരി തലയില്‍ വെക്കുന്നത് എന്ന് ഇപ്പം തോന്നുന്നു.. ഇപ്പോള്‍ ഉള്ള ഈ ഒരു ജീവിതം കൊണ്ട് ഒരു രീതിയിലും മുന്നോട്ടു പോകാന്‍ പറ്റില്ല എന്ന് തോന്നുമ്പം മതിയാരുന്നു.. അടുത്ത പടിയായി വിവാഹ ജീവിതം. ഞാന്‍ എന്‍റെ ജീവിതത്തില്‍ കുറച്ചു ഡിസിഷന്‍സ് ഒത്തിരി ആലോചിക്കാതെ പെട്ടെന്ന് എടുത്തു എന്നൊരു തോന്നല്‍ വരുന്നു ഈ ഇടയ്ക്കു ആയിട്ട്..

കുറച്ചു നാളു മുന്നേ ഞാന്‍ വിചാരിച്ചിരുന്നു.. ബാംഗ്ലൂര്‍ ഞാന്‍ ഒരിക്കലും മടുക്കില്ല എന്ന്.. ഇത് പറയുന്നത് ഞാന്‍ ഒരു പാര്‍ട്ടി അനിമല്‍ ശ്രേണിയില്‍ ഉള്ള ആള്‍ ആയതു കൊണ്ട് ഒന്നും അല്ല.. പക്ഷെ ഞാന്‍ എന്‍റെ സുഹൃത്തുക്കളുടെ കൂടെ ഉള്ള ജീവിതം ശരിക്കും ആസ്വദിച്ചിരുന്നു.. ഇപ്പോള്‍ ആകെ ഇവിടെ ഉള്ളത് മൂന്നോ നാലോ പേരാണ്.. അതില്‍ നിന്നും ആളുകള്‍ ഉടന്‍ പോകും.. ഞാനും പോകും.. ഞാനും വിവാഹിതന്‍ ആകാന്‍ പോകുന്നു.. അത് കഴിഞ്ഞു വന്നാല്‍ ഉടനെ ഞാന്‍ വേറെ എങ്ങോട്ടെങ്ങിലും മാറാന്‍ നോക്കണം.. പുറത്തേക്കു പോകാന്‍ പറ്റി ഇല്ലെങ്കില്‍.. ഇപ്പോള്‍ ഉള്ള കമ്പനി എങ്കിലും മാറണം..
ഇവിടെ എനിക്ക് നല്ല സുഹൃത്തുക്കള്‍ കുറവാണ്.. കാണുമ്പം ഉള്ള "ഹൈ!! ബൈ!!" ബന്ധങ്ങള്‍ ആണ് ഉള്ളതില്‍ കൂടുതലും.. തന്നെയും അല്ല.. കൂടെ ജോലി ചെയ്തോണ്ട് ഇരിക്കുന്ന ഒന്ന് രണ്ടു പേരെ അവിടുന്ന് പുറത്താക്കാന്‍ ഉള്ള പരിപാടികളും നടക്കുന്നു.. ഇനി അധികം താമസിയാതെ എന്‍റെ പ്രൊജക്റ്റ്‌ മുഴുവന്‍ ഒരു കമ്പനിയില്‍ നിന്നുള്ള ആളുകളെ കൊണ്ട് നിറയും... പക്ഷെ കുറ്റം പറയാന്‍ പറ്റില്ല.. അവിടുന്ന് വന്ന പയ്യന്മാര്‍ എല്ലാം നല്ല മിടുക്കരാ..എല്ലാവരും ഒരു കമ്പനിയില്‍ നിന്ന് തന്നെ ആയാല്‍ പിന്നെ ഇവിടെ തന്നെ തുടര്‍ന്നുള്ള ജീവിതം ബുദ്ധിമുട്ടാകും.. അതില്‍ ആരെയും കുറ്റം പറഞ്ഞിട്ട് കാര്യം ഇല്ല.. വര്‍ഷങ്ങള്‍ ആയിട്ട് കൂടെ ഉള്ളവര്‍ക്ക് ഒരു പ്രാമുഖ്യം ഞാന്‍ ആയാലും കാണിക്കും..

കുറച്ചു നാള്‍ നാട്ടിലോ അല്ലെങ്കില്‍ വേറെ എവിടെലുമോ പോയി.. ഒറ്റയ്ക്ക് നിക്കണം... ഇ മെയിലും ഇന്‍റെര്‍നെറ്റും ഒന്നും ഇല്ലാത്ത ഒരു ജീവിതം.. എല്ലാം കഴിഞ്ഞു പുനര്‍ജനിയില്‍ കൂടെ കയറി ഇറങ്ങി വന്ന ഒരു അവസ്ഥയില്‍.. ഒരു പുതിയ ജീവിതത്തിനു തുടക്കം കുറിക്കണം..

“One who has control over the mind is tranquil in heat and cold, in pleasure and pain, and in honor and dishonor; and is ever steadfast with the Supreme Self.”

The above quote is from Bhagavat Gita, And I am lacking this quality of control over my mind.. I know, what ever I wrote above is not worth mentioning.. And I will be coming out of this situation in 1-2 days.. But, currently I am feeling like penning this down..

താളിയോലയില്‍ ഉള്ള കല്യാണക്കുറി

2010-03-11T06:52:00.001-08:00

എന്തായാലും കുറെ പ്രായം ഒക്കെ ആയില്ലേ.. ഇനി ഏതായാലും ഞാന്‍ പത്നീ സമേധന്‍ ആകാന്‍ ഉള്ള തീരുമാനം കൈ കൊണ്ടു. കുറച്ചു കൂടി പക്വത വന്നിട്ട് അഗ്നിസാക്ഷിയായി ഒരു വേളി കഴിക്കാം എന്ന് വിചാരിച്ചു ഇരുന്നിട്ട് ഈ പക്വത വരുന്ന ലക്ഷണം ഒന്നും ഞാന്‍ കണ്ടില്ല.. പ്രത്യേകിച്ച് എന്റെ വീട്ടുകാര്‍ കണ്ടില്ല.. എനിക്ക് ബോധം ഇല്ലേലും വീട്ടുകാര്‍ക്ക് അത് കാണാതെ വരില്ലല്ലോ.. അങ്ങനെ എന്റെ കല്യാണം തീരുമാനിച്ചു.. ഈ വരുന്ന മെയ്‌ മാസം ഇരുപത്തി മൂന്നാം തീയതി നെടുംകുന്നം ദേവി ക്ഷേത്രത്തില്‍ വെച്ച് ആണ്.. ആ മഹാ സംഭവം അരങ്ങേറുന്നത്.. തദവസരത്തിലേക്ക് ഏവര്‍ക്കും സ്വാഗതം..
സ്വാഗതം കൃഷ്ണാ ശരണാന്ഗതം കൃഷ്ണാ ....(ഇതിപ്പം ഇവിടെ എഴുതിയത് എന്തിനാണെന്ന് ചോദിച്ചാ ഇന്ന് രാവിലെ മുതല്‍ ദാസേട്ടന്റെ ഈ പാട്ട് ആണ് എന്റെ ചെവിയില്‍ മുഴുവന്‍ സമയവും)
കല്യാണം ഉറപ്പിച്ചു കഴിഞ്ഞാല്‍ ഏറ്റവും ആദ്യം ചെയ്യുന്ന പരിപാടി കല്യാണക്കുറി ആണല്ലോ.. ഞാനും ആ പതിവ് തെറ്റിച്ചില്ല.. അല്ലേലും ഞാന്‍ അങ്ങനെ പതിവ് തെറ്റിക്കുന്ന കൂട്ടത്തില്‍ അല്ല.. കുറച്ചു കാലം മുന്നേ ഒരു ബ്ലോഗ്‌ വായിച്ചപ്പം തുടങ്ങിയ ആഗ്രഹം ആരുന്നു.. കല്യാണക്കുറി താളിയോല പോലെ ഒരു സാധനത്തില്‍ അച്ചടിച്ച്‌ ഇറക്കണം എന്ന്.. എന്തായാലും കെട്ടാന്‍ തീരുമാനിച്ചു ഇറങ്ങി തിരിച്ചു.. ഇനി ഇപ്പം അങ്ങ് കുളിച്ചു കേറുക തന്നെ എന്ന് ഞാന്‍ മനസ്സില്‍ ഉറപ്പിച്ചു.. ഈ കാര്യം പറഞ്ഞവര്‍ എല്ലാം എന്നെ പതിവ് പോലെ പുച്ചിച്ചു തള്ളി.. പിന്നെ അത് ഒരു പുതിയ അനുഭവം അല്ലാത്തത് കാരണം എനിക്ക് പ്രത്യേകിച്ച് ഭാവ വ്യത്യാസം ഒന്നും തോന്നിയില്ല.. ഇനി അവന്മാരൊക്കെ പുച്ചിച്ചില്ലാരുന്നേല്‍ ഒരു പക്ഷെ ഞാന്‍ എങ്ങനെ റിആക്റ്റ് ചെയ്തേനെ എന്ന് എനിക്ക് ഇപ്പം പറയാന്‍ കഴിയില്ല.. കാരണം അങ്ങനെ ഒരു അവസരം എന്റെ ജീവിതത്തില്‍ ഇത് വരെ ഉണ്ടായിട്ടില്ല.. എന്നും പുച്ഛം.. വീട്ടുകാരും.. നാട്ടുകാരും എല്ലാരും..

അങ്ങനെ ഒരു നല്ല ഞായര്‍ ആഴ്ച രാവിലെ ഞാനും വയറനും ആയി ബംഗ്ലൂരിലെ മജെസ്ടികിനു അടുത്തുള്ള സുല്‍ത്താന്‍ പെട്ട് എന്ന സ്ഥലം ലക്‌ഷ്യം ആക്കി നീങ്ങി.. അവിടെ ഒരു വിധത്തില്‍ എത്തി ചേര്‍ന്നു. ഇതിനു മുന്നേ മക്കയിലെ ഹജ് പരിപാടി ടിവിയില്‍ കാണിക്കുംബം മാത്രമേ ഇതിനെക്കാളും തിരക്ക് ഞാന്‍ കണ്ടിട്ടുള്ളൂ.. ആളുകള്‍ക്ക് നടന്നു പോകാന്‍ പോലും ഇടയില്ല.. അതിനിടയില്‍ അകപ്പെട്ടു പോയ ലോറി പുറത്തെടുക്കാന്‍ ശ്രമിക്കുന്ന കുറച്ചു ആളുകള്‍.. കിളിയിടെ പരിപാടി മുന്നേ നടന്നു ലോറിക്ക് ഉള്ള വഴി ഒരുക്കുക എന്നതാണ്.. പാര്‍ക്ക്‌ ചെയ്തു വെച്ചിരിക്കുന്ന ഓരോ വണ്ടിയും എടുത്തു പൊക്കി മാറ്റിയും.. തള്ളിയിട്ടും ഒക്കെ വഴി ഉണ്ടാക്കി മുന്നോട്ടു പോകുന്നു.. അവിടുന്നും ഇവിടുന്നും ഒക്കെ അടിച്ചു മാറ്റിയ സാധനങ്ങള്‍ വിറ്റഴിക്കുന്ന ഒരു തെരുവ്.. മൊത്തം ഒരു അലമ്പ് സെറ്റപ്പ്. കുടുംബാങ്ങഗളും ആയി ഒരു ഒഴിവു ദിവസം ചിലവഴിക്കാന്‍ പറ്റിയ സ്ഥലം.. അങ്ങനെ ഞങ്ങള്‍ രണ്ടാളും കൂടി ഒരു കല്യാണക്കുറി വില്‍ക്കുന്ന കടയില്‍ ചെന്ന് കേറി.

കേറി ചെന്ന പാടെ അവിടുത്തെ പയ്യന്‍ വന്നു ചിരിച്ചു കാണിച്ചു.. എന്നിട്ട് കന്നടയില്‍ എന്തൊക്കെയോ മൊഴിഞ്ഞു.. കന്നഡ നല്ല സ്ട്രോങ്ങ്‌ ആയതു കാരണം നമ്മുടെ ഭാഗത്ത് നിന്ന് ഒരു "ഗൊത്തില്ല" പോലും വന്നില്ല.. നിരാശന്‍ ആയ പയ്യന്‍ അടുത്ത സാധനം എടുത്തിട്ട്.. ഹിന്ദി.. എവിടുന്നു... നമ്മള്‍ ഇവന്‍ ഇതു ഏതു ഭാഷയാ പറയുന്നത് എന്നുള്ള ഭാവത്തില്‍ നോക്കി.. അതില്‍ പിന്നെ അവന്‍ കന്നഡ അല്ലാതെ വേറെ ഒന്നും മൊഴിഞ്ഞില്ല. നമ്മള്‍ തിരിച്ചു കൂടുതല്‍ സമയവും മലയാളത്തില്‍ തന്നെ മൊഴിഞ്ഞു.. ഏകദേശം ഒരു ഊഹം വെച്ചാണ് രണ്ടു കൂട്ടരുടെയും പോക്ക്..
അവന്‍ ചോദിച്ചു എന്ന് ഞങ്ങള്‍ക്ക് തോന്നിയത് മാത്രം ആണ് താഴെ കൊടുത്തിരിക്കുന്നത്‌
പയ്യന്‍ :- ഏതു ടൈപ്പ് കാര്‍ഡ്‌ ആണ് നിങ്ങള്‍ ഉദേശിക്കുന്നത്??
വയറന്‍ :- ആ.. മാഷേ ചുമ്മാതെ കാണിക്കു.. ഇങ്ങനെ ഒക്കെ അല്ലെ.. നമ്മളും പരിചയപ്പെടുന്നെ..
ഞാന്‍:- ഡേയ് അലമ്പ് ഉണ്ടാക്കാതെ.. ഞാന്‍ ഡീല്‍ ചെയ്തോളാം.. ഒരു പെണ്ണ് കെട്ടാന്‍ ഉള്ള പക്വത ആയെങ്കില്‍ പിന്നെ ഒരു കാര്‍ഡ്‌ നോക്കാന്‍ ആണോ അറിയാന്‍ മേലാത്തെ?
ഡേയ് പയ്യന്‍.. നമ്മള്‍ ഒരു താളിയോല ടൈപ്പ് സാധനം ആണ് നോക്കുന്നത്..
പയ്യന്‍:- ഭഗവാനെ.. അങ്ങനെ ഒരു സാധനം ഞാന്‍ എന്റെ ജീവിതത്തില്‍ കേട്ടിട്ടില്ല സാറേ!!
ഞാന്‍:- ഓ ഇവന്‍ ഇത്ര മണ്ടന്‍ ആയി പോയല്ലോ.. ഡേയ് ഈ നാരായം ഒക്കെ വെച്ച് എഴുതില്ലേ ഒരു ഇല പോലത്തെ ഐറ്റം.. എവിടുന്നു.. ഇത് ഒരു വഴിക്ക് പോകില്ലാ... ആ പണ്ട് മുതലേ "dumb charades" നു സമ്മാനം അടിച്ചോണ്ട് ഇരുന്നത് വെറുതെ ആണോ.. അതായത്.. ഇത് വരെ പറഞ്ഞത് എല്ലാം മറന്നേക്കു..ഞാന്‍ ആംഗ്യം കാണിച്ചു തുടങ്ങി.. ഒരു കൈ വിടര്‍ത്തി പിടിച്ചു മറ്റേ കൈ കൊണ്ടു അവിടെ എല്ലാം എഴുതി കാണിച്ചു..
പയ്യന്‍:- ഓ ഇതാരുന്നോ കാര്യം.. പേന വേണം അല്ലെ.. ഇന്നാ..
ഞാന്‍ :- ഡാ അലവലാതി.. ഞാന്‍ ഈ പാട് പെട്ട് കാണിക്കുന്നത് ഒന്ന് മനസ്സിലാക്കാന്‍ ശ്രമിക്കെടാ..
കുറച്ചു നേരം ഞാന്‍ എന്റെ ഈ കലാപരിപാടി തുടര്‍ന്നപ്പം.. പയ്യന്‍ ഇധി കര്‍ത്താവ്യതാ മൂഡന്‍ ആയി കാണപ്പെട്ടു.. ഇതില്‍ മനസ്സ് നൊന്താണെന്ന് തോന്നുന്നു വയറന്‍ ചാടി കേറി പറഞ്ഞു.. ഡാ നമുക്ക് ഇംഗ്ലീഷില്‍ പറഞ്ഞു മനസ്സിലാക്കാം..
ഞാന്‍:- ആ ശെരിയാ.. മാതൃ ഭാഷയില്‍ പറഞ്ഞു മനസ്സിലാക്കാന്‍ പറ്റാത്ത സാധനം.. ഇനി ഇംഗ്ലീഷില്‍.. കൊള്ളാം.. നല്ല കോണ്ഫിടെന്‍സ്.. ഇത്രയും കോണ്ഫിടെന്‍സ് ഇതിനു മുന്നേ ഞാന്‍ പാമ്പിനു മാത്രമേ കണ്ടിട്ടുള്ളൂ.. അവന്‍ അത് കാരണം വര്‍ഷങ്ങള്‍ ആയി യൂടുബില്‍ ജോലി ചെയ്യുന്നു.. ഭഗവാനെ... അവനു നല്ലത് മാത്രം വരുത്തണേ..
എന്തായാലും വയറന്‍ പറഞ്ഞതല്ലേ.. ഒന്ന് ശ്രമിച്ചു നോക്കാം.. ഞാന്‍ ആലോചിച്ചു നോക്കി.. താളിയോല.. അതിന്റെ ഇംഗ്ലീഷ്...??? ഉപ്പുമാവ് പോലത്തെ വല്ല സാധനവും ആരുന്നേല്‍ ലാലേട്ടന്‍ പണ്ട് ചെയ്ത പോലെ ഒന്ന് രണ്ടാക്കി പറഞ്ഞു നോക്കാരുന്നു.. ഇതിപ്പം അതിനു പോയാല്‍ താളി എന്നതിന്റെ ഒക്കെ ഇംഗ്ലീഷ് .. എന്റെ ഷേക്ക്‌സ്പിയര്‍ ഭഗവാനെ... ഞാന്‍ കൂട്ടാന്‍ നോക്കിയാല്‍ കൂടില്ല..
കുറെ നേരം ആലോചിച്ചിട്ടും.. ഒരു രക്ഷയും ഇല്ല.. കൂടെ ഉണ്ടാരുന്ന സായിപ്പ് ആര്‍ക്കെയും.. മദാമ്മ രമ്യയും അമേരിക്കയില്‍ ആയി പോയത് ഒരു നഷ്ടബോധം തോന്നിയ ആദ്യത്ത നിമിഷം.. പിന്നെ ഉള്ളത് മത്തായി ആണ്.. അവനെ വിളിച്ചു ചോദിച്ചാല്‍.. ഉണ്ടാകുന്ന അനുഭവം ഓര്‍ത്തപ്പം ആത്മഹത്യയെ കുറിച്ചാണ് ഓര്‍മ വന്നത്.. വിളിച്ചു ചോദിച്ചാല്‍ ഒന്നും കിട്ടത്തും ഇല്ല.. എന്നാല്‍ തള്ളിനു ഒരു കുറവും കാണില്ല.. എന്തേലും ഒക്കെ പറഞ്ഞ കാര്യങ്ങള്‍ തന്നേം പിന്നേം പറഞ്ഞു കൊണ്ടു ഇരിക്കും.. എന്നാല്‍ അറിയില്ല എന്ന് സമ്മതിക്കുവോ അതും ഇല്ല.. ചുമ്മാതല്ല ഇപ്പം "IIM(A)" ഇല്‍ ഇരിക്കുന്നത്.. ദൈവമേ... അവനും നല്ലത് മാത്രം വരുത്തണേ... എല്ലാം ജയിച്ചു കേറി.. ഒറ്റ വര്ഷം പോലും പോകാതെ പഠിച്ചു ഇറങ്ങാന്‍ സഹായിക്കണേ..

അവസാനം നമുക്ക് ടെക്നിക് പിടി കിട്ടി, ഛെ ഇത് നേരത്തെ ചിന്തിക്കണ്ടാതാരുന്നു.. എന്താ വയറാ നമുക്ക് ഈ ബുദ്ധി നേരത്തെ തോന്നാതിരുന്നെ?
വയറന്‍:- എല്ലാത്തിനും അതിന്റേതായ സമയം ഉണ്ട് ദാസാ!!

ഞാന്‍ :- ഡേയ് പയ്യന്‍സ്.. "we are looking for a LEAF type card.."
പയ്യന്‍:- എന്റെ ചേട്ടന്മാരെ ഇതങ്ങു നേരത്തെ പറഞ്ഞാല്‍ പോരാരുന്നോ.. ദാ പിടിച്ചോ..
ഞങ്ങള്‍ നോക്കി നിന്നപ്പം അവന്‍ ഒരു ഫയല്‍ തുറന്നിട്ട്‌ പല തരത്തില്‍ ഉള്ള ഇലകളുടെ കാര്‍ഡുകള്‍ എടുത്തിടുന്നു..
കുറെ എണ്ണം... ആലിന്റെ ഇല.. പിന്നെ.. പ്ലാവ്, മാവ്, തേക്ക്, ഈട്ടി.. അങ്ങനെ ലോകത്ത് ഉള്ള സകല വിധ ഇലകളും നിരന്നു വീണു.. നമ്മള്‍ നോക്കിയ താളിയോല ഒഴിച്ച് എല്ലാം ഉണ്ട് അതില്‍.. നമ്മള്‍ രണ്ടാളും കുറച്ചു നേരം കൂടി വെയിറ്റ് ചെയ്തു.. ഇനി ബാക്കി ഉള്ള ഇലകള്‍ വീഴാന്‍.. അവന്‍ പറഞ്ഞു.. ഇനി പെറുക്കി ഇടാന്‍ അവന്റെ കയില്‍ ഇല ഒന്നും ഇല്ലാന്ന്..

ഞാന്‍:- ഓക്കേ.. നമ്മള്‍ അടുത്ത് അടുത്ത് വരുന്നുണ്ട്.. ഇനി നമുക്ക് തെങ്ങിന്റെ ഇല വേണം.. "we are looking for coconut tree leaves..."
പയ്യന്‍ :- ഏ??? എന്തോന്നാ.. ??
ഞാന്‍:- പ്ലാവില എടുത്തു കാണിച്ചിട്ട്.. "ദിസ്‌ ഈസ്‌ പ്ലാവിന്റെ ഇല..", "ദിസ്‌ ഈസ്‌ ആലിന്റെ ഇല.." ഇനി.. "വെയര്‍ ഈസ്‌ തെങ്ങിന്റെ ഇല..?"
പയ്യന്‍:- തെങ്ങിന്റെ ഇലയോ? എന്റെ സാറെ.. അത് തീരെ ചെറുതാ..അത് തന്നെ അല്ല അതിന്റെ നടുക്ക് ഒരു ഈര്‍ക്കിലിം ഉണ്ട്.. അതില്‍ നിങ്ങള്‍ ഭാര്യ ഭര്‍ത്താക്കന്മാരുടെ പേര് പോലും എഴുതാന്‍ പറ്റില്ല.. ഒരു ഫുള്‍ കല്യാണക്കുറിക്ക് ഒരു ചൂല് ഉണ്ടാക്കാന്‍ ഉള്ള ഓല വേണം.. സാര്‍ എന്താ എന്നെ കളിയാക്കുവാണോ..ഇമ്മാതിരി പരിപാടീം ആയിട്ട് കേരളത്തില്‍ നടക്കുന്ന പോലെ ഇവിടെ വന്നു കളിക്കല്ലേ.. ഇത് സ്ഥലം വേറെയാ..
ഞാന്‍:- എന്റെ പൊന്നു അനിയാ.. ഞാന്‍ ഭയങ്കര സീരിയസ് ആയിട്ട് പറഞ്ഞതാ.. "Please don't misunderstand me.."
പയ്യന്‍:- സാറെന്നു വിളിച്ച നാക്ക്‌ കൊണ്ടു എന്നെ കൊണ്ടു വേറെ ഒന്നും വിളിപ്പിക്കല്ല്.. ഈ കിടക്കുന്ന ഏതേലും ഇല എടുത്തോണ്ട് പോടാ..
ഞാന്‍:- ഉയ്യോ.. ചേട്ടാ.. ഒരു അബദ്ധം പറ്റിയതാ..എന്തായാലും ഈ സാധനം ആയിട്ട് ചെന്നാല്‍ എന്നെ വീട്ടില്‍ കേറ്റില്ല..തന്നെയും അല്ല.. ഇമ്മാതിരി സാധനങ്ങള്‍ ഞങ്ങളുടെ നാട്ടില്‍ കല്യാണക്കുറി ആയിട്ട് ഉപയോഗിക്കാറില്ല.. ഇതൊക്കെ വേണേല്‍ ഞാന്‍ കൊണ്ടു പോയി.. എന്റെ കല്യാണ പന്തലോ, അല്ലേല്‍ എന്റെ മണിയറയോ വല്ലോം വേണേല്‍ അലങ്കരിച്ചോളാം..
പയ്യന്‍:- പിന്നെ എന്നാ കാണിക്കാനാ രാവിലെ കുളിച്ചു ഒരുങ്ങി ഇങ്ങോട്ട് ഇറങ്ങിയത്‌?
ഞാന്‍:- ചൂടാവാതെ ചേട്ടാ.. നമുക്ക് കുറി വേണം.. ഇനി ഇപ്പം നമുക്ക് അസാധാരണത്വം ഇല്ലാത്ത കാര്‍ഡ്‌ മതി.. ചേട്ടാ.. വെള്ള കളറില്‍ ഗണപതിയുടെ പടം പുറത്തു ഉള്ള കാര്‍ഡ്‌ ഉണ്ടോ?
പയ്യന്‍:- ഡാ ഷിബൂ.. ഞാന്‍ പോയി ഒരു ചായ കുടിച്ചിട്ട് വരാം.. ഈ അലവലാതികള്‍ക്ക് വേണ്ടത് എന്നതാന്നു വെച്ചാല്‍ എടുത്തു കാണിക്കു..
അവന്‍ ചായ കുടിക്കാന്‍ തന്നെ ആണോ പോയത്.. അതോ വല്ല ഗുണ്ടകളേം വിളിക്കാന്‍ പോയത് ആണോ എന്നൊരു സംശയം നമ്മുടെ ഉള്ളില്‍ ബലപ്പെട്ടു.. അത് കൊണ്ടു ഷിബു എടുത്തു കാണിച്ച ആദ്യത്തെ കാര്‍ഡ്‌.. വെളുത്ത കളറില്‍.. ഗണപതിയുടെ പടം പുറത്ത് ഉള്ളത്.. നമ്മള്‍ക്ക് വല്ലാണ്ട് അങ്ങ് ഇഷ്ടപ്പെട്ടു.. നമ്മള്‍ പറഞ്ഞു.. ഇനി ഒന്നും എടുക്കണ്ട.. നമ്മള്‍ ഇതില്‍ ഉറപ്പിച്ചു..
ഷിബു:- എത്ര എണ്ണം വേണം മൊത്തം?
ഞാന്‍:- ഒരു നാനൂറു എണ്ണം ഒക്കെ വേണം എന്ന് തോന്നുന്നു.. ഒരു മിനിറ്റ്.. ഞാന്‍ അമ്മയെ ഒന്ന് വിളിച്ചു നോക്കട്ടെ..
അമ്മയെ ഫോണ്‍ വിളിച്ചു കഴിഞ്ഞപ്പം നാനൂറു എന്നത് ഇരുനൂറു ആയി ചുരുങ്ങി..
ഷിബു:- ഓ ഇരുനൂറു കാര്‍ഡ്‌ വാങ്ങാന്‍ ആരുന്നോ.. ഈ ഡെമോ എല്ലാം? ഞാന്‍ വിചാരിച്ചു വല്ല പത്തോ അയ്യായിരോ വല്ലോം ആരിക്കും എന്ന്..
ഞാന്‍ മനസ്സില്‍ പറഞ്ഞു.. ഡാ അലവലാതി.. മൈസൂര്‍ കൊട്ടാരത്തില്‍ നിന്ന് അല്ല ഞാന്‍ വരുന്നത്.. ഒരു പ്രാരബ്ധക്കാരനാ.. ശമ്പളം ഒക്കെ കൂടി കിട്ടിയ കാലം മറന്നു.. വേറെ ഒരിടത്ത് ചെന്നാലും ജോലി കിട്ടതില്ലാത്തത് ഇപ്പോഴത്തെ കമ്പനിയുടെ ഭാഗ്യം..

അങ്ങനെ നമ്മള്‍ ഇരുനൂറു കാര്‍ഡും വാങ്ങി... അതും അവന്മാര്‍ പറഞ്ഞ വിലയും കൊടുത്തു... തറവാട്ടില്‍ പിറന്നു പോയി.. ചുമ്മാതെ കിടന്നു വാ ഇട്ടടിച്ചു.. പേശി കൊണ്ടു നിക്കാന്‍ താല്പര്യം ഇല്ല.. [അല്ലാതെ മറ്റേ പയ്യന്‍ ചായ കുടിച്ചിട്ട് വരുന്നതിനു മുന്നേ രക്ഷ പെടാന്‍ ഒന്നും അല്ല.. ]

വീട്ടില്‍ വന്നിട്ട്.. അമ്മെ.. നോക്കൂ.. എത്ര മനോഹരം ആയ കാര്‍ഡ്‌... അകത്തും പുറത്തും ഗണപതിയുടെ പടം.. ആഹഹ.. സുന്ദരം.. നയന ആനന്ദകരം..
അമ്മ:- നിനക്ക് എന്താ വല്ല തല്ലും കിട്ടിയോ? ഇങ്ങനെ ഒക്കെ പെരുമാരുന്നെ?
ഞാന്‍ മനാസില്‍:- ഏ? ഇനി ഷിബു എങ്ങാനും അമ്മയെ വിളിച്ചോ? ഏയ്‌.. അതിനു നമുക്കിട്ടു തല്ലു കൊണ്ടില്ലല്ലോ.. കൊള്ളാന്‍ തുടങ്ങി അല്ലെ ഉള്ളൂ..
അമ്മ:- ഇതിനു എത്ര രൂപയാ മോനെ? രണ്ടു രൂപ ആണോ?
ഞാന്‍:- അമ്മെ.. നമ്മള്‍ ചുമ്മാതെ പേശികൊണ്ടോന്നും നിന്നില്ല.. നമ്മുടെ കുടുംബ മഹിമക്ക് ചേര്‍ന്നതാണോ? വില ഒന്നും അമ്മ അറിയണ്ട.. എന്നാലും അത്രയ്ക്ക് ഒന്നും ആയില്ല.. ഏതാണ്ട് ഒരു നാല് ഇരട്ടി ഇപ്പം പറഞ്ഞതിന്റെ..
അമ്മ ഒരു നെടുവീര്‍പ്പ് ഇട്ടു ആ കാര്‍ഡിലേക്ക്‌ നോക്കുന്നത് മാത്രം കണ്ടു...

വാലറ്റം :-
അവസാനം മഷിത്തണ്ടില്‍ പോയി നോക്കിയപ്പം താളിയോല എന്നതിന്റെ അര്‍ഥം:-
"Leaf of the Palmyra used for writing on" മണ്ടന്മാര്‍ അവന്മാര്‍ക്കും അറിയില്ല.. അപ്പം എന്നെ കുറ്റം പറഞ്ഞിട്ട് കാര്യം ഇല്ല.. ഈ പോസ്റ്റിന്റെ മുകളില്‍ ഞാന്‍ ഒരു പടം കൊടുത്തിട്ടുണ്ട്‌.. ഏതാണ്ട് അത് പോലത്തെ ഒരു സാധനം ആരുന്നു എന്റെ മനസ്സ് നിറയെ..
ഹോ എന്തൊക്കെ ആരുന്നു... കല്യാണക്കുറി.. താളിയോല.. നാരായം, ലീഫ്.. അവസാനം പവനായി കുറിയായി

Getting the IP Addres of a Win CE running board

2010-01-22T04:24:00.000-08:00

The following program will help in Obtaining the IP of a Windows CE running board. Its written in C Language. The same will work with all higher version of Windows as well. If you need the other IPs connected to the network adapter, you can access the content of phe->h_addr_list[i], where i will be incremented for each network adapter.

#include

void getIP()
{
char* g_pcIPAddr;
WSAData wsaData;
WSAStartup(MAKEWORD(1, 1), &wsaData);

char ac[80];
gethostname(ac, sizeof(ac));

struct hostent *phe = gethostbyname(ac);
struct in_addr addr;
memcpy(&addr, phe->h_addr_list[0], sizeof(struct in_addr));

g_pcIPAddr = inet_ntoa(addr);

WSACleanup();

return;
}

ഹുഅവേയിലെ അവസാനത്തെ മെയില്‍

2010-01-12T02:06:00.000-08:00

വിട വാങ്ങട്ടെ
നമസ്കാരം പ്രിയ സുഹൃത്തേ
അങ്ങനെ നീണ്ട കുറെ നാളുകള്‍ക്ക് ശേഷം ഞാനും ഈ ഹുവാവെ ടെ പടവുകള്‍ ഇറങ്ങുന്നു!! പുതിയ സുഹൃത്തുക്കള്‍, പുതിയ ചുറ്റുപാടുകള്‍ എല്ലാം തേടിയുള്ള ഒരു യാത്ര. നിങ്ങളുടെ എല്ലാം ഒപ്പം ഉള്ള ഈ നീണ്ട കാലയളവ്‌ ഞാന്‍ ശെരിക്കും ആസ്വദിച്ചു. ഞാന്‍ ഇവിടെ ഈ ഒരു ചുറ്റു പാടില്‍ തികച്ചും സന്തോഷവാന്‍ ആരുന്നു.. അതിനു ഒരായിരം നന്ദി. അക്കരപച്ച തേടിയുള്ള ഈ യാത്രയില്‍ ഇനി മേയാന്‍ ഇറങ്ങുന്ന പുല്‍മേട്ടിലും ഇതേ പോലത്തെ ഒരു സുഹൃത്ത് ബന്ധം കാണട്ടെ എന്ന് ഞാന്‍ പ്രാര്‍ത്ഥിക്കുന്നു.

അങ്ങനെ നാളെ ആണെന്റെ അവസാനത്തെ പ്രവൃത്തി ദിവസം ..

എന്നോടോത്തുണരുന്ന പുലരികളെ ... എന്നോടൊത്തു കിനാവ് കണ്ടു ചിരിക്കും ഉഷസുകളെ .....

യാത്ര തുടരുന്നു .... ശുഭ യാത്ര നേര്‍ന്നു വരൂ ......

യാത്ര തുടരുന്നു .... ശുഭ യാത്ര നേര്‍ന്നു വരൂ ......

അപ്പം ശെരി ...

അഖില്‍

ഈ മേല്പറഞ്ഞ മെയില്‍ ഇന്ന് എന്റെ ഒരു പഴയ സഹ പ്രവര്‍ത്തകന്‍ എടുത്തു അയച്ചു തന്നതാണ്. ഈ പുതിയ മേച്ചില്‍ പുറത്തു ഇപ്പം ഞാന്‍ പഴയ കമ്പനിയില്‍ ചിലവഴിച്ച അത്രയും സമയം തന്നെ ഏകദേശം ആകാറായി. എന്നാല്‍ അവിടെ ലഭിച്ചത് പോലെ ഉള്ള ഒരു സുഹൃത്ത് ബന്ധം എനിക്കിന്നും ഇവിടെ ഇല്ല.. എന്നാല്‍ സുഹൃത്ത് ബന്ധത്തിന് വേണ്ടി അല്ല ഞാന്‍ അവിടെ നിന്നും മാറിയത്.. എന്താരുന്നോ ഞാന്‍ ആ മാറ്റത്തിലൂടെ ആഗ്രഹിച്ചത്‌ അതെല്ലാം എനിക്കീ പുതിയ കമ്പനിയില്‍ കിട്ടുകയും ചെയ്തു.. എന്നാലും അവിടം ശെരിക്കും ഒരു സ്വര്‍ഗം ആയിരുന്നു.. പല പല കാര്യങ്ങളും ഞാന്‍ ശെരിക്കും മിസ്സ്‌ ചെയ്യുന്നു.. ആ ചിലതൊക്കെ നഷ്ടപ്പെട്ടാലല്ലേ മറ്റു പലതും നമുക്ക് നേടാന്‍ ആകൂ.. അത് കൊണ്ട് ഞാന്‍ ഇവിടെയും സന്തോഷവാന്‍ ആണ്.. എന്ന് എന്നെ തന്നെ ഞാന്‍ വിശ്വസിപ്പിച് ഇരിക്കുന്നു ഈ കഴിഞ്ഞ 2-3 വര്‍ഷങ്ങള്‍ കൊണ്ട് ...

Speech by Chetan Bhagat at Symbiosis

2009-11-23T07:16:00.000-08:00

Got this one as a fwd. But its seems to be really True in all our lives.. So thought of sharing this..

Don’t just have career or academic goals. Set goals to give you a balanced, successful life. I use the word balanced before successful. Balanced means ensuring your health, relationships, mental peace are all in good order.

There is no point of getting a promotion on the day of your breakup. There is no fun in driving a car if your back hurts. Shopping is not enjoyable if your mind is full of tensions.

"Life is one of those races in nursery school where you have to run with a marble in a spoon kept in your mouth. If the marble falls, there is no point coming first. Same is with life where health and relationships are the marble. Your striving is only worth it if there is harmony in your life. Else, you may achieve the success, but this spark, this feeling of being excited and alive, will start to die. ……………….

One thing about nurturing the spark - don't take life seriously. Life is not meant to be taken seriously, as we are really temporary here. We are like a pre-paid card with limited validity. If we are lucky, we may last another 50 years. And 50 years is just 2,500 weekends. Do we really need to get so worked up? …………….

It's ok, bunk a few classes, scoring low in couple of papers, goof up a few interviews, take leave from work, fall in love, little fights with your spouse. We are people, not programmed devices........." :)

"Don't be serious, be sincere."!!

One night at Bally

2009-11-21T12:31:00.000-08:00

Thus finally I did my complete night out yesterday. This is the first time, I am doing this after joining Bally. One of our products which went for a release is having some kind of strange issues. It’s not showing that regularly, some times in some machines. And that too it’s hard to reproduce. In India, we couldn’t even able to reproduce that. With some effort, our US QA Team was successful in reproducing that. It’s something like, if some 20 units are connected, 1 may fail.

With the help of log messages, we started debugging the issue, fixed some of the things, the main problem is still going on. If we are missing some data in 1 port, we are ending up in missing 1 file. Since this is in a serial environment, we can’t guarantee the data delivery.

Currently for the past few days and till the fix works completely, I have to work in US timings. Yesterday I came to office at 11AM and left today morning at 7AM. But I didn’t feel any sad or anger or any feeling like that. I was really happy being here. Though after 12 O’ clock in the night, I don’t think my office was having anybody else, other than the support staff.

Actually, I am the only one currently available in Bally who did work on this product. But none of the top officials did blame me for not fixing this. This issue is escalated like anything till the top level. What I like most in this Bally’s culture is nobody is trying to blame you for anything. If something is not working and is hard to fix, all are trying their part to fix that.

In the meeting which I had from night 3 O’ clock till morning 7, there were 2 directors in US, our Vice President, 3 developers and 2 QA team members. None was trying to blame anybody. All were trying for the final goal. I was really impressed. The culture difference between my previous company and this one is huge. I really love to be in Bally.

I know, if a VP is spending his 5 hours in a day for an issue, how much important this would be for the company. And the directors who were part of this meeting, woow.. there is no surprise, why they are in such a position at this young age. The way they are approaching a problem.. well I am impressed.

NB:- Don’t know whether the management is having some plans to FIRE me for this escalated issue. But truly, I was trying my part in solving the issue. And till they fire me, I love to be in Bally and it’s a great place to work. From the picture with the blog, others may also feel it’s a great place to work. But in India office the same old 99% of girls are beautiful in this world theory can be applied, a Thar desert

ചെന്നൈ സെന്‍തമിഴ്‌ !!!

2009-11-02T01:04:00.000-08:00

അങ്ങനെ ബാലിയില്‍ നിന്നുള്ള അടുത്ത ഓണ്‍സൈറ്റ് തരപ്പെട്ടു. ഒരു വെള്ളിയാഴ്ച അങ്ങനെ ഇരിക്കുമ്പം പെട്ടെന്ന് മാനേജറിനു ബോധോദയം.. എന്നെ ചെന്നൈയിലേക്ക് പറഞ്ഞു അയക്കാന്‍. ഇവിടെ വരണ്ട കാരണം എന്താണെന്നു വെച്ചാല്‍ :- ഞാന്‍ പണ്ട് ഒന്ന് അമേരിക്കയില്‍ പോയി ഒരു സായിപ്പിന്റെ കൂടെ ജോലി ചെയ്താരുന്നു.. മച്ചാനെ ഇവന്മാര് കേറി ഫയര്‍ ചെയ്തു.. എന്താണ് കാരണം എന്ന് ആരാഞ്ഞപ്പം കിട്ടിയ മറുപടി കേട്ട് ഞെട്ടി.. പുറത്തു പറയാന്‍ താല്പര്യം ഇല്ലാത്തതു കാരണം ഇവിടെ ഞാന്‍ അത് എഴുതുന്നില്ല.. എന്റെ കമ്പനിയെ കുറിച്ചുള്ള സകല മതിപ്പും അതോട്‌ കൂടി പോകും.. അല്ല.. ഇതിനു അത്ര മതിപ്പൊന്നും ആര്‍ക്കും കാണില്ല എന്ന് അറിയാം.. എന്നാലും ഇനി എങ്ങാനും എന്തേലും ഉണ്ടെങ്കിലോ.. അത് കളയണ്ട..

അങ്ങനെ മച്ചാന്‍ പോയതോട് കൂടി.. "മായാവി2.0"[കമ്പനി എത്തിക്സ് കാരണം പേര് ഒന്ന് മാറ്റി ഇടുന്നു] എന്ന പ്രൊജക്റ്റ്‌ എന്റെ കുത്തക ആയി.. വേറെ ഒരുത്തനും മൊത്തം കമ്പനിയില്‍ ഈ സാധനത്തില്‍ പണിതിട്ടില്ല.. അങ്ങനെ ഇരിക്കുമ്പം വേറെ ഏതോ ഒരു കമ്പനിയുടെ കസ്റ്റമര്‍ ആരുന്ന.. ഒരു കാസിനോ അവരുടെ സര്‍വ്വീസ് (സായിപ്പന്മാര്‍ സാദരം ക്ഷമിക്കുക.. സേര്‍വിസ് എന്ന് പറയണം എന്ന് ആഗ്രഹം ഉണ്ട്) മോശം ആയതു കാരണം അവര്‍ നമ്മുടെ കസ്റ്റമര്‍ ആയി.. കഷ്ടകാലത്തിനു എന്റെ പ്രോജക്ടിലെ ഒരു സംഭവം എന്ത് ചെയ്തിട്ടും ശെരി ആവുന്നില്ല.. ദൈവം സഹായിച്ചു അങ്ങനെ ഒരു സാധനം ബാംഗ്ലൂറിലെ ഓഫീസില്‍ ഇരുന്നാല്‍ എനിക്ക് കാണാന്‍ പറ്റുന്നില്ല.. വേറെ കുറച്ചു സെറ്റപ്പ് ഒക്കെ വേണം അത് കാണണേല്‍.. ആ സെറ്റപ്പ് ചെന്നൈയിലെ ഓഫീസില്‍ ഉണ്ടെന്നു അറിഞ്ഞു നേരെ ഇങ്ങോട്ട് വെച്ച് പിടിച്ചോളാന്‍ പറഞ്ഞു.. അധികം താമസിയാതെ ബാക്കി കാര്യങ്ങളും അറിവായി.. അതായത് ഒരു 20 മേല്‍പറഞ്ഞ "മായാവി2.0" എങ്കിലും ആ സെറ്റപ്പില്‍ കണക്ട് ചെയ്താലേ ഈ പ്രശ്നം കാണാന്‍ പറ്റുന്നുള്ളൂ. നമുക്ക് ചെന്നൈയില്‍ ആകെ ഉള്ളത് ഒരെണ്ണം ആണ്.. അത് കൊണ്ട് ഞാന്‍ ബാംഗ്ലൂരില്‍ ഇരുന്നാലും ചെന്നൈയില്‍ ഇരുന്നാലും പ്രത്യേകിച്ച് വ്യത്യാസം ഒന്നും ഇല്ല.. ഒരു ഊഹം വെച്ച് അങ്ങ് താങ്ങുക.. ഒത്താല്‍ പറയാം ഒത്തെന്നു.. ആ ഒരു അവസ്ഥ.. ഞാന്‍ മാനേജറിനോടു കരഞ്ഞു കാലു പിടിച്ചു
പറഞ്ഞു.. ഞാന്‍ അവിടെ പോയിട്ട് ഒന്നും ചെയ്യാന്‍ ഇല്ല.. എനിക്ക് ഒരു ഐഡിയയും ഇല്ല.. എങ്ങനെ ഇത് ശെരി ആക്കണം എന്നതിനെ കുറിച്ച് എന്നെല്ലാം.. പുള്ളി ഒരു രീതിയിലും അടുക്കുന്നില്ല.. പോയി നോക്ക്.. ഇനി എങ്ങാനും ബിരിയാണി കൊടുക്കുന്നുണ്ടെങ്കിലോ ആ ഒരു ലൈനില്‍ ആണ് കക്ഷി.. എന്തായാലും അമ്മ നാട്ടില്‍ ആരുന്നത് കാരണം ഞാന്‍ ഓക്കേ പറഞ്ഞു.. ഇവിടെ എത്തി..
എത്തികഴിഞ്ഞപ്പം ആണ് അറിയുന്നത് ഇവിടെ ഒരു കേബിള്‍ ഇല്ല എന്ന്.. വന്നത് വെറുതെ ആയല്ലോ
ഭഗവാനെ.. എന്നാലും ഇവര് വിടുന്നില്ല.. ഇവര് പറയുന്നത് ഇനി ഇത് ശെരി ആക്കിട്ട് തിരിച്ച് പോയാല്‍ മതി എന്നാ.. ആ തീരുമാനം ആയി.. അങ്ങനെ എങ്കില്‍ ചെന്നൈയിലേക്ക് ഞാന്‍ സ്ഥലം മാറി എന്ന് പറയുന്നതാവും ഭേദം.. ഒരു ഊഹം വെച്ച് തന്ങുന്നതിനു ഒക്കെ ഒരു ലിമിറ്റ് ഇല്ലേ.. കോളേജിലെ ലാബ്‌ എക്സാമിന് പോലും ഇങ്ങനെ ഒരു കറക്കി കുത്ത് വേണ്ടി വന്നിട്ടില്ല.. അപ്പം ഞാന്‍ തീരുമാനിച്ചു.. ഇനി എന്നും ചെന്നൈ സെന്തമിഴ്ത് ഓര്‍തേന്‍ ഉന്നാകെ അല്ലെങ്ങില്‍.. കോട്ടയം മലയാളം മറന്തെന്‍ ഉന്നാകെ .. ഇവിടെ ഉന്നാകെ എന്ന് കവി ഉദേശിച്ചത് നമ്മുടെ കഥ നായകന്‍ ആയ "മായാവി2.0" ആണ്..

അങ്ങനെ ചെന്നൈയില്‍ വന്നു ഇരുന്നു ഞാന്‍ എന്റെ ബാംഗ്ലൂറിലെ കമ്പ്യൂട്ടര്‍ ഞാന്‍ ഇവിടെ ഇരുന്നു റിമോട്ട് ഡസ്ക്ടോപ്‌ വെച്ച് അക്സസ്സ് ചെയ്യുന്നു.. ബാംഗ്ലൂരില്‍ വെച്ച് ചെയ്തോണ്ട് ഇരുന്ന കറക്കികുത്ത് പരിപാടി ഇവിടെ വന്നു ചെന്നൈയില്‍ ഇരുന്നു ചെയ്യുന്നു. അങ്ങനെ ഇരിക്കുമ്പം പെട്ടെന്ന് അമേരിക്കയില്‍ നിന്ന് സായിപ്പിന്റെ ഒരു വിളി വരുന്നു.. ഒരു 2 മാസം മുന്നേ ഞാന്‍ അയച്ചു കൊടുത്ത ഒരു കോഡ് വര്‍ക്ക്‌ ചെയ്യുന്നുണ്ടെന്ന്.. ഭഗവാനെ.. ഇവന്മാര് എന്നെ തല്ലിക്കൊല്ലും.. അപ്പം ഞാന്‍ ഇത്രയും നാളു ചെയ്ത ബഗ് ഫിക്സ് ആണോ ഇതിനെല്ലാം കാരണം? ദൈവമേ.. ഇത്രയും ഒക്കെ എന്നെ കൊണ്ട് സാധിച്ചോ? അങ്ങനെ അന്ന് ചെയ്ത ആ സംഭവം ഞാന്‍ ഇത് വരെ അയചോണ്ട് ഇരുന്ന
കോഡിന്റെ മുകളിലേക്ക് കയറ്റി പിടിപ്പിച്ചു. എന്നിട്ട് അയച്ചു കൊടുത്തു.. വീണ്ടും എല്ലാവരും ഞെട്ടി.. സംഭവം കേറി ഫിക്സ് ആയി.. ആര്‍ക്കും ഒരു ഐഡിയയും ഇല്ല.. ഇത് എങ്ങനെ ഫിക്സ് ആയി എന്ന്.. കാരണം മുന്നേ ചെയ്ത ആ സാധനവും നമ്മുടെ പ്രശ്നവും തമ്മില്‍ അജഗജാന്തരം ആയ വ്യത്യാസം ഉണ്ട്.. [അജം = ആട് , ഗജം = ആന, അതായത് ആനയും ആടും തമ്മില്‍ ഉള്ള വ്യത്യാസം] ഇതൊന്നും
വെളിവുള്ള ഒരുത്തന്റെ അടുത്തും പറയാനും പറ്റില്ല.. സായിപ്പു വീണ്ടും മെയില്‍ അയച്ചു.. നമ്മള്‍ എങ്ങനെയോ ഈ സാധനം ഫിക്സ് ആക്കി.. അതെന്നെ കൂടുതല്‍ വിഷമിപ്പിക്കുന്നു എന്നും പറഞ്ഞു.. അങ്ങനെ എല്ലാം റെഡി ആയല്ലോ എന്ന് കരുതി ഇരിക്കുമ്പോള്‍ ഈ പണ്ടാരം എല്ലാം ടെസ്റ്റ്‌ ചെയ്യുന്ന വേറെ സായിപ്പിന്റെ മെയില്‍ വന്നു.. വര്‍ഷങ്ങള്‍ ആയി വര്‍ക്ക്‌ ചെയ്തോണ്ട് ഇരുന്ന ഒരു മെയിന്‍ ഫീച്ചര്‍ പൊട്ടി!!! ദൈവമേ.. അതൊന്നും പൊട്ടിക്കണം എന്ന് വിചാരിച്ചാല്‍ പോലും പൊട്ടില്ലാത്ത കിടിലന്‍ കോഡ് ആരുന്നു.. അതും ഞാന്‍ പൊട്ടിച്ചു.. അതും ഞാന്‍ പോലും അറിയാതെ..

ഇനി അത് എങ്ങനെ ശെരി ആക്കും എന്നതിനെ കുറിച്ച് ഒരു ഐഡിയയും ഇല്ല.. കാരണം അങ്ങനെ പ്രധാനപ്പെട്ട മാറ്റം ഒന്നും ഞാന്‍ വരുത്തിയിട്ടില്ല.. അങ്ങനെ നോക്കി നോക്കി ഞാന്‍ എന്റെ വില്ലനെ കണ്ടു പിടിച്ചു.. പണ്ട് ഫയര്‍ ചെയ്ത സായിപ്പ്‌ എഴുതിയ കോഡ്, ഞാന്‍ ഒന്ന് ക്ലീന്‍ ചെയ്തത.. മച്ചാന്‍ കുറെ ഡീബഗ് സ്റ്റേറ്റ്മെന്റ് ഒക്കെ ഇട്ടിട്ടുണ്ടാരുന്നു.. ഞാന്‍ കേറി അതെല്ലാം ഡിലീറ്റ് ചെയ്തു.. അത് ഏതാണ്ട്
തരത്തിലുള്ള ഒരു ഡിലെ തരുന്നുന്ടരുന്നു അത്രേ.. ഇതൊക്കെ അറിഞ്ഞൊണ്ട് ഒന്നും ആരിക്കില്ല മറ്റവന്‍ ഇതെല്ലം എഴുതി പിടിപ്പിച്ചത്.. എന്തായാലും.. അതെല്ലാം തിരിച്ച് കേറ്റി പിടിപ്പിച്ചു..അങ്ങനെ അത് വര്‍ക്ക്‌ ആയി എന്നുള്ള മെയില്‍ വന്നു.. വെള്ളിയാഴ്ച തിരിച്ച് ബാംഗ്ലൂര്‍ക്ക് പോകാന്‍ ടിക്കറ്റ്‌ ബുക്ക്‌ ചെയ്തിരുന്ന ഞാന്‍ ഈ കാരണങ്ങള്‍ കൊണ്ടെല്ലാം അത് ക്യാന്‍സല്‍ ചെയ്യിച്ചിരുന്നു.. എന്നിട്ട് എല്ലാം ശെരി ആയല്ലോ എന്നാ സമാധാനത്തില്‍ റൂമിലേക്ക്‌ പോയി.. ഒരു അഞ്ചു മിനിറ്റ്‌ ആയി കാണില്ല.. ഒരു ഫോണ്‍ കോള്‍ വന്നു.. ഇപ്പം ഫിക്സ് ചെയ്യാന്‍ ശ്രമിച്ചു കൊണ്ടിരുന്ന സാധനം ഫിക്സ് ആയി.. പക്ഷെ ഞാന്‍ ഇവിടെ വന്നു എങ്ങനെയോ ഫിക്സ് ആയി എന്ന് മുന്നേ പറഞ്ഞ സാധനം വീണ്ടും പൊട്ടി എന്ന്..
ഇവന്മാരുടെ കയീന്നു ഞാന്‍ വാങ്ങിക്കും..

അങ്ങനെ ഒരു നല്ല വീക്ക്‌ ഏന്‍ഡ് സ്വപ്നം കണ്ടു കൊണ്ട് ഇരുന്ന ഞാന്‍ ശനിയാഴ്ച രാവിലെ തന്നെ ഓഫീസില്‍ എത്തി.. 2 മാസം മുന്നേ അയച്ച സാധനം എല്ലാത്തിനും ഇപ്പോഴും വര്‍ക്ക്‌ ചെയ്യുന്നുണ്ടെന്ന്..ദൈവമേ എന്തൊക്ക ആണോ സംഭവിച്ചു കൊണ്ടിരിക്കുന്നത്? അതിന്റെ മുകളിലോട്ട് കേറി ഇത് വരെ പണിതത് എല്ലാം കൂടി കേറ്റി..എന്നിട്ട് അത് അയച്ചു കൊടുത്തു.. എന്നിട്ട് ഒരു ലൈനും കൂടി ഒരു ജാടക്ക് ഇട്ടു.. സായിപ്പ് ടെസ്റ്റ്‌ ചെയ്യാന്‍ വരുന്ന സമയത്ത് ഞാന്‍ ഇവിടെ ഓഫീസില്‍ കാണും എന്ന്. എന്നിട്ട് ഞാന്‍ നേരെ എന്റെ പഴയ കുറച്ചു ഫ്രണ്ട്സിനെ കാണാന്‍ പോയി.. അവിടെ ഒരു 3 പേരെ എനിക്ക് നേരത്തെ തന്നെ അറിയാവുന്നതും വേറെ രണ്ടു പേരെ ആദ്യമായിട്ട് കാണുന്നതും ആരുന്നു..ഉച്ചക്ക് കഴിക്കാന്‍ ആയി ഇറങ്ങിയ ഞങ്ങള്‍ ഫുഡ്‌ കിട്ടാതെ അലഞ്ഞു നടന്നു അവസാനം ഒരു ബാറില്‍ ചെന്ന് കേറി.. പറയാതെ വയ്യല്ലോ... പയ്യന്മാര് മുടിഞ്ഞ കമ്പനി.. ഇത്രയും പെട്ടെന്ന് ഇത്രയും നല്ല കമ്പനി എന്റെ ജീവിതത്തില്‍ കിട്ടീട്ടില്ല.. അവിടെ ഇരുന്നു ഏതാണ്ട് ഒക്കെ വലിച്ചു കേറ്റി .. ഒരു അഞ്ചു മണിക്കൂര്‍ അവിടെ ഇരുന്നു കേറ്റി വെല്യ ബോധം ഒന്നും ഇല്ലാത്ത ഒരു അവസ്ഥയില്‍ വീട്ടിലേക്കു പോന്നു.. അന്നേരം ആണ് ഓര്‍ത്തത്‌.. ജാടക്ക് എഴുതിയ ആ ഒരു ലൈന്‍.. ദൈവമേ.. ഈ ഒരു അവസ്ഥയില്‍.. ഇനി ഓഫീസില്‍ പോയി ഇരിക്കുക എന്ന് പറയുന്നത്.. ചിന്ദിക്കവുന്നതിലും ക്രൂരം ആണ്.. അത് കൊണ്ട് ഒരുത്തന്റെ ലാപ്ടോപില്‍ നിന്ന് ബാംഗ്ലൂറിലെ കമ്പ്യൂട്ടര്‍ അക്സസ്സ് ചെയ്തു
കൊണ്ട് സായിപ്പിന് ഒരു ഫീലിംഗ് മാത്രം ക്രീയേറ്റ് ചെയ്തു.. ഞാന്‍ ഓഫീസില്‍ തന്നെ ഉണ്ട് !!!

കുറെ നേരം ഇരുന്നിട്ടും സായിപ്പിന്റെ മറുപടി വരുന്നില്ല.. ദൈവമേ ഇതെങ്ങാനും വര്‍ക്ക്‌ ചെയ്യുന്നില്ല എന്ന് പറഞ്ഞാല്‍ ഞാന്‍ വീണ്ടും എന്തേലും കറക്കികുത്തി ഒരു ബൈനറി കൂടി അയക്കണ്ടി വരും.. അതൊന്നും ഈ ഒരു അവസ്ഥയില്‍ എന്നെ കൊണ്ട് അപ്രാപ്യം ആരുന്നു.. കുറെ നേരം ഇങ്ങനെ നോക്കി ഇരുന്നു ഇരുന്നു.. ഞാന്‍ ഉറങ്ങിപ്പോയി.. ഉറക്കത്തില്‍ നിന്ന് ഞെട്ടി എഴുന്നേറ്റു ഞാന്‍ മറ്റവനോടു പറഞ്ഞു.. ഡേയ് ഒന്ന് നോക്കിക്കേ.. എന്തേലും മെയില്‍ വന്നോ എന്ന്.. അവന്‍ നോക്കീട്ട് ഒരു മെയില്‍ വന്നളിയാ എന്ന് പറഞ്ഞു.. കളരി പരമ്പര ദൈവങ്ങളെ.. ഇനി ഓഫീസിലേക്ക് പോകാന്‍ ഉള്ള ഇട വരുത്തരുതേ.. അവന്‍ വായിച്ചു.. 3 ടെസ്റ്റ്‌ കേസ് എല്ലാം പാസ്‌ .. ഏ ??? ഞാന്‍ പോയി മുഖം കഴുകി തിരിച്ച് വന്നു.. വീണ്ടും നോക്കി.. സത്യം.. എല്ലാം പാസ്‌ ആയിരിക്കുന്നു.. അവിടെ നോക്കിയപ്പം സായിപ്പിന്റെ ഒരു ഓഫ്‌ലൈന്‍ മെസ്സേജും എല്ലാം ഓക്കേ ആണെന്ന് ഒക്കെ പറഞ്ഞിട്ട്.. കുറെ നേരം ആയിട്ട് എന്റെ മറുപടി കാനഞ്ഞിട്ടു പുള്ളി ഇറങ്ങിപോയി.. ഞാന്‍ പിറ്റേ ദിവസം രാവിലെ എഴുന്നേറ്റു വീണ്ടും മെയില്‍ ചെക്ക്‌ ചെയ്തു.. സത്യം ആണ്... തോന്നിയതല്ല.. സായിപ്പിന് ഒരു മെയിലും അയച്ചു.. ഞാന്‍ ആ സമയത്ത് സീറ്റില്‍ ഇല്ലാരുന്നു.. അത് കൊണ്ട് കണ്ടില്ല.. സോറി !! അങ്ങനെ ഇന്ന് രാവിലെ ഞാന്‍ കോഡ് ചെക്കിന്‍ ചെയ്തു.. കുറച്ചു ഡീബഗ് സ്റ്റേറ്റ്മെന്റ് വരുത്തി വെച്ച ഒരു വിനയെ.. ഇപ്പോഴും
എനിക്ക് ഉറപ്പില്ല.. നാളെ ഇവിടുന്നു തിരിച്ച് പോരുവോ എന്ന്.. ഇന്ന് രാത്രി ആകുംബം അറിയാം വേറെ എന്തേലും പൊട്ടിയോ ഇല്ലയോ എന്ന്.. എന്തായാലും എല്ലാം ഒരു ശുഭ പ്രതീക്ഷയോടെ ഞാന്‍ കാത്തിരിക്കുന്നു... എത്രയോ ജന്മമായി നിന്നെ ഞാന്‍ തേടുന്നു.. ഓഹോഹോ.. "മായാവി2.0".. ഓഹോഹോ..

രാഹുല്‍ ഗാന്ധി

2009-10-20T22:03:00.000-07:00

ഇന്ത്യന്‍ പ്രസിഡന്റിനു ഇല്ലാത്ത അത്ര സുരക്ഷ ആണ് രാഹുല്‍ ഗാന്ധിക്ക്:- അതിനു കാരണം ഉണ്ട്..ഇന്ത്യന്‍ പ്രസിഡന്റിനെ കൊല്ലണം എന്ന് ലോകത്ത് ആരും ആഗ്രഹിക്കുന്നില്ല.. പ്രത്യേകിച്ച് ഒരു ഉപദ്രവവും അവരുടെ ഭാഗത്ത് നിന്നില്ല..ഇന്ത്യന്‍ പ്രസിഡന്റ്‌ എന്നൊരു പോസ്റ്റ്‌ ഇപ്പം ആക്റ്റീവ് ആയിട്ട് ഉണ്ട് എന്ന് പോലും പലര്‍ക്കും അറിയില്ല..അല്ല അവരെ കുറ്റം പറഞ്ഞിട്ട് കാര്യം ഇല്ല.. ഇന്ത്യയില്‍ അങ്ങനെ ഒരു പദവി ഉണ്ടെന്നു അറിഞ്ഞത് അബ്ദുല്‍ കലാം ഇരുന്ന സമയത്ത് മാത്രം ആണ്.. അതിനാല്‍ തന്നെ ഇനി ഒരു തവണ കൂടി അദ്ധേഹത്തെ അവിടെ ഇരുത്താന്‍ ഒരു രാഷ്ട്രീയ പാര്‍ട്ടിയും സമ്മതിക്കില്ല... അത് കൊണ്ട് പിന്നെ അവര്‍ അവിടെ ഇരുന്നോട്ടെ.. രാഹുല്‍ ഗാന്ധി അങ്ങനെ അല്ലല്ലോ.. ഇന്ത്യയുടെ ഭാവി പ്രധാനമന്ത്രി ആണല്ലോ.. അതും അസാമാന്യമായ ജന പിന്തുണയും.. ഈ ഇടക്ക് കോഴിക്കോട്ടെ ഒരു ഹോട്ടലില്‍ കേറി 2 കാപ്പി കുടിച്ചിട്ട് നല്ല കാപ്പി എന്ന് എഴുതി കൊടുത്തു പോലും.. കേരളത്തിലെ തല മൂത്ത കമ്മ്യൂണിസ്റ്റുകാര്‍ ചുമ്മാതെ ഇരിക്കുവോ..രാഹുലിനോ പുള്ളിടെ അമ്മ സോണിയക്കോ ഇല്ലാത്ത ദണ്ഡം നമ്മുടെ കോഴിക്കോട്ടെ ആ പഞ്ചായത്തിലെ പ്രസിഡന്റിനു.. ഉടനെ ആളെ വിട്ടു ഒരു മിന്നല്‍ പരിശോധന.. അധികം സമയം എടുത്തില്ല.. കണ്ടു പിടിച്ചു.. അവിടെ ഉപയോഗിക്കുന്ന കിണറ്റിലെ വെള്ളം മലിനജലം ആണത്രേ.. ഇത്രയും നാളു ആ ഹോട്ടല്‍ അവിടെ ഉണ്ടാരുന്നു.. അന്നൊന്നും തോന്നാത്ത ഈ ഒരു സ്നേഹം ഇത്ര പെട്ടെന്ന് എങ്ങനെ വന്നു എന്നാണു ആ നാട്ടിലെ ജനങ്ങളുടെ ചിന്ദ. രാഹുല്‍ കയറി എന്നുള്ള ഒറ്റ കാരണം കൊണ്ട് പെട്ടെന്ന് പ്രസസ്ഥിയിലേക്ക് ഉയര്‍ന്ന ആ ഹോട്ടലില്‍ ഇപ്പോഴും കുറെ കോണ്‍ഗ്രെസ്സ്കാര് വരുന്നുണ്ട്.. ഇപ്പം കാപ്പി കുടിക്കാന്‍ ചെല്ലുന്നതല്ല.. കാരണം പൂട്ടി കിടക്കുന്ന ഹോട്ടലില്‍ നിന്ന് എന്ത് കാപ്പി.. ഇത് സഹതാപം അറിയിക്കാന്‍ ഉള്ള വിസിറ്റ് ആണെന്ന് മാത്രം.. രാഹുലിനെ കൊണ്ട് ഇത്ര ഒക്കെയേ സാധിക്കുവോള്ളൂ.. വല്ല പെട്രോള്‍ പമ്പിലും പുള്ളി എങ്ങാന്‍ കേറി ഇരുന്നേല്‍ പെട്ടെന്ന് ആ പമ്പിലെ പെട്രോളില്‍ വെള്ളം കലര്‍ന്നിട്ടുണ്ട്.. അല്ലേല്‍ പച്ചില പെട്രോള്‍ ആണ് അവിടെ വിക്കുന്നത് എന്നെല്ലാം പറഞ്ഞു അവിടുത്തെ പഞ്ചായത്ത്‌ പ്രസിഡന്റ്‌ ഇട പെട്ടെനെ.. അങ്ങേരോടാ രാഹുലിന്റെ കളി.. ആ ..

പാതി രാത്രി വരെ കോഴിക്കോട്ടു കൂടി അലഞ്ഞു തിരിഞ്ഞു ഒരു വിധത്തില്‍ ആണ് ഇദ്ധേഹത്തെ റൂമില്‍ കൊണ്ട് പോയി ആക്കിയത്.. അതിനു ശേഷം ഒന്ന് വിശ്രമിക്കാം എന്ന് കരുതി വീട്ടിലേക്കു പോയ പോലീസ് കാര്‍ക്ക് പെട്ടെന്ന്‍ അറിയിപ്പ് കിട്ടുന്നു.. രാഹുല്‍ വീണ്ടും ഇറങ്ങി നടക്കാന്‍ തുടങ്ങി... കോഴിക്കോടെ ടൌണ്‍ കാണാന്‍ ആണത്രേ.. ഏതോ ഒരു പോലീസ് കാരന്‍ സ്നേഹം കൊണ്ട് ചോദിച്ചു പോയി.. ഈ ചങ്ങായീടെ ലൊക്കേഷന്‍ എവിടെയാ.. ഇങ്ങേര്‍ക്ക് വേറെ പണി ഒന്നും ഇല്ലേ.? ചങ്ങായി എന്ന് പറയുന്നത് സ്നേഹത്തോടെ പറയുന്നതല്ലേ.. അതാണ്‌ ഇപ്പോഴത്തെ ഏറ്റവും വലിയ പ്രശ്നം...അതിനെതിരെ ധര്‍ണ, ചോദ്യം ചെയ്യല്‍..

ഈ മേല്‍പറഞ്ഞ ധര്‍ണ രാഹുലിനോടുള്ള സ്നേഹം കാരണം നമ്മുടെ ഹോട്ടല്‍ മുതലാളി പങ്കെടുത്തു അത്രേ... അതാണ്‌ 2 ദിവസത്തിന് ഉള്ളില്‍ മലിന ജല പരിശോധന വരാന്‍ കാരണം എന്നാണു പിന്നാമ്പുറ സംസാരം..
രാഹുല്‍ ഗാന്ധി ഏറ്റിരുന്ന പല ഉല്ഖാടന പരിപാടികളും... കടക്കാര്‍ തന്നെ നേരിട്ട് വിളിച്ചു റദ്ദാക്കി എന്നാണ് ഏറ്റവും ഒടുവില്‍ ലഭിച്ച വാര്‍ത്ത..

പിച്ച വെച്ച നാള്‍ മുതല്‍ക്കു നീ

2009-07-11T08:13:00.000-07:00

പുതിയതായി പുറത്തിറങ്ങാന്‍ പോകുന്ന പുതിയ മുഖം എന്നാ ചിത്രത്തിലെ ഒരു പാട്ട് ഈ ഇടക്ക് കേള്‍ക്കാന്‍ ഇടയായി. ആദ്യം കേട്ടപ്പോള്‍ തന്നെ മനസ്സിലേക്ക് കയറുന്ന രീതിയില്‍ ഉള്ള ഒരു സംഗീതം.. സാക്ഷാല്‍ ശങ്കര്‍ മഹാദേവന്റെ ആലാപനം.. ഈ പാട്ടിന്റെ ഒരു ആരാധകന്‍ ആകാന്‍ അധികം സമയം എടുത്തില്ല.. എന്തൊക്കെയോ പ്രത്യേകതകള്‍ ഉള്ള ഒരു സിമ്പിള്‍ ആയ പാട്ട്.. കൈതപ്രം ധാമോധരന്‍ നമ്പൂതിരിയുടെ രചന.. ദീപക് ദേവ് എന്ന സംഗീത സംവിധായകന്‍ നീണ്ട മൂന്നു വര്‍ഷത്തെ ഇടവേളയ്ക്കു ശേഷം ചെയ്ത ഒരു സിനിമ.. കഴിഞ്ഞ തവണത്തെ ഏറ്റവും മികച്ച ഗായകന് ഉള്ള സംസ്ഥാന അവാര്‍ഡ്‌ നേടിയതിനു ശേഷം ശങ്കര്‍ മഹാദേവന്‍ പാടുന്ന പാട്ട്, അങ്ങനെ കുറച്ചു പ്രത്യേകതകള്‍ ഒക്കെ ഉള്ള ഒരു പാട്ട്..
സിനിമ ഇത് വരെ പുറത്ത്‌ ഇറങ്ങിയില്ലെങ്ങിലും പാട്ട് ഇപ്പോള്‍ തന്നെ ഒരു മാതിരി എല്ലാ ചാനലിലും എപ്പോഴും തന്നെ കാണിക്കുന്നുണ്ട്.. ഒരു പട്ടരു കുടുംബത്തിലെ.. പട്ടരു പയ്യനും.. പട്ടത്തി കൊച്ചും തമ്മില്‍ ഉള്ള പ്രണയം ആണ് ഈ പാട്ടിന്റെ ആധാരം.. ദിഫന്‍ എന്നൊരു ആളാണ്‌ ഇതിന്റെ സംവിധായകന്‍ ആയിട്ട് അറിയാന്‍ കഴിഞ്ഞത്.. പ്രിഥ്വിരാജും മീര നന്ദനും ആണ് പട്ടരുടെയും പട്ടതിയുടെയും വേഷത്തില്‍ ഈ പാട്ടില്‍ എത്തുന്നത്‌.. മീരയുടെ പാട്ടിലുള്ള ഭാഗ്യം തുടരുന്നു.. ആദ്യത്തെ ചിത്രമായ മുല്ലയിലെയും ഒരു മാതിരി എല്ലാ ഗാനങ്ങളും ഹിറ്റ്‌ ആരുന്നു.. ശങ്കര്‍ജി പാടിയത്‌ ആണേലും ഉണ്ണികൃഷ്ണന്റെ ശബ്ദത്തില്‍ കൂടി ഇത് കേക്കണം എന്ന് തോന്നുന്നു.. ഇത് ഒരു ടിപിക്കല്‍ ഉണ്ണികൃഷ്ണന്‍ പാട്ട് ആണെന്ന് ഒരു തോന്നല്‍..

അങ്ങനെ കേട്ടാല്‍ മനസ്സിന് ഒരു കുളിര്‍മ തോന്നുന്ന ഒരു പാട്ട്.. ചെറിയ ഒരു ഇടവേളയ്ക്കു ശേഷം മലയാളത്തില്‍ വീണ്ടും... "Welcome back.. Deepak Dev..You are back with a BANG!!"

പാട്ടിന്റെ വീഡിയോ കാണാന്‍ ഇവിടെ ക്ലിക്ക് ചെയ്യുക..
പാട്ടിന്റെ mp3 ഡൌണ്‍ലോഡ് ചെയ്യാന്‍ ഇവിടെ ക്ലിക്ക് ചെയ്യുക.. [പക്ഷെ ഓര്‍ക്കുക :- നിങ്ങള്‍ക്ക് കൂള്‍ടോടില്‍ ഒരു അക്കൗണ്ട്‌ വേണം..]
ഈ ഗാനം ചിട്ടപ്പെടുത്തിയിരിക്കുന്നത് റിതിഗ്വാള എന്ന രാഗത്തില്‍ ആണ്. ഈ രാഗത്തെ കുറിച്ച് കൂടുതല്‍ അറിയാന്‍ ഇവിടെ ക്ലിക്ക് ചെയ്യുക
ഇതിന്റെ വരികള്‍ ഗൂഗിളില്‍ പരതി നോക്കീട്ട് കിട്ടിയില്ല.. പിന്നെ വെള്ളിയാഴ്ച വെല്യ ജോലി ഇല്ലരുന്നത് കാരണം ആര്‍ക്കെങ്കിലും പ്രയോജനപ്പെടട്ടെ എന്ന് കരുതി ഞാന്‍ തന്നെ അങ്ങ് എഴുതി വെച്ചു..... ഇനി ഇത് കൊണ്ടും പോര എന്ന് തോന്നുന്നു എങ്കില്‍ ഞാന്‍ വേണേല്‍ ഇത് പാടിയും കൂടി കേള്‍പ്പിക്കാം.. വേണോ?
ദാ പിടിച്ചോ..

പിച്ച വെച്ച നാള്‍ മുതല്‍ക്കു നീ
എന്റെ സ്വന്തം എന്റെ സ്വന്തമായി
ആശ കൊണ്ട് കൂട് കൂട്ടി നാം
ഇഷ്ടം കൂടി എന്നും.. എന്നും...

പിച്ച വെച്ച നാള്‍ മുതല്‍ക്കു നീ

എന്റെ സ്വന്തം എന്റെ സ്വന്തമായി

ആശ കൊണ്ട് കൂട് കൂട്ടി നാം

ഇഷ്ടം കൂടി എന്നും.. എന്നും...

പിച്ച വെച്ച നാള്‍ മുതല്‍ക്കു നീ...

വീടൊരുങ്ങീ.. നാടോരുങ്ങി..

കല്‍പ്പാത്തി തെരോരുങ്ങി..

പോങ്കലുമായി വന്നു പൌര്‍ണമി ...

വീടൊരുങ്ങീ.. നാടോരുങ്ങി..

കല്‍പ്പാത്തി തെരോരുങ്ങി..

പോങ്കലുമായി വന്നു പൌര്‍ണമി ...

കൈയില്‍ കുപ്പിവളയുടെ മേളം ..

കാലില്‍ പാദസരത്തിന്റെ താളം

അഴഗായി നീ തുളുംബുന്നു...

അതിലെന്‍ ഹൃദയം കുളിരുന്നു....

നാ നാ നാ ...നാ നാ നാ ...

കോലമിട്ടു പൊന്‍പുലരി..

കോടമഞ്ഞിന്‍ താഴ്‌വരയില്‍

മഞ്ഞലയില്‍ മാഞ്ഞു പോയി നാം

കോലമിട്ടു പൊന്‍പുലരി..

കോടമഞ്ഞിന്‍ താഴ്‌വരയില്‍

മഞ്ഞലയില്‍ മാഞ്ഞു പോയി നാം
ചുണ്ടിന്‍ ചോരുന്നു ചെന്തമിഴ് ചിന്തു

മാറിന്‍ ചേരുന്നു ചെന്തമിഴ് ചന്തം

മൃദു മൌനം മയങ്ങുന്നോ

അമൃതും തേനും കലരുന്നൂ

പിച്ച വെച്ച നാള്‍ മുതല്‍ക്കു നീ
എന്റെ സ്വന്തം എന്റെ സ്വന്തമായി
ആശ കൊണ്ട് കൂട് കൂട്ടി നാം
ഇഷ്ടം കൂടി എന്നും.. എന്നും...
പിച്ച വെച്ച നാള്‍ മുതല്‍ക്കു നീ...

For people who cannot read Malayalam.. Here is the lyrics in English.. or rather Maglish..:)
Picha vecha naal muthalkku nee Ente swantham ente swanthamaai Aasa kondu koodu kootti naam Ishtam koodi ennum.. Ennum... Picha vecha naal muthalkku nee Ente swantham ente swanthamaai Aasa kondu koodu kootti naam Ishtam koodi ennum.. Ennum... Picha vecha naal muthalkku nee.... Veedorungi.. Naadorungi.. Kalppathi therorungi.. Pongalumaayi vannu pournami... Veedorungi.. Naadorungi.. Kalppathi therorungi.. Pongalumaayi vannu pournami... Kayil kuppivalayude melam.. Kaalil paadasarathinte thaalam Azhagaai nee thulumbunnu... Athilen hrudayam kulirunnu.... Picha vecha naal muthalkku nee Ente swantham ente swanthamaai Aasa kondu koodu kootti naam Ishtam koodi ennum.. Ennum... Picha vecha naal muthalkku nee.... Na na na ..... Kolamittu ponpulari.. kodamanjin thazhvarayil Manjalayil manju poyi naaam Kolamittu ponpulari.. kodamanjin thazhvarayil Manjalayil manju poyi naaam chundin chorunnu chenthamizh chindu Maarin cherunnu chenthamizh chantham Mrudu mounam mayangunnooo Amruthum thenum kalarunnooo Picha vecha naal muthalkku nee Ente swantham ente swanthamaai Aasa kondu koodu kootti naam Ishtam koodi ennum.. Ennum... Picha vecha naal muthalkku nee....

ISS സ്പേസ് അഖില്‍

2009-06-18T10:00:00.000-07:00

ISS സ്പേസ് അഖില്‍

ഏഷ്യാനെറ്റ്‌ സംപ്രേഷണം ചെയ്യുന്ന ഐഡിയ സ്റ്റാര്‍ സിങ്ങര്‍ കണ്ടു കണ്ടു ശരത് പറയുന്ന സംഗതികള്‍ മനസ്സിലാക്കണം എന്നുള്ള ചിന്ദ വന്നിട്ട് കാലം കുറച്ചു ആയി എന്ന് പറയാം. അത് മാത്രം അല്ല.. ഈ ഇടക്ക് രാഗഭാവം എന്ന ഒരു പരിപാടി കൂടി അവര്‍ തുടങ്ങി.. രണ്ടു പാട്ട് പാടിയിട്ട്.. അത് രണ്ടും ഒരേ രാഗം ആണെന്ന് പറയുന്നത് ഇത് വരെ എനിക്ക് അങ്ങോട്ട്‌ ദഹിച്ചിട്ടില്ല.. അത് ദഹിപ്പിക്കണം അതാരുന്നു പ്രധാനമായ ആവശ്യം.. പിന്നെ ഉള്ള ആഗ്രഹം 2030 എങ്ങിലും ആകുംബം ISS സ്പേസ് അഖില്‍ എന്ന് ഏഷ്യാനെറ്റില്‍ കൂടി പറയണം.. പക്ഷെ ഇതിന്റെ പിന്നിലെ യഥാര്‍ത്ഥ ഉദ്ദേശം.. പെണ്ണ് കെട്ടുമ്പം പാട്ടും ഡാന്‍സും ഒക്കെ അറിയാവുന്ന ഒരു കലാകാരിയെ കെട്ടണം എന്ന ഒരു ആഗ്രഹം ഉണ്ടാരുന്നു. അത് കിട്ടില്ല എന്ന് ബോധ്യം ആയപ്പം എന്നാല്‍ പിന്നെ ഇതെല്ലം ഞാന്‍ തന്നെ അങ്ങ് പഠിച്ചേക്കാം എന്ന് അങ്ങട് തീരുമാനിച്ചു. അങ്ങന പലരോടും ചോദിച്ചു ചോദിച്ചു.. അവസാനം ഇന്ദിരാനഗര്‍ സംഗീത സഭ എന്നൊരു സ്ഥാപനം ഉണ്ടെന്നു കണ്ടു പിടിച്ചു. വിളിച്ചു ചോദിച്ചപ്പം ജൂണില്‍ ആണ് അവിടെ പഠനം ആരംഭിക്കുന്നത് എന്നും അറിഞ്ഞു.

അങ്ങനെ കാത്തു കാത്തിരുന്ന ആ സുദിനം വന്നെത്തി. ഞാന്‍ രാവിലെ തന്നെ കുളിച്ചു കുട്ടപ്പന്‍ ആയി.. നല്ല ഒരു ഭാഗവതരുടെ വേഷം ഒക്കെ എടുത്തിട്ട് ഒരുങ്ങി ഇറങ്ങി. പോരുന്നതിനു മുന്നേ ആറാം തമ്പുരാന്‍ ഒന്ന് കൂടി എടുത്തിട്ട് കണ്ടു.. സംഗീതം പഠിക്കണം എന്ന മോഹവുമായി എന്ന ഡയലോഗ് കാണാതെ വീണ്ടും വീണ്ടും പഠിച്ചു. ഞാന്‍ ഈ സിനിമ കണ്ടത് പോലെ അവിടുത്തെ ഗുരുവും കണ്ടു കാണും എന്നുള്ള പ്രതീക്ഷയില്‍.. സിംഹത്തിന്റെ മടയില്‍ ചെല്ലുമ്പം അദ്ദേഹം ഗുരു ദക്ഷിണ വെക്കാന്‍ പറയും എന്ന ഉറപ്പിന്മേല്‍.. ഞാന്‍ സാധകം ചെയ്തു സംഗതികള്‍ ശെരിയാക്കി തേച്ചു മിനുക്കി വെച്ചേക്കുന്ന എന്റെ മാസ്റ്റര്‍ പീസ് ഒന്ന് കൂടി പാടി നോക്കി... ഹരിമുരളീരവം..
രാധേ നിന്നേഏഏഏഎ തേടി ഈഇ ഈ ഈ ഈ ഈ ഈ എന്നുള്ള സസ്ട്ടൈന്‍ നോട്ട് ഒക്കെ ഒന്ന് കൂടി ചങ്കില്‍ കൈ വെച്ച് പാടി നോക്കി. എല്ലാം ഓക്കേ.
ഇന്ദിര നഗര്‍ സംഗീത സഭയില്‍ ചേര്‍ന്നാല്‍ അവിടെയും ISS എന്ന് പറയാം. പിന്നെ എന്റെ സുഹൃത്തുക്കള്‍ എല്ലാം തന്നെ ഒന്നുകില്‍ MS എടുക്കാന്‍ പോയി.. അല്ലെങ്കില്‍ പോകുന്നതിനെ കുറിച്ച് ആലോചിക്കുന്നു.. അങ്ങനെ ഞാന്‍ കണ്ടു പിടിച്ച എന്റെ MS ആരുന്നു... ഈ Music Studying. അങ്ങനെ ഞാന്‍ ISS ന്റെ പടിവാതിലിലേക്ക് കയറി... ആകെ മൊത്തം ഒരു പന്തികേട്‌ തോന്നി തുടങ്ങി.. ഒരു നേഴ്സറിയില്‍ ചെന്ന ഒരു അവസ്ഥ.. ഒരു മാതിരി.. പിച്ച വെച്ച് നടക്കാന്‍ പഠിക്കുന്ന പ്രായത്തില്‍ ഉള്ള കുറെ കുരുന്നു പിള്ളേര്‍.

അവിടെ വെച്ച് ആദ്യത്തെ ബോര്‍ഡ്‌ കണ്ണില്‍ പെട്ടു.. മാതാ പിതാക്കളുടെ ശ്രദ്ധയ്ക്ക്‌.. കാവിലമ്മേ.. കാത്തോളണേ!!! അവിടെ ഉണ്ടാരുന്ന എല്ലാ ബോര്‍ഡില്‍ കൂടിയും കണ്ണ് പാഞ്ഞു നടന്നു.. ഒരെണ്ണം പോലും കണ്ടില്ല... വിദ്യാര്‍ത്തികളുടെ ശ്രദ്ധയ്ക്ക്‌ എന്നും പറഞ്ഞു.. ചുരുക്കം പറഞ്ഞാല്‍ അവിടെ ചേരണം എങ്കില്‍ മാതാ പിതാക്കളുടെ കൂടെ ചെല്ലണം എന്ന് സാരം.. ഞാന്‍ പതുക്കെ അകത്തു കയറി.. എന്റെ വരവ് കണ്ടിട്ട് എന്തോ പന്തികേട്‌ ഉള്ള മാതിരി അവിടെ ഇരുന്ന മനുഷ്യന്‍ എന്റെ രണ്ടു വശത്തേക്കും നോക്കി.. അവര്‍ ഞാന്‍ ചേര്‍ക്കാന്‍ കൊണ്ട് ചെന്ന കുട്ടിയെ തപ്പിയതാണെന്ന് ഞാന്‍ അല്പം കഴിഞ്ഞാണ് മനസ്സിലാക്കിയത്.. ഞാന്‍ പറഞ്ഞു നോക്കി.. ശരീരം കുറെ വളര്‍ന്നു എന്നെ ഉള്ളൂ... ബുദ്ധി ആ കുട്ടികളുടെത് മാതിരി തന്നെ ആണെന്ന്... ഞാന്‍ അവിടെ ഇരുന്ന സമയത്ത് വേറെ ഒരു കുട്ടിയെ ചേര്‍ക്കാന്‍ അതിന്റെ അമ്മ കൊണ്ട് വന്നു. അമ്മക്ക് എന്റെ പ്രായം ഇല്ല.. കൊച്ചിന് ഏകദേശം.. അച്ഛാ അമ്മാ എന്നൊക്കെ പറഞ്ഞു തുടങ്ങുന്ന ഒരു പ്രായം.. നടപ്പ് ഒന്നും അങ്ങോട്ട്‌ ഉറച്ചിട്ടില്ല.. പുള്ളിക്കാരിക്ക് ചോക്ലേറ്റ് വേണം എന്നും പറഞ്ഞു കരയുന്നു.. ഞാന്‍ രണ്ടു മൂന്നു മാസം കഴിഞ്ഞുള്ള അവിടുത്തെ അവസ്ഥ ഒന്ന് മനസ്സില്‍ കണക്കു കൂട്ടി.. ആ കൊച്ചു കുട്ടി എന്നെ നോക്കി ഗുരുവിനോട് പറയുന്നു.. ഈ കുട്ടിടെ ശ്രുതി തെറ്റി.. ടെമ്പോ പോരാരുന്നു... ഷഡ്ജം പഞ്ചമം പോലെ ആയി പോയി... ദൈവമേ.. ഈ കിളുന്തു പിള്ളേരുടെ ഇടക്ക് ഞാന്‍.. അയ്യേ.. ആട്ടിന്‍ കൂട്ടത്തിന്റെ ഇടക്ക് ആനയെ കൊണ്ട് കെട്ടി എന്നും പറഞ്ഞു ഏതേലും കുട്ടിടെ അച്ഛന്‍ വന്നു എനിക്കിട്ടു തല്ലും.. അന്നേരം എനിക്ക് ഒരു പഴംചൊല്ല് ഓര്‍മ വന്നു.. കതിരില്‍ കൊണ്ട് വന്നു വലം വെച്ചിട്ട് കാര്യം ഇല്ല.. ഇതൊക്കെ ആയ കാലത്തെ ചിന്ദിക്കണം ആരുന്നൂ..

അങ്ങനെ ഹരിമുരളീരവം പാടാന്‍ പോയ ഞാന്‍ അവിടെ ചെന്ന് ബാ ബാ ബ്ലാക്ക്‌ ഷീപ്‌ പാടണ്ടി വന്നേനെ... പിന്നെ ദാസേട്ടന്റെ ഒരു മലയാളം പാട്ട് തന്നെ പാടണം എന്നുള്ളത് കാരണം.. ഞാന്‍ ആദ്യാക്ഷരങ്ങള്‍ പറഞ്ഞു തന്ന അമ്മയെ മനസ്സില്‍ ധ്യാനിച്ച് രണ്ടും കല്‍പ്പിച്ചു പല്ലവിയും അനുപല്ലവിയും കഴിഞ്ഞുള്ള വരികള്‍ അങ്ങ് പാടി..
"കുഞ്ഞികണ്ണ് ചിമ്മി ചിമ്മി ഏതോ പൈതല്‍ ... കുഞ്ഞി കാലു പിച്ച പിച്ച വെക്കും കാലം!!" പാടി മുഴുമിപ്പിക്കാന്‍ സമ്മതിച്ചില്ല.. അവിടെ ഉള്ള പിള്ളേര്‍ മൊത്തം ഫ്ലാറ്റ്..എല്ലാരും ചല പില ചല പില കരച്ചില്‍.. പിന്നെ അടുത്തുള്ള കടയില്‍ പോയി കുറെ ചോക്ലേറ്റ് വാങ്ങി കൊടുത്തു യാത്ര തുടര്‍ന്ന്.. ഇനിയും തീരാത്ത യാത്ര.. അങ്ങനെ എന്റെ MS പഠിത്തം കോഞ്ഞാട്ട ആയല്ലോ എന്ന സമാധാനത്തോടെ അടുത്ത MS ഇലേക്ക് തിരിയാന്‍ നോക്കി.. ഹോ എന്തൊക്കെ ആരുന്നു.. ഷഡ്ജം, വലിയ നിഷാദം.. ചെറിയ നിഷാദം.. പഞ്ചമം..ISS, SMS, FLAT, തേങ്ങാക്കൊല...

ഇനി അടുത്ത MS.. Musle Sheriyakkal.. അതിനു വേണ്ടി അടുത്തുള്ള ജിമില്‍ പോയി ചേര്‍ന്നു.. ചെന്ന പാടെ അവിടുത്തെ മാഷ് എന്നോട് ചോദിക്കുവാ.. ഞാന്‍ സ്ഥിരം ആയി.. ബോഡി ബില്ടിംഗ് മത്സരത്തിനു പോകാറുണ്ടോ എന്ന്..ഞാന്‍ പിന്നെ ഓക്കേ എന്ന് പറഞ്ഞു... അത് കഴിഞ്ഞിട്ട് കുറച്ചു വെയിറ്റ് ഒക്കെ എടുക്കാന്‍ പറഞ്ഞു.. അത് എടുത്തു കഴിഞ്ഞപ്പം..മാഷ്‌ ചോദിക്കുവാ... അവിടെ ട്രെയിനര്‍ ആയി നില്‍ക്കാവോ എന്ന്.. ഞാന്‍ അതും ഓക്കേ എന്ന് പറഞ്ഞു.. നമ്മള്‍ ആയിട്ട് എന്തിനാ വെറുതെ അവരെ വിഷമിപ്പിക്കുന്നെ.. ആഹ എത്ര സുന്ദരമായ നടക്കാത്ത സ്വപ്നം...

യദാര്‍ത്ഥത്തില്‍ സംഭവിച്ചത്.. എന്താന്ന് വെച്ചാ..ഞാന്‍ അവിടെ ചെന്ന പാടെ മാഷ് എന്നോട് ചോദിച്ചൂ.. Muscle Sheriyakkan അല്ലല്ലോ..ഈ പോണ്ണത്തടി കുറക്കാന്‍ അല്ലെന്നു..? ഞാന്‍ പറഞ്ഞു.. അല്ല MS നും കൂടി ആണെന്ന്.. എന്നിട്ട് എന്നോട് പറഞ്ഞു... 10 മിനിറ്റ്‌ ആ ട്രെട്മില്ലില്‍ കിടന്നു ഓടാന്‍..5 മിനിറ്റ്‌ ആയപ്പോഴേക്കും എന്റെ പരിപ്പ് ഇളകി.. ഞാന്‍ അവിടെ ഇരുന്നു റസ്റ്റ്‌ എടുക്കാന്‍ തുടങ്ങി.. പുള്ളി വന്നു ഇരിക്കരുത് പതുക്കെ നടക്കാന്‍ പറഞ്ഞു... വൃത്തികെട്ടവന്‍... എന്റെ ബുദ്ധിമുട്ട് എനിക്കല്ലേ അറിയൂ...പിന്നെ പുള്ളിക്കാരന്‍ എന്ത് വന്നു പറഞ്ഞാലും.. ഞാന്‍ പകുതി ചെയ്തതിനു ശേഷം.. റസ്റ്റ്‌ എടുക്കല്‍ ആണ്.. പകുതി സമയം ഞാന്‍ റസ്റ്റ്‌ എടുത്തു തന്നെ തീര്‍ത്തു.. അവസാനം.. ഫോര്‍ ആമിന് ഉള്ള ഒരു എക്സര്‍സൈസ് കഴിഞ്ഞപ്പം എന്റെ മസില്‍ എല്ലാം കൂടി പിടിചിരുന്നിട്ടു ഒരു മാതിരി കൊച്ചിന്‍ ഹനീഫയെ പോലെ ആയി.. കന്നഡ മാത്രം സംസാരിക്കുന്ന ആ മാഷ്‌ എന്നോട് വന്നു ചോദിക്കുവാ... "എന്‍ ആയിതു" എന്ന്.. ഹോ എന്നാലും എന്നോട് അങ്ങനെ ചോദിച്ചു കളഞ്ഞല്ലോ... ഛീ.. ഞാന്‍ പിന്നെ അറിയാവുന്ന കന്നടയില്‍ വെച്ച് കാച്ചി.. "ഓ അങ്ങനെ ആയിതു ഒന്നും ഇല്ല..പിന്നെ ഭയങ്കര പെയിന്‍ ആയിതൂ.. ഞാന്‍ ഇപ്പം കൊച്ചിന്‍ ഹനീഫ ആയിതൂ.. മസില്‍ ഇറക്കി മാടി ബേകൂ.." ഈ കന്നഡ പറയുമ്പം എല്ലാത്തിന്റെം അവസാനം ഒരു മാടി ബേക്കൂ പറഞ്ഞാല്‍ ഒരു പ്രത്യേക സുഖം.. പുള്ളി വന്നു അത് തിരുമ്മി ഇറക്കി.. എന്നിട്ട് പോക്കൊള്ളന്‍ പറഞ്ഞു... അങ്ങനെ രണ്ടാമത്തെ MS ഉം പൊളിച്ചു അടുക്കി.. ഇതാണ് മാഷ്‌ മലയാളം പറയാത്ത ജിമിലേക്ക് ഞാന്‍ ഇല്ലാന്ന് പറയുന്നത്.. ഞങ്ങള്‍ ഇല്ലാന്ന് പറ..!!

MS പഠിത്തം ഒരു വഴിക്കായ സ്ഥിതിക്ക് ഇനി ISS ന്റെ ഫുള്‍ ഫോം ഒന്ന് മാറ്റി പിടിക്കാം.. Ini Sangathi Sheriyaavilla..

എല്ലാവരും എനിക്ക് ദയവായി വോട്ട് ചെയ്യണം.. വോട്ട് ചെയ്യണ്ട ഫോര്‍മാറ്റ്‌ "ISS സ്പേസ് അഖില്‍"

ദാസേട്ടന്‍ ശരത്തിന് എതിരെ..

2009-04-05T10:45:00.000-07:00

മറ്റു ചില മാധ്യമങ്ങളിലെ ചില സംഗീത പരിപാടികളില്‍.. പേരെടുത്തു പറയാന്‍ ഞാന്‍ ഉദേശിക്കുന്നില്ല.. തന്നെയും അല്ല.. അത് ചെയ്യുന്നവര്‍ എനിക്ക് വളരെ വേണ്ടപ്പെട്ടവര്‍ ആണ് താനും.. ചില പാട്ടൊക്കെ കഴിയുമ്പം.. മോനെ.. സംഗതികളൊക്കെ അങ്ങ് വഴുക്കി പോയി കേട്ടോ.. ഇതൊട്ടും ശെരിയായില്ല കേട്ടോ.. ഇമ്മാതിരി ഉള്ള കൊമ്മെന്സ് കുട്ടികളെ വേദനിപ്പിക്കും.. ഞാന്‍ ഈ ഗന്ധര്‍വ സംഗീതത്തിന്‍റെ വിധി കര്‍ത്താക്കളോട് പറഞ്ഞിരുന്നു.. ഇങ്ങനെ ഉള്ള എന്തേലും ചെയ്താലേ ഈ ഷോ മുന്നോട്ടു പോകുവോള്ളൂ എന്ന് നിങ്ങള്ക്ക് എന്ന് തോന്നുന്നുവോ... അന്ന് രാവിലെ എന്നെ ഒന്ന് വിളിച്ചു അറിയിക്കണം.. ഇതില്‍ നിന്നും ഞാന്‍ എന്‍റെ പേര് അങ്ങ് പിന്‍ വലിചേക്കാം...ഈ മേല്‍പറഞ്ഞ വാചകം ഗാനഗന്ധര്‍വന്‍ യേശുദാസ് അദ്ധേഹത്തിന്‍റെ തന്നെ പേരില്‍ കൈരളി എന്ന മാധ്യമം നടത്തുന്ന ഗന്ധര്‍വ സംഗീതം ജൂനിയര്‍ എന്ന റിയാലിറ്റി ഷോയുടെ മെഗാ ഫൈനല്‍ ഏപ്രില്‍ നാലിന് വൈകിട്ട് ചെന്നൈ-ഇല്‍ വെച്ച് നടത്തിയപ്പം പറഞ്ഞ വാക്കുകള്‍ ആണ്. അദ്ദേഹം ഇത് പറഞ്ഞത് തന്നെ.. ഏഷ്യാനെറ്റ് നടത്തുന്ന ഐഡിയ സ്റ്റാര്‍ സിങ്ങര്‍ എന്ന റിയാലിറ്റി ഷോയുടെ വിധികര്‍ത്താവായ ശരത് എന്ന സംഗീത സംവിധായകനെ അനുകരിച്ചു കൊണ്ടാണ്.

എന്ത് കൊണ്ടാണ് ദാസേട്ടന്‍ ഇങ്ങനെ ഒരു അഭിപ്രായ പ്രകടനം ശരത്തിനെ കുറിച്ച് നടത്തിയത് എന്ന് അറിയില്ല. ഒരു പക്ഷെ ഇമ്മാതിരി ഉള്ള അഭിപ്രായ പ്രകടനങ്ങള്‍ കുട്ടികളെ വല്ലാതെ തളര്‍ത്തും എന്ന് അദ്ദേഹം കരുതിയിട്ടുണ്ടാവം.. പിന്നീട് അദ്ദേഹം പറഞ്ഞത് ഒരു പാട്ട് സംഗീത സംവിധായകന്‍ പല തവണ പറഞ്ഞു കൊടുത്തതിനു ശേഷം ആണ് ഒരു ഗായകന്‍ അത് ആലപിക്കുന്നത്. അത് തന്നെ പല തവണകള്‍ ആയിട്ടാണ് റെക്കോര്‍ഡ് ചെയ്യുന്നത്. ഇതെല്ലം കഴിഞ്ഞാണ് ഒരു പാട്ട് പുറത്തു വരുന്നത്.. ആ പാട്ട് ആണ് ഈ കുട്ടികള്‍ കാണാതെ പഠിച്ചു അത് പോലെ പാടേണ്ടത്.. അതില്‍ ഒരു പക്ഷെ അപാകതകള്‍ ഉണ്ടായേക്കാം..അപ്പം അവരോടു.. മോനെ നന്നായിട്ടുണ്ട്.. കുറച്ചു പ്രശ്നങ്ങള്‍ ഉണ്ടായീന്ന് നിനക്ക് തന്നെ അറിയാമല്ലോ.. അതൊക്കെ നന്നാക്കാന്‍ ശ്രമിക്കണം എന്ന് പറയുക ആണെങ്ങില്‍.. അവരുടെ മനസ്സില്‍ ഒരു വേദന ഉണ്ടാവില്ല.

പക്ഷെ ഇത് തന്നെ ആണ് ബാക്കി ഉള്ള എല്ലാ ഷോസിലും പറയുന്നത്.. ഇത് കേട്ടാല്‍ ഒരു പക്ഷെ സംഗീതം നന്നായിട്ട് അറിയാവുന്നവര്‍ക്ക് ഒരു പക്ഷെ മനസ്സിലായേക്കും.. പക്ഷെ ഒരു സാധാരണ പ്രേക്ഷകന് ഇതില്‍ നിന്ന് എന്താണ് പഠിക്കാന്‍ ഉള്ളത്.. ഒന്നും ഇല്ല... എന്തൊക്കെയോ പ്രശ്നം ഉണ്ട് എന്ന് എല്ലാ പാട്ട് കഴിയുമ്പോഴും അതിന്‍റെ വിധി കര്‍ത്താക്കള്‍ പറയുന്നു അല്ലാതെ എന്താ? പക്ഷെ ശരത് എന്ന സംഗീത സംവിധായകന്‍ ഐഡിയ സ്റ്റാര്‍ സിങ്ങറില്‍ വന്നതോട് കൂടി പല കാര്യങ്ങളും കേരളത്തിലെ സാധാരണ ശ്രോതാക്കള്‍ക്ക് മനസ്സിലായി തുടങ്ങി. ഇപ്പം ഒരു പാട്ട് കേട്ട് കഴിഞ്ഞാല്‍ അതിനെ കീറി മുറിച്ചു കേള്‍ക്കുക എന്നത് ഒരു മാതിരി സംഗീതത്തെ സ്നേഹിക്കുന്ന സാധാരണക്കാരുടെ പോലും ഒരു ശീലം ആയി എന്ന് തോന്നുന്നു..
തന്നെയും അല്ല.. ഇപ്പോള്‍ ഭാരതത്തിലെ വിവിധ സംസ്ഥാനങ്ങളില്‍ സംഗീത ബോധത്തെ കുറിച്ച് ഒരു സര്‍വ്വേ നടത്തിയാല്‍.. കേരളം ഒരു പക്ഷെ മുന്‍ പന്തിയില്‍ എത്തും..

ചുമ്മാതെ ഏതു പാട്ട് കേട്ടാലും ചുമ്മാ പാടികൊണ്ട് നടന്നിരുന്ന ഞാന്‍ ഇപ്പോള്‍.. കുറച്ചു കൂടി.. വിവിധ നോട്സിനെ കുറിച്ച് ബോധവാനായി.. ഹൈ റെന്‍ജിലും ലോ റെന്‍ജിലും ഒക്കെ എപ്പോഴാണ് ശബ്ദം ചെന്ന് തട്ടുന്നത് എന്ന് മനസ്സിലായി. ശ്രുതി, ടെമ്പോ, താളം, സംഗതി അങ്ങരെ കുറെ വാക്കുകള്‍ സുപരിചിതമായി. പണ്ട് അപ്പര്‍ മിഡില്‍ ക്ലാസ് സംഗീത വിവരം മാത്രം ഉണ്ടാരുന്ന ആളുകള്‍ക്ക് മനസ്സിലാവുന്ന കുറെ കാര്യങ്ങള്‍ ഇപ്പോള്‍ മനസ്സിലായി തുടങ്ങി..ഇതെല്ലം ശരത് എന്ന ഒരു വ്യക്തിയുടെ വിജയം ആയിട്ട് ഞാന്‍ കാണുന്നു. ഈ പരിപാടി കണ്ടു തുടങ്ങിയത് തന്നെ ശരത് എന്ന വ്യക്തിയുടെ വിലയിരുത്തലുകള്‍ കേള്‍ക്കാന്‍ വേണ്ടി മാത്രം ആരുന്നു. ഈ കാരണങള്‍ എല്ലാം കൊണ്ടും ദാസേട്ടന്‍ പറഞ്ഞ ആ വാചകത്തോട്‌ ഞാന്‍ എതിര്‍ക്കുന്നു.

പക്ഷെ പറഞ്ഞത് ദാസേട്ടന്‍ ആണ്.. ഭൂമി മലയാളത്തിനു ഗന്ധര്‍വന്‍ സ്വന്തം സ്വരം നല്‍കി അനുഗ്രഹിച്ച മഹാനായ കലാകാരന്‍. ദാസേട്ടന്‍, ലാലേട്ടന്‍, കള്ളു, കപ്പ, കരിമീന്‍, കടല്‍, ആന.. ഇങ്ങനെ സാധാരണ മലയാളിക്ക് എത്ര കിട്ടിയാലും, കണ്ടാലും, അനുഭവിച്ചാലും മതിയാകാത്ത ഒരു സമ്പത്ത്. അത് കൊണ്ട് ഈ ലോകത്ത് ഇത് വരെയും ഒന്നും ആയി തീരാന്‍ സാധിക്കാത്ത ഞാന്‍ അദ്ധേഹത്തെ എതിര്‍ത്ത് പറയാന്‍ ആളല്ല.. ആ എതിര്‍പ്പ് എന്ന വാക്ക് മാറ്റി... ഞാന്‍ അത് എന്‍റെ വ്യക്തിപരമായ അഭിപ്രായം രേഖപ്പെടുത്തുന്നു എന്ന് തിരുത്തുന്നു...

ദാസേട്ടന്‍ ശരത്തിന് എതിരായിട്ട്‌ ആണ് പറഞ്ഞതെങ്കിലും പവിത്രം എന്ന സിനിമയില്‍ "ശ്രീ രാഗമോ" എന്നൊരു ഗാനം ഉണ്ട്... ONV സാറിന്‍റെ രചന.. ശരത് സംഗീതം.. ദാസേട്ടന്‍ ആലാപനം... പ്ലാവില പൊന്‍ തളികയില്‍ .. പാല്‍ പായസ ചോറ് ഉണ്ണുവാന്‍ ... വര്‍ണിക്കുവാന്‍ വാക്കുകളില്ലാത്ത കവി ഭാവന.. അതിര്‍ വരംബുകളില്ലാത്ത സംഗീതം.. ദൈവ തുല്യമായ ശബ്ദം...

പിന്നെ ദേവദാസി എന്ന സിനിമയില്‍ ചലല് ചന്ജല ചിലംബോലിയോ എന്നൊരു ഗാനം ഉണ്ട്. ശരത് സംഗീതം.. ദാസേട്ടന്റെ ആലാപനം.. എന്ത് മാത്രം പാടാണ് ഈ പട്ടു പാടാന്‍ എന്ന് മനസ്സിലായത്‌ ഈ സങ്ങതികളെ കുറിച്ച് മനസ്സിലായതിനു ശേഷം മാത്രം ആണ്..

അത് കൊണ്ട് ഞാന്‍ ഈ രണ്ടു മഹത് വ്യക്തികളെയും നമിക്കുന്നു.. ഇനിയും.. ഇത് പോലെ ഉള്ള മഹത് സൃഷ്ടികള്‍.. നിങ്ങളില്‍ നിന്ന് ഈ ഭൂമി മലയാളം പ്രതീക്ഷിക്കുന്നു..

ദേശാടനം

2009-02-17T04:03:00.000-08:00

അങ്ങനെ കുറെ കാലങ്ങള്‍ക്കു ശേഷം ദേശാടനം എന്ന സിനിമ വീണ്ടും കണ്ടു. അത് കാണാന്‍ ആയി നേരത്തെ തന്നെ ഓഫിസില്‍ നിന്നു ഇറങ്ങിയാരുന്നു. പരിചയം ഉള്ള കുറച്ചു പേരോട് ഇങ്ങനെ ഒരു സിനിമ ഉണ്ട് പോയി കാണണം എന്നും പറഞ്ഞിരുന്നു. ഇതു പണ്ടു തീയറ്ററില്‍ പോയി കണ്ടതാരുന്നു. അന്ന് പക്ഷെ ഏകദേശം 13 വയസ്സ് മാത്രമെ പ്രായം ഉണ്ടാരുന്നുള്ളൂ. അന്ന് സിനിമ ഇഷ്ടപ്പെട്ടു എങ്ങിലും ഇത്രക്കും ഇഷ്ടപ്പെട്ടില്ലാരുന്നു. ജയരാജ് എന്ന സംവിധായകനെക്കാളും ഒരു പക്ഷെ ഇതു മാടമ്പ് കുഞ്ഞു കുട്ടന്‍ എന്ന ജീനിയസിന്റെ അല്ലെങ്കില്‍ കൈതപ്രം എന്ന ഗാന രചയിതാവിന്റെ അല്ലെങ്കില്‍ സംഗീത സംവിധായകന്റെ വിജയം എന്ന് പറയാം.
ജയരാജിന്റെ ഇതിന് മുന്നേ ഉള്ള പൈതൃകം സോപാനം എന്നീ സിനിമകള്‍ നിരൂപക പ്രശംസ നേടിയെങ്ങിലും വാണിജ്യ പരമായി ഒരു വിജയം ആയിരുന്നില്ല. വെറും 10 ലക്ഷം രൂപ മുടക്കി ആണ് ഈ സിനിമ അന്ന് ജയരാജ് പൂര്‍ത്തിയാക്കിയത്. 100 ദിവസത്തിന് മുകളില്‍ ഓടുകയും ചെയ്തു. ഇന്നത്തെ കാലത്തു ഒരു നടന് മാത്രം കൊടുക്കണം അതിലും കൂടുതല്‍ തുക പ്രതിഫലം ആയിട്ട്.

ദേശാടനം പരമേശ്വരന്‍ അല്ലെങ്ങില്‍ പാച്ചു എന്ന ഒരു ബാലന്റെ കഥ ആണ് പറയുന്നതു. അതി സമര്‍ത്ഥന്‍ ആയ ഒരു ബാലന്‍ ചെറു പ്രായത്തിലെ സന്യാസം സ്വീകരിക്കേണ്ടി വരുന്നതും അത് ഒരു മഹാ ഭാഗ്യമായി ലോകം മുഴുവനും വാഴ്ത്തുന്നതും അതിനെ തടയാന്‍ ആവാതെ വരുന്ന മാതാപിതാക്കളുടെ നിസ്സഹായതയും ആണ് സിനിമയുടെ ഇതിവൃത്തം. പാച്ചു ആയിട്ട് വന്നത് കുമാര്‍ എന്ന ഒരു തമിഴ് ബാലന്‍ ആണ്. തരക്കേടില്ലാത്ത അഭിനയം കാഴ്ച വെക്കാന്‍ പാച്ചുവിന് കഴിഞ്ഞിട്ടും ഉണ്ട്. പാച്ചുവിന്റെ അച്ഛനും ഒരു കഥകളി നടനും ആയി വിജയരാഘവന്‍ ഒന്നാംതരം അഭിനയം ആണ് കാഴ്ച വെച്ചിരിക്കുന്നത്‌. സ്വന്തം മകനെ സന്യസിക്കാന്‍ ഉള്ള അനുമതി കൊടുത്തിട്ട് വന്ന അച്ഛന്റെ അടുത്ത് അത് വേണ്ട എന്ന് എതിര്‍ത്ത് പറയാന്‍ പറ്റാതെ വരുമ്പോള്‍ ഉള്ള ആ നിസ്സഹായതയും മകനെ നഷ്ടപ്പെടുമ്പോള്‍ ഉള്ള വേദനയും വളരെ മനോഹരം ആയിട്ടാണ് അഭിനയിച്ചു ഫലിപ്പിചിരിക്കുന്നത്. പാച്ചുവിന്റെ അപ്പൂപ്പന്‍ ആയിട്ട് വന്ന ഉണ്ണികൃഷ്ണന്‍ നമ്പൂതിരി കൈതപ്രം തിരുമേനിയുടെ ഭാര്യാപിതാവ് ആണ് . അദ്ധേഹത്തിന്റെ ആദ്യ സിനിമ ആണ് അത് എന്ന് കണ്ടിരിക്കുന്ന ഒരു പ്രേക്ഷകനും മനസ്സിലാവില്ല.. അത്രയ്ക്ക് ഒരു ഒഴുക്ക് ആ അഭിനയത്തിന് ഉണ്ടാരുന്നു. ചിത്രത്തിന് കഥ എഴുതിയ മാടമ്പ് ശാസ്ത്രികള്‍ ആയി അഭിനയിക്കുകയും ഓതിക്കന്‍ ആയിട്ട് അഭിനയിച്ച ആള്‍ക്ക് ശബ്ദവും കൊടുത്തു.
പക്ഷെ പാച്ചുവിന്റെ അമ്മയായിട്ട്‌ അഭിനയിച്ച മിനി നായര്‍ ശെരിക്കും നിരാശപെടുത്തി. എന്ത് കൊണ്ടാണ് ജയരാജ് ഇത്രക്കും അഭിനയ സാധ്യത ഉള്ള ഒരു വേഷം മിനി നായരെ പോലെ ഉള്ള ഒരു നടിയെ ഏല്‍പ്പിച്ചത് എന്ന് മനസ്സിലാകുന്നില്ല. സ്വന്തം മകന്‍ സന്യസിക്കാന്‍ പോകുന്നു എന്ന വാര്‍ത്ത അറിയുമ്പോള്‍ ഉണ്ടാകുന്ന ആ ഭാവ പ്രകടനവും പിന്നീട് മകന്‍ യാത്ര പറയുമ്പോള്‍ ഉണ്ണീ എന്ന് വിളിക്കുമ്പോള്‍ കാണിക്കുന്ന ഭാവ പ്രകടനവും എന്തോ അരോചകം ആയിട്ട് തന്നെ തോന്നി. പാച്ചുവിന്റെ കളിക്കൂട്ടുകാരിയായി അഭിനയിച്ച ബാലികയും നല്ല അഭിനയം തന്നെ കാഴ്ച വെച്ചു, പ്രത്യേകിച്ചും ഗാന രംഗങ്ങളില്‍.

ശങ്കരാചാര്യരുടെ ശിഷ്യ പരമ്പരയില്‍ പെട്ട മൂപ്പില്‍ സ്വാമിയാരുടെ പിന്തുടര്‍ച്ചാ അവകാശിയായിട്ടാണ് പാച്ചു സന്യാസം സ്വീകരിക്കുന്നത്‌. അത് തറവാടിന്റെ സുകൃതം എന്ന് കരുതുന്ന മുത്തച്ചനും ആകെ ഉള്ള ഒരു പുത്രനെ നഷ്ടപ്പെടുന്ന വേദനയില്‍ മാതാപിതാക്കളും കളിച്ചു ഉല്ലസിച്ചു നടന്ന ബാല്യം പെട്ടെന്ന് നഷ്ടപ്പെടുന്ന വേദനയില്‍ പാച്ചുവും സാധാരണ പ്രേക്ഷക മനസ്സിലേക്ക് കടക്കുന്നു. സ്വാമിയാര്‍ മടതിലേക്ക് പാച്ചുവിനെ യാത്രയാക്കുന്ന വളരെ ഹൃദയ സ്പര്‍ശി ആയിട്ടാണ് ചിത്രീകരിച്ചിരിക്കുന്നത്. കണ്ണുകളെ ഈരനനിയിക്കാന്‍ ഉള്ള രീതിയില്‍ തന്നെ ആണ് കൈതപ്രം നമ്പൂതിരി ഇതിന് സംഗീതം നല്കി ഇരിക്കുന്നത്. ആരും കാണാതെ സന്യാസി മഠത്തില്‍ നിന്നും ഓടി പോരുന്ന പാച്ചുവിനെ പൂര്‍വാശ്രമത്തില്‍ ഉള്ള എല്ലാരും സ്വീകരിക്കാന്‍ ആവാതെ തിരിച്ചു മടക്കി അയക്കുന്നിടത് സിനിമ തീരുന്നു.

എടുത്തു പറയേണ്ട ഒരു കാര്യം ഇതിലെ ഗാനങ്ങള്‍ ആണ്. കൈതപ്രം എന്ന ഗാന രചയിതാവിനെ മലയാളികള്‍ക്ക് അതിന് മുന്നേ തന്നെ പരിചയം ഉണ്ടാരുന്നു. പക്ഷെ അധെഹതിലെ സംഗീത സംവിധായകനെ അന്ന് ആദ്യം ആണ് മലയാളി പ്രേക്ഷകന് അനുഭവിക്കാന്‍ ഇടയാകുന്നത്. 6 ഗാനങ്ങള്‍ ആണ് സിനിമയില്‍ കാണിക്കുന്നത്. നാവ മുകുന്ദ ഹരേ എന്ന കീര്‍ത്ത്നത്തില്‍ തുടങ്ങുന്നു ഇതു. പിന്നീട് നീല കാര്‍മുകില്‍ വര്‍ണ്ണന്‍ എന്ന സന്ധ്യാ നാമവും എങ്ങിനേ ഞാന്‍ ഉറക്കെണ്ടൂ എന്ന താരാട്ട് പാട്ടും, വേട്ടക്കൊരു മകന്‍ എന്ന ഭക്തി ഗാനവും വരുന്നൂ. പാച്ചു യാത്ര പറയുന്ന അവസരത്തില്‍ കാണിക്കുന്ന യാത്രയായി എന്ന ഗാനം ഇവയില്‍ ഏറ്റവും മികച്ചത് എന്ന് പറയാം. ദാസേട്ടന്‍ തന്റെ മാസ്മരികമായ ശബ്ദത്തില്‍ ആലപിച്ചിരിക്കുന്ന ഈ ഗാനം ആരുടേയും മനസ്സിലേക്ക് കടന്നു ചെല്ലുന്നത് തന്നെ ആണ്. അനുഗ്രഹിക്കൂ അമ്മേ അനുവദിക്കൂ.. പോകാന്‍ അനുവദിക്കൂ എന്ന വരി കേട്ടിട്ട് ഒരു മാതിരി എല്ലാ അമ്മമാരുടെം കണ്ണ് നിറയും എന്ന് തോന്നുന്നു. പാച്ചുവിന്റെ പിറന്നാളിന് പോയിട്ട് സ്വന്തം മകനെ കാണാനോ ഒരു നുള്ള് ചോറ് വാരി കൊടുക്കാനോ കഴിയാതെ വരുന്ന അവസ്ഥയില്‍ തിരിച്ചു വരുമ്പോള്‍ ഉള്ള കളിവീട് ഉറങ്ങിയല്ലോ എന്ന ഗാനവും മികച്ചു തന്നെ നില്ക്കുന്നു.

അങ്ങനെ മൊത്തത്തില്‍ ഒരു വളരെ നല്ല സിനിമ കണ്ടു എന്ന ഒരു ആശ്വാസം ദേശാടനം കണ്ടു കഴിയുമ്പോള്‍ ഒരു പ്രേക്ഷകന് ലഭിക്കുന്നു എന്നത് തന്നെ ആണ് ആ സിനിമയുടെ വിജയവും.
1996 ഇല്‍ ഇറങ്ങിയ ഈ സിനിമക്കു കേരളത്തിലെ മികച്ച സംവിധായകന്‍ , മികച്ച രണ്ടാമത്തെ നടി, മികച്ച ബാല താരം, മികച്ച ചിത്രീകരണം തുടങ്ങി ഒട്ടനവധി പുരസ്കാരങ്ങളും ലഭിച്ചു.
Best Director Jayaraj
Second Best Actress Mini Nair
Child Artist Master Kumar
Best Photography Radhakrishnan
Best Sound Recordist Krishnanunni

എന്റെ ലോങ്ങ് ലാസ്റിംഗ് Dzire!!!

2009-02-17T03:58:00.000-08:00

അങ്ങനെ കുറെ നാളായിട്ടുള്ള ഒരു Dzire പൂവണിഞ്ഞു. ഒരു കാര്‍ വാങ്ങണം എന്ന് കുറെ കാലം ആയിട്ട് കരുതുന്നു. കഴിഞ്ഞ ആഴ്ച അത് അങ്ങനെ സാധിച്ചു. ഓണ്‍സൈറ്റ് കഴിഞ്ഞു വന്നപ്പം കയ്യില്‍ കുറച്ചു ഡോളേര്‍സു തടഞ്ഞപ്പം തുടങ്ങിയ അത്യാഗ്രഹം ആണെന്ന് പറയാം. അല്ലെങ്കില്‍ അമേരിക്കയില്‍ വെച്ചു വണ്ടി ഓടിക്കാന്‍ അറിയില്ല എന്ന് മനസ്സിലായതില്‍ ഉള്ള വിഷമം ആരിക്കാം..തിരിച്ചു നാട്ടില്‍ ചെന്നാല്‍ എങ്ങനെയും ഡ്രൈവിങ്ങ് പഠിക്കുക എന്നിട്ട് ഒരു വണ്ടി എടുക്കുക ഇതൊക്കെ അവിടുന്നെ തീരുമാനിച്ചിരുന്നു. പ്ലാനിംഗ് അല്ലേലും ബുദ്ധിമുട്ടുള്ള കാര്യം അല്ലല്ലോ.. എന്തെല്ലാം ഇങ്ങനെ പ്ലാന്‍ ചെയ്തു പരാജയപ്പെടുത്തിയിരിക്കുന്നു. അങ്ങനെ ഒരു ദിവസം... കൃത്യമായി പറഞ്ഞാല്‍ ജനുവരി 24 ആം തീയതി ഞാനും ശ്രീജിത്തും കൂടി ബിമല്‍ ഓട്ടോ ഏജന്‍സിയില്‍ പോയി. അവിടെ ചെന്നിട്ടു കാണാന്‍ ഉള്ളതില്‍ ഭേദം എന്ന് തോന്നിയ തരുണീ മണിയുടെ അടുത്തേക്ക് പോയി. സംഗീത:- അവള്‍ ഒരു ദേവത ആണോ എന്ന് ചോദിച്ചാല്‍ അല്ല.. അവള്‍ ഒരു അസ്പരസ്സു(സ്പെല്ലിംഗ് തെറ്റിയതല്ല) ആണോ എന്ന് ചോദിച്ചാല്‍ അല്ല.. പിന്നെ ആരാണ് അവള്‍.. അവള്‍ അവിടുത്തെ ഒരു സെയില്‍സ് ഗേള്‍ മാത്രം അല്ലാതെ പിന്നെ..

മുന്‍പേ പറഞ്ഞു കേട്ടത് അനുസരിച്ച് ഞാന്‍ ഈ ബുക്ക് ചെയ്യാന്‍ പോകുന്ന വണ്ടി കിട്ടാന്‍ കുറഞ്ഞത് 3-6 മാസം എടുക്കും എന്നായിരുന്നു. ആ പ്ലാനില്‍ ആണ് ഞാന്‍ എന്റെ ഫിനാന്‍സ് മാനേജ് ചെയ്യാന്‍ ഉധേശിച്ചിരുന്നത്. അതായത് വണ്ടി ബുക്ക് ചെയ്തു കഴിഞ്ഞതിനു ശേഷം ഉള്ള 2-3 മാസം കൊണ്ടു ബാക്കി ഉള്ള കുറച്ചു കാശും ലോണും ഒക്കെ റെഡി ആക്കാം എന്നുള്ള വിവിധ ചിന്താ ധാരകളും ആയിട്ട് ഞങ്ങള്‍ സംഗീതയോട് ആ ചോദ്യം ചോദിച്ചു.. ഇത് ബുക്ക് ചെയ്‌താല്‍ കിട്ടാന്‍ എത്ര നാളെടുക്കും.. ? വെള്ളിടി പോലെ ഉള്ള ഒരു ഉത്തരം തിരിച്ചു കിട്ടി.. 2 ആഴ്ച അല്ലെങ്കില്‍ അതിലും കുറവ്.. കാവിലമ്മേ... എന്നെ അങ്ങ് എടുത്തോണേ... സാമ്പത്തിക മാന്ദ്യം കാരണം റബ്ബര്‍ വെച്ചപ്പം റബ്ബറിനും മണ്ടരി.. അതാണ്‌ അവസ്ഥ.. ഇനി ഞാന്‍ എന്ത് ചെയ്യും എന്റെ ഗണപതി ഭഗവതി ഭഗവാനെ.. സെന്റിശ്വരാ??

സംഗീത Dzire ന്റെ ഗുണഗണങ്ങള്‍ വിവരിച്ചു തുടങ്ങി... പൂച്ചക്കെന്താ പോന്നുരുക്കിന്നിടത് കാര്യം എന്ന മട്ടില്‍ ഞാനും ഇരുന്നു. ഒരു സാധനം എനിക്ക് മനസ്സിലാകുന്നത്‌ ഇല്ലാരുന്നു... ഞാന്‍ ഈ പോളി ടെക്നിക് ഒന്നും പഠിക്കാത്തത് കൊണ്ടു ഈ യന്ത്രങ്ങളുടെ പ്രവര്‍ത്തനം ഒന്നും എനിക്കറിയാന്‍ മേലല്ലോ..കൂടെ ഇരിക്കുന്നവന്റെ ഡെമോ കണ്ടാല്‍ തോന്നും അവനാണ് കാര്‍ എന്ന വാഹനം കണ്ടു പിടിച്ചത് എന്ന് .. എന്നിട്ട് നിനക്കിതൊന്നും അറിയാന്‍ മേലെ എന്നുള്ള രീതിയില്‍ ഉള്ള നോട്ടവും ഭാവവും എല്ലാം... ഞാന്‍ പിന്നെ ക്ഷമിച്ചു.. അല്ലാതെ എന്ത് ചെയ്യാന്‍.. ആവശ്യക്കാരന് ഔചിത്യം ഇല്ലല്ലോ!!

അവിടെ ഒരു ടോക്കണ്‍ അഡ്വാന്‍സ്‌ കൊടുത്തു ഞാന്‍ ഇറങ്ങി.. ഇനി എങ്ങനെ ബാക്കി പൈസ ഉണ്ടാക്കും..? ലോണ്‍ എങ്ങനെ ശെരിയാക്കും? പണ്ടു എടുത്ത ഹോം ലോണ്‍ ഇതു വരെ ഒരു പരുവതിനായിട്ടില്ല.. ഈ പണ്ടാരം വേണ്ടി ഇരുന്നോ എന്നുള്ള ചിന്ദകളില്‍ മുഴുകി ഞാന്‍ നടന്നു നീങ്ങി. അടുത്ത ദിവസം സംഗീത വീണ്ടും വിളിച്ചു. ലോണ്‍ അവിടുന്ന് തന്നെ റെഡി ആക്കി തരാം അത്രേ. വളരെ കുറച്ചു പലിശ 13.75%. നമ്മുടെ സ്വന്തം ബാങ്ക് ആയ HDFC ഇല്‍ ഒന്നു തിരക്കീട്ടു മറുപടി പറയാം എന്ന് ഞാന്‍ പറഞ്ഞു. ബാങ്കില്‍ ചെന്നു തിരക്കിയപ്പം അവര്‍ക്ക് എന്തെന്നില്ലാത്ത സ്നേഹം. സാമ്പത്തിക മാന്ദ്യം കാരണം തലയ്ക്കു വെളിവ് ഉള്ള ഒരുത്തനും ഒരു ലോണ്‍ തലയില്‍ വലിച്ചു കേറ്റി വെക്കാന്‍ ഇഷ്ടപ്പെടുന്നില്ലല്ലോ.. അത് കൊണ്ടു അവരുടെ ബിസിനസ്സും മൊത്തം പോക്കായി കിടക്കുവാണ്. ലോണ്‍ കിട്ടുന്നതിനു യാതൊരു പ്രശ്നവും ഇല്ലാത്രേ. അപ്പം ഞാന്‍ എനിക്കുള്ള പ്രശ്നം പറഞ്ഞു.. ഞാന്‍ ഓരോ തവണ ഒപ്പിടുമ്പോഴും ഓരോ രീതിയില്‍ ആണ് വരുന്നതു.. ഈ പ്രശ്നം ഉണ്ടാരുന്നത് കാരണം HDFC എന്നെ കൊണ്ടു എന്റെ പേരു എഴുതിപ്പിക്കുവാരുന്നു. അത് പോലും രണ്ടു തവണ എഴുതുംബം രണ്ടു രീതിയില്‍ വന്നാല്‍ പിന്നെ ഞാന്‍ എന്ത് ചെയ്യാനാ?

ഇതു മൊത്തം നാണക്കേട് ഉണ്ടാക്കുന്ന ഒരു കാര്യം ആണല്ലോ.. മര്യാദക്ക് ഒപ്പിടാന്‍ അറിയില്ല എന്നുള്ളത്.. അത് പറയാതെ ഇരിക്കാന്‍ ഞാന്‍ ഒരു കാര്യം ആലോചിച്ചു.. തംബ് ഇമ്പ്രഷന്‍ ആയാല്‍ എന്താ? ഒപ്പിടാന്‍ അറിയാന്‍ മേലാഞ്ഞിട്ടല്ല.. കൂടുതല്‍ സെക്യൂരിറ്റി ഉണ്ടല്ലോ.. ഒപ്പ് ആര്‍ക്കു വേണേലും അനുകരിച്ച് ഇടാവല്ലോ.. പക്ഷെ ഇതാകുംബം പ്രശ്നം ഇല്ലല്ലോ.. സംഗതി സേഫ് ആണ്.. ഇതെങ്ങാനും പറഞ്ഞിരുന്നേല്‍ അവന്‍ ഇങ്ങോട്ട് പറഞ്ഞേനെ അങ്ങനെ ആണേല്‍.. ഞാന്‍ എന്റെ ഒപ്പ് തന്നെ ഒന്നു അനുകരിച്ചാല്‍ മതിയെന്ന്.. ഒരു 50 ഒപ്പ് അടുപ്പിചിട്ടാല്‍ ഏതേലും രണ്ടു എണ്ണം ഒരു പോലെ വരണം എന്നത് തന്നെ വലിയ ഒരു അത്യാഗ്രഹം ആണ്. ഒപ്പിന്റെ കാര്യം പുള്ളിക്കാരന്‍ ഏറ്റു എന്ന് പറഞ്ഞു.. ഞാന്‍ ആവശ്യം ഉള്ള ഡോകുമെന്റ്സ്‌ എല്ലാം ആയിട്ട് 2-3 ദിവസം കഴിയുമ്പം ചെല്ലാം എന്നും പറഞ്ഞു അവിടുന്ന് ഇറങ്ങി.

വേണ്ട സാധന സാമഗ്രികള്‍ ആയിട്ട് ഞാന്‍ ചെന്നു.. ഒരു 80 ഒപ്പ് എങ്ങിലും ഞാന്‍ മിനിമം അന്നിട്ടു. ഒപ്പ് എന്നൊന്നും അതിനെ വിളിച്ചു കൂടാ.. ചുമ്മാതെ പേരു എഴുതി വെച്ചു.. എല്ലാം കഴിഞ്ഞു ബാങ്കിന്റെ രേഖകളില്‍ നോക്കിയപ്പം അതിന് പോലും ചെറിയ ഒരു വ്യത്യാസം.. ഞാന്‍ തകര്‍ന്നു പോയി.. ഇതു സഹിക്കാവുന്നതിലും അപ്പുറത്തായിരുന്നു. Akhil എന്ന് എഴുതുന്നതിലെ i ടെ മുകളില്‍ ചിലതിനു ഒരു കുത്തുണ്ട്.. ചിലതിനു ഇല്ലത്രേ.. .ഹോ സമാധാനം ആയി.. എല്ലാത്തിനും ഇരുന്നു കുത്തിട്ടു വെച്ചു.. ആ ഇപ്പം എല്ലാം ഓക്കേ ആയി എന്നും പറഞ്ഞു പുള്ളിക്കാരന്‍ അതെല്ലാം എടുത്തോണ്ട് പോയി... അങ്ങനെ 2-3 ദിവസത്തിനുള്ളില്‍ എനിക്ക് ബാങ്ക് ലോണ്‍ കിട്ടി. ഇനി വണ്ടി എടുക്കുക എന്ന മഹാ സംഭവം..

ഫെബ്രുവരി മൂന്നാം തീയതി വണ്ടി റെഡി ആയി.. ശ്രിജിത് ഉച്ചക്ക് ഓഫീസില്‍ എത്തി. ഞങ്ങള്‍ രണ്ടു പേരും കൂടി അങ്ങനെ ബിമലില്‍ എത്തി. കാറിന്റെ ഓരോരോ സെറ്റിങ്ങ്സ് സംഗീത കാണിച്ചു തന്നു തുടങ്ങി. എനിക്ക് എല്ലാം ഒരു പുതുമ. ഡ്രൈവറുടെ സീറ്റിന്റെ അടിയില്‍ ഒരു സാധനം പിടിച്ചു വലിച്ചാല്‍ ഡിക്കി തുറന്നു വരുന്നു. വേറെ ഒന്നില്‍ പിടിച്ചു വലിച്ചാല്‍ ഡീസല്‍ അടിക്കുന്ന വാതില്‍ തുറക്കുന്നു അങ്ങനെ കുറെ സംഭവങ്ങള്‍. കൂടെ വന്നവനു തിരക്ക് ആയതു കാരണം ഞങ്ങള്‍ സംഗീതയോട് "അപ്പം ശെരി എന്നാ.." പിന്നീട് കാണാം എന്നും പറഞ്ഞു ഇറങ്ങി.. ഞാന്‍ ഓടിക്കാന്‍ അറിയില്ലെലും സൈഡ് സീറ്റില്‍ ഇരുന്നു പോകാല്ലോ എന്നുള്ള രീതിയില്‍ സൈഡ് സീറ്റില്‍ ഇരുന്നു.. അപ്പോഴാണ്‌ ആലോചിച്ചത് നമ്മള്‍ വന്ന ബൈക്ക് ഇനി എങ്ങനെ കൊണ്ടു പോകും.. പിന്നെ ഞാന്‍ പോയി ബൈക്ക് എടുത്തു ഓടിച്ചോണ്ട് പോന്നു.

ഓരോ വളവ് ആകുമ്പോഴും ഞാന്‍ ബൈക്ക് നിര്‍ത്തി അവന്‍ വരുന്നതു നോക്കിക്കൊണ്ടു നിന്നു.. ഹോ അവന്‍ വണ്ടി ഓടിക്കുന്നതിനു ഞാന്‍ ഇത്രയും ടെന്‍ഷന്‍ അടിച്ച വേറെ ഒരു സമയം ഇതു വരെ ഉണ്ടായിട്ടില്ല.. അവന്റെ സ്വന്തം വണ്ടി അവന്‍ ഓടിച്ചു കൊണ്ടു നടക്കുന്നതിനു ഞാന്‍ എന്തിനാ അല്ലേലും ടെന്‍ഷന്‍ അടിക്കുന്നത്? ഏതായാലും ഒരു വിധത്തില്‍ ഞങ്ങള്‍ വീട്ടില്‍ എത്തി.. വന്ന പാടെ വണ്ടി മൂടി അങ്ങ് ഇട്ടു.. ഹോ ഇനി ടെന്‍ഷന്‍ ഇല്ലല്ലോ. ഇതു എങ്ങും ഒളിച്ചു വെക്കാനും പറ്റില്ല.. ആരേലും വണ്ടി ഒന്നു മാറ്റി തരം പറഞ്ഞാല്‍ പോലും സംഗതി പൊളിയും.. നമുക്കു ഓടിക്കാന്‍ അറിയില്ല എന്നുള്ള നഗ്ന സത്യം എല്ലാരും മനസ്സിലാക്കും. ആ എന്തായാലും സേഫ് ആയിട്ട് കൊണ്ടു മൂടി ഇട്ടു.. ഇനി ടെന്‍ഷന്‍ ഇല്ല..

അങ്ങനെ ഞാന്‍ ഒരു കാര്‍ മുതലാളി ആയി.. ഹോ എനിക്കിപ്പോഴും അങ്ങ് വിശ്വാസം ആയിട്ടില്ല.. അങ്ങനെ ലോണിന്റെ എണ്ണം രണ്ടു ആക്കി ഉയര്‍ത്തി എന്ന ചാരിധാര്‍ത്യത്തില്‍ ഞാന്‍ തിരിച്ചു ഓഫീസിലേക്ക് പോന്നു. ഇനിയും ലോണുകള്‍ എട്ടു വാങ്ങാന്‍ എന്റെ ജീവിതം ബാക്കി..सफरों की सिन्धागी जो कभी नही कदम हो जाती हे!!